كل مااتذكر شي بقوله لكم ومن تجاربي وتجارب أهلي
جدي زمان كان مسافر من القرية والتفت لقى ذيب يجري معاه
وجدي التفت بقوة عليه قام الذيب بنفسه اتكلم قال امش امش محمد أنا معاك ويقول مشي معه الين وصل لقرية ثانية

ومرة أختي جاتني من سفر تجلس عندي اسبوعين ثلاثة وتسافر بعدها
سكنت في فيلا بسم الله مرعبة تخوف فيها بدرومات وبلكونة مهجورو في الدور الثالث وغرف كثيرة
تقول أختي شافت كورة لها عيون وفم سعيدة تضحك وتنط نازلة من الدور اللي فوق الين البدروم
قمت من النوم تحكيني قلت اوووه متعوده هههههه انا وعيالي

ولدي مو راضي يسمع كلامي بيذاكر في الغرفة المهجورة عشان ماأراجع معاه الدروس وخليته براحته بعد ماتعبني وطلع فوق شوي الا نزل يجري شاف في البلكونة رجال عريض مرة وطويل ويدق عليه الشباك نزل يجري بيموت خوف

مرة جوني زميلاتي وعزمت جارتي وشفتها متنحة في الجدار وعيونها دموع يوم راحوا الناس تقول شفت زي السينما وناس رايحين وجايين في الجدار كنت باصرخ لكن مسكت نفسي
وانا عارفة كل اللي بيصير انسحرنا انا واولادي ومستمر معنا السحر من سنين طويلة الحمدلله

مرة صحيت من النوم شفت رجال طويييييل واصل للسقف لابس ثوب أبيض
قلت مين واختفى بعدها