هلا وغلا كيفكم حوائيات يارب تكونون بخير 😘
بصراحة كثير مريت بمواقف مخيفة وللأسف ماتحظرني
كلها رح اقلكم كم موقف اللي ببالي الحين وببدأ بأول
موقف ..هذا ياسادة ياكرام كنت مرة معزوم عند أقارب
زوجي وكان بيتهم موحش ومايونس أبدا وفيه حوش
كبير كنا جالسين فيه احنا الحريم وماديلنا سفرة العشا
ووحدة من الحريم الله يهداها جلست تسولف عن الملح
انه يطرد الجن ولازم نرمي الملح في زوايا البيت ومدري
ايش وما نحس وندري الا وحدة من حريم البيت رمت
كاسة الشاي بنص صحن الملح وغمضت عيونها وفتحتهن
نص فتحة ورفعت ايديها وكانت مسكرة نص اصابعها
وانا لحد الحين مو مستوعبة الي صار كان شكلها نفس
اللي فجأة ينكب بظهره مي باردة وما شوف اللا
النسوان يسحبون ابنها من جنبها وهي شالت الكاسة
مرة ثانية وصارت تكسر بصحن الملح وتصرخ بصوت
عالي بتقول ملح ملح وايديها تمتلت دم في حريم
من اهل البيت مسكو ايديها عشان تهدى وهي
كان حيلها حيل رجال مو حرمة انا هنا جمدت بمكاني
من الصدمة و الحريم جنبي يلومون ببعض يقولون شلون
نسيتم وتكلمتم قدامها وهي تصارخ تبيهم يهدونها
وكانوا ثنتين ماسكينها انا من الخوف ماعاد تشيلني
رجليني قمت اقرأ المعوذات بصوت عالي شوي وصارت
تناظرلي بعيونها كانها عصبت بزيادة وتبي تهجم علي
لوما تدخل واحد من الرجال ومسك ايدينها هو وامه
واحنا دخلنا لوحدة من الغرف لبين ماتهدى وهي جلست
تسولف معاهم وتقلهم اشياء عن حياتهم مايعرفونها
وتضحك بصوت عالي وتصارخ عليهم صار وجهها احمررر
وتورم يا حرام وقبل ماتصحى على حالها صارت تنادي
وحدة من البنات الموجودات نادتها اكثر من مرة مع انها
علاقتها معها جدا سطحية بس هاذي البنت اللي ندهتلها دايما تشوف
اشياء مخيفة تقولي انها احيانا تدخل لغرف بيتهم
تشوف شخص واقف بالغرفة ومرة كنت عندهم وكانت
الدنيا ليل وانقطعت الكهربا واحنا نتعشى وهي كانت
جالسة بالمطبخ ما تعشت ويانا ولم انقطعت
الكهربا نسينا نندهلها وكنت اسمع صوت تصفيق خفيف
بس ما اهتميت ولم خلصنا رحت للمطبخ اجيب شي ونها
عند باب المطبخ وتصفق بايديها وتناظر للسقف جيت
سألتها شفيج ونها تقلي شوفيهم يحليلهم يرقصون انا
وقتها ماظل ولا شعرة بجسمي ماوقفت ورحت ركض
افزع اهلها عليها الله يشفيها يارب كانت كثير تعبانه
وكانت تشوفهم قدامها وتصحي زوجها من النوم تقوله
شوفهم يضحكون علي وهو ما يشوف شي واحيانا تكون
نايمة وينادولها من الشباك ويصحونها من نومها
وأنا بعد كنت دايما اشوف كوابيس واشوف اشياء مخيفة
بس ما اكون صاحية احس نفسي بين الصحوة والنوم
واكثر شي يجيني الجاثوم واشوف معاه اشياء مخيفة
ومرة لقيت نفسي طايرة فوق السرير كأن في ريح
شايلتني وكنت شايفة كل شي بالغرفة مثل ماهو حتى
الثريا كانت تهتز يمين وشمال واكثر شي كنت خايفة
اوقع على بنتي الصغيرة كانت نايمة جنبي وقتها صرت
أتعوذ من الشيطان او قريت المعوذات ما اذكر بالضبط
ولم راح عني حسيت حالي كنت نايمة وصحيت
ومن الخوف ضليت شهر ماأنام بهالغرفة وفي اشياء
كثيرة اشوفها لم يجيني الجاثوم مرة شفت حرمة
بالغرفة منطيتني ظهرها ...لكن ولامرة شفتهم قدامي
وانا صاحية غير مرة وحدة وانا صغيرة سكنا ببيت
كأنه مسكون وكنت اشوف بالليل الاطياف لونهم ابيض
نفس الاضوية يمشون بالغرفة عالحيطان ولم كنت
اقول لاهلي ماحدا منهم يصدقني الا اختي الصغيرة
مارح اكمل لاني كتبت جريدة ما شاءالله علي 😅
ايش رأيكم بنات هالمواقف تخوف
ولا أنا اللي خوافة زيادة 😕

هلا وغلا 💞💞💞
رجعتلكم عند وعدي
مقدرت اكتب بالنهار لان
مشاركاتي خلصت وافلام الرعب حلاتها
بالليل😱 يكون الجو هادي عشان نعيش الموقف
بكل تفاصيله 👻👻😲😲😲
بس بصراحة اكتب وجسمي يقشعر من الخوف
الشكوة لله 😨😖😖

رفع

مواقفج رعب بس حلوه هههههه
كملي 😅😅

اتذكر وانا طفله في بيتنا الاول كان عندنا مجلس حريم والله كل من نام فيه باليل مايرتاح وياما صار لنا فيه مواقف ..ذاك اليوم كانت عندنا بنت عمتي وتعشت معنا في المجلس هذا وانا كنت جالسه معهم وغلبني النوم ونمت .. امي حبيبتي خلتني مكاني نايمه وغطتني واهلي كلهم خرجوا معا بنت عمتي يسكنوها توصل بيتها لانها تروح مشي ..صحيت فجأه والمجلس ظلام الا من لمبه في السيب قبالة المجلس وهدوووء عجيب ..شباك المجلس مقابلني وانا نايمه ومفتوح وكان مقابل الشباك مباشره جدار قديم يطل على ارض مهجوره ..والله بس طالعت الشباك اشوف راس غزال مقطوع على اعلى الجدار وعيونه مفتوحه تطالعني بشكل مرررعب 💔 رغم اني في الثلاثينات الحين لكن هذا الموقف مستحييل انساه محفور حفر
موقف ثاني قريب حصل لي في بيتي
انا نايمه صحيت فجأه من حلم مزعج ..والله اني صاحيه وفي كامل وعيي والبيت هادي الساعه يمكن ٣ الفجر الا اسمع طفل يلعب بكوره في مطبخي ..طبعاً انا ماعندي اطفال لسه ربي مارزقني
وصوت ضربات الكوره ع البلاط واااضح وقوي ..لكن ماسويت شيء تعوذت من الشيطان وقريت آية الكرسي ورجعت نمت