بسم الله
أنا عن نفسي خوافه وبقوه 😫😫
كنت فشقه وكان عندي أحساس أنه شي فيها أحسها ثقيله ،بعيني ما شفت شي بس كنت أحلم .مره حلمت فراش فغرفت نومي وكثير نايمين تحت وطبعن أنا ما أقدر أتحرك أبدا
وأحيانا كأنه بسم الله علي جسمي مشلول
مره أختي جات نامت عندي وحلمت بعد ولارضت تقول تفاصيل بس قالت شفت حرمه وحلفت ماتنام عندي أبد 😆😆
زوجي يقول هالشقه مسكونه وأنا مشجعه عمري لاكن دايمن أشغل سورة البقرة في الأيباد وأكثر من مرة يبند وأرجع أشغله . أقوي نفسي لأني سمعت أذا حسوا أنك خايفه راح يتسلطوا عليك زيادة .

فبيتنا القديم كان ورا مخزن وأنا كنت سهرانه ع التلفزيون في الصالة وأسمع تسحيب وتعديل وتنظيف .طبعن أختي دايمن شغلها أخر الليل فكنت متأكده أنها تنظف خلص الفلم دخلت الغرفة حصلت أختي نايمه أنا صرت كذا 😨😨😨😨خفت خفت وتحت البطانية بدون ولاحرف والصبح خبرتهم بالسالفه قالت أختي من فترة مانظفت المخزن يمكن متضايقين منه وراحت نظفته وبخرته

مره من المرات كان ولد عمي سهران مع ربعه فمنطقه مقطوعه وكان فأيده كشاف .شاف قط وصار يولع الكشاف فعينه طول الوقت .رجع البيت وطاح ع طول وجهه بسم الله أنخسف صار يخوف وراحوا أهلي لحرمه تعرف لسوالف الجن ومن شافته سألته أنت وش سويت وليش أذيت القط فعينه هاذاك جن وأذاك نفس ما أذيته وعالجوه وخذ أيام وطاب .

أخر قصة وبنام
صديقة أختي كانت تسوي العشي وأذتها قطه سايره راده ورمتها بشي وراحت وأيدها صارت سودا والله طرشت صورت أيدها وبنفسي شفتها .سارت المستشفي ما أستفادت وراحت لمطوع قالها أنتي ضربتي جن 😵😵 كان جوعان

من كثر قصص الرعب بالموضوع والحياة
عمري 28 ولا قد حصل موقف مرعب او غريب بحياتي
باستثناء موقف واحد الى اليوم ما ادري وش تفسيره
كان عمري 9 وانا نائمة احس فمي يهتز يمين ويسار
صحيت من النوم وهو يهتز ولا قدرت اسيطر عليه
رحت عند امي وانا ميته رعب اصحيها وفمي شغال هزااااز ولا اقدر اتكلم
المهم قرأت عليا المعوذات وتوقف الاهتزاز