من فتره اختي تعرضت لسحر من وحده نعرفها المهم ماخلينا شيخ ماجبناه ولا رحنا له المهم لاحظنا ان سطحنا فيه بسه سوداء
او بالمزرعه مستحيل تترك المكانين هذي ولما سألنا الشيخ قال ممكن يكون حارس لسحر وقريت بمنتدى عبدالله الخليفه نفس الشي ..
المهم بيوم من الايام الوقت ليل كنا جالسين كلنا بالصاله عدا امي كانت عند جارتنا واختي المسحوره كانت عند خالتي لها كم ليله ونطالع بالتلفزيون وخلفنا درج البيت ( الدرج داخلي ) وشوي الا احس في احد وراي ولما التفت والا اشوف البسه السوداء واقفه وراي وتطالع بالصاله اللي فجعني ان رقبتها كانت طويله ورافعه راسها وكانها تدور على اختي بالصاله وحسيت بقشعريره منها وسميت ع طول بالرحمن واحاول اطردها ولاهي خايفه حتى اخويه حاول يطردها ولا راحت وبعدها مشيت بشويش ودخلت للغرفه اللي تنام فيها اختي ولا شافتها انا حسيت انها مو بسه شغلت سورة البقره بس وربي ما أثر فيها سبحان الله وطلعت من الغرفه وراحت للمجلس ودخلت تدور ع اختي ولما ماحصلتها وقفت عند باب المجلس وانا واخويه نطالع فيها وهي تنظر فينا وجاب اخويه عصا يحاول يخوفها بس ماخافت حتى فتحنا باب البيت عشان تطلع والله اخذت خمس دقايق تطالع فينا وبعدين طلعت وراحت للمزرعه ومن اليوم الثاني اختي تتصل علي وتقول تخيلي جالسه اتقهوه مع خالتي الا اشوف بسه سوداء على السور وتنظر في نظرات تخوف وغريبه تقول حتى خالتي قالت اول مرررا تجي بسه عندنا وتحلف اختي تقول طول الوقت رايحه جايه وتنظر في اخر شي راحت خالتي وقفلت الشباك .
بسم الله علينا وحسبي الله باللي سوت السحر واذتنا :(
من فتره اختي تعرضت لسحر من وحده نعرفها المهم ماخلينا شيخ ماجبناه ولا رحنا له المهم لاحظنا ان...
قبل ثلاث ايام كنت جالسه الاعب بنت خالتي الصغيره عمرها سنتين اهلي رايحين السوق وخلوها عندي
المهم : تحب درج الاكسسوارت وجبت لها عشان تلعب فيه طبعا هو صغير وجالسه تلعب فيه تخرج اللي فيه وترجعه ومع نفسها واناء على جهازي بعد مع نفسي مو يمها فجأه التفت لها لقيت واحد من الادراج مخرج كله ومحطوط بحظنها استغربت ! شوي بعدين قلت لها زوز ي ماما من حط هذا هنا وجالسه تضحك وتأشر على الباب وتقول ردال ردال يعني * رجال * بلغة الاطفال
عاد هي بسم الله عليها ذكيه ومستحيل تكذب كعادة الاطفال الصغار
صراحه يوم قالت لي كذا جلست افكر شوي وقلبتها ضحك معها عشان انسى - ههههههههههه - وسميت عليها وعليّ
وبس :)