مااروح بعيد اليوم زوجي طلع من البيت بدري وبنتي قريب العصر تبكي وتقول بابه بابا وتاشر على مجلس الرجال رحت اشوف مافيه احد انا خفت على بنتي بصراحه وكم مره تاشر على غرفة النوم بنتي سنتين الله يحفضها

بسم الله عليها

ماعندكم قصص غير عن الجن
مثل حرامي دخل بيتك موقف حصل في اي مكان سرقه اختطاف اي شيء!


هذا الموقف حصل قبل مدة كان عمري وقتها ١٠ سنوات وكنا في بيتنا المهم انا واختي الي اكبر مني بسنه ونص ازعجنا امي و لحقتنا بتضربنا ونحشنا قفلنا علينا باب غرفتنا وطولها جلسنا نسولف وبعد شوي نمت وراسي بحضن اختي واختي كانت تقرا مجلة سبيستون 💜
وكانت دريشة الغرفة مفتوحه فجاة لاحظت في واحد يطل عليها وناظرت لدريشة لقت ولد ابيض مررره وشعره ناعم وواضح عليه انه شباب وقامت تصيح اختي وطلعت لأمي والولد نحاش وطلع من باب الشارع الكبير ونادينا عماني فتشوا المكان ما حصلوا احد و سألنا احد العمال قالوا شفنا شباب دخلوا بيتكم و طلعوا مسرعين
اففف الحمدالله عدت على خير


و في هالموقف مره كان عمري ١٥ سنه و كنا في السوق واخوي الصغير ضاع عمره تقريباً سنتين ونص و توزعنا ندوره انا وامي و خواتي و لقيته مع حرمه ماسكته بقوه و جيتها باخذ اخوي قالت خير ان شاءالله وش تبين؟ قلت هذا اخوي باخذه! قالت لا هذا ولدي انا!!!!
اخوي يوم شافني قام يبكي يبغاني وقلت اعطين اخوي بصوت قوي وهي مصره الا ولدها هذا!
وسحبت اخوي من يده بقوهه و صرخت بوجها قلت اتركي اخوووي
والحريم تجمعوا حولينا وهي خافت و تركت اخوي ونحاشت حسبي الله عليها
الحمدالله ربي حفظ اخوي ولا كان راح معها


و مره كان وقتها عمري ١٧ ووقت عيد الاضحى ابوي شاري خروفين و حاطهم بالحوش وطلع وترك الباب مفتوح وطلعنا نلعب مع الخرفان الا يدخلون علينا رجالين ومتلثمين وشفناهم وقعدنا نصييح واحد يقول لنا اصصص داخلين بس نشوف الخروف 😂
الحمدالله وقتها كان في اخوي الله يخليه لنا و طلع عليهم بالعجر و فروا هاربين


موافق كثييير حصلت معنا ولي عوده

طيب قبل شهر مافي إلا انا وولدي بالبيت الجميع معزومين وطلعوا ...كنت دوخانه وجيعانه بس مريت إلا باب الصاله مو مقفل بالقفل
...وعجزانه اوصل واقفل واقول بنفسي الحمدلله أمان ....بس شي خلاني اقفل الباب




رحت للمطبخ جبت صحن اكل وجلست بالصاله ولا والشباك مفتوح
إلا مسكة الباب تتحرك بقوة والباب انا ماجا في بالي الا ولدي الصغير رجع ...وانادي اقول لحظه الحييين اجي ....إلا صوت جري خفيف ..إلا واروح بفتح وافتح القفل هناااا وجعني قلبي حسيت انه لالالالا....قفلت وطليت من الشباك مافي احد


رحت اتفقد الباب الثاني الحمدلله مقفل
الزبده لاتقولون أمان وبس لا احتاطوا قفلوا الابواب كويس ولا تتعاجزون ....

اختي كانت مسافرة وجاو قت الصلاة ووقفوا عند محطه ...مقطوعه ...ماافي احد
نزلت الا كل اللمبات طافيه اللي تبع قسم النساء ..في وحده بس ودخلت بتتوضا الا تلقى حرمه ضخمه ...جالسه على الحوض ومعها عصا ...تقول المكان سيب ضيق ولازم امر لاصقه فيها ...تقول سلمت وماناظرت بي ...كش جلدي علي ...حسيت ان في شي غلط ....بس تقول تجسرت بها ...ان يعني في احد ......وانا داخل اتذكر ان جاراتنا يقولون في خيال حررمه يبان وترعب اللي تشوفه ....تقول وانا اللي ماااقدر اتحرك واجي بطلع ولاهي بمكانها جالسه على الحوض ..واحاااول اقرا شي واااتشجع ..واخر لمبه طافيه
واطلع وانا نشف ريقي ونشفت دموعي ولاعاااد ارضى نوقف بمحطه مقطوعه