مواقفكم تخوف ياربي احكو لنا مواقف مضحكه نضحك لكن مواقف مرعبه اول مادخلها رجولي ويديني يصيرو ثلج عاد انا من اللقافه ادخل كل مره الله يهديك ياضحكه

أهلا أهلا أول شي السلام عليكم ورحمة الله وبركاته
أخباركن وعلومكن إن شاء الله إنكن بخير جميع
انهبلت يوم دخلت إلا جتني رساله إنهم قفلوا موضوعي حق الجزء الثاني
من هذي السلسلة بس استانست يوم دريت إن السالفة فيها جزء ثالث يلا عاد نبي قصص مب بس رفع رفع

واااااااااو انتي صاحبة الجزء الثاني ...قسم موضوعك به قصص تنشف الدم 😲😲😲

السلام عليكم ورحمة الله
عندي موقف قبل سنه وللحين مستغربه وبراسي الف علامة تعجب
دائماً كنت احرص اني اشغل سورة البقرة من جوالي الايفون اذا جيت انام واحيان اذا جيت اشتغل بالمطبخ اشغل سورة ال عمران مع قاريء احب صوته واجلس اشتغل يروح الوقت مااحس فيه احب السوره هذي
المهم يوم من الايام نمت وحطيت جوالي جنبي ع حافة سريري لانها عريضه وعشان اقوم الصباح واسمع المنبه وغفيت وحلمت ان فيه رجل اسود اخذ جوالي مني وكأنه راعي محل جوالات هذا الرجل للحين في راسي شكله رجل اسود مثل سواد النيجيرين وجنوب افريقيا ووجه دايري وهو طويل ولابس ثوب ابيض المهم قمت فزيت ادور جوالي مالقيته قلبت السرير ادوره مالقيته رحت الغرفه الثانيه لقيت جوالي مرمي وسط الغرفه اي شخص ممكن يدخل ويدوس عليه استغربت ومانمت جلست افكر وش وداه كانت الساعه 7 الصبح
المغرب نفس اليوم كالعاده دخلت المطبخ اشطف واغسل وطلعت غرفتي جلست فتحت جوالي فجاه شاشة سوداء مو راضي يشتغل للعلم كان جديد ماله 4 شهور وديته كذا محل قالو الاي سي باور ولا يمكن يشتغل واذا اشتغل بيطفي لانه محترق جوا


الشي الثاني كثير اشوف الجن باحلامي بيهجمون علي واسبح ( سبحان الله ) وكنهم يصغرون ويختفون
لي مواقف بالضرب سبق وكتبتها لكن مع الحرص ع الاذكار وقراءة سورة البقره اختفت الاذيه

اقرا قصصكم وانا منسدحه بفراشي تقل إني خايفه شوي 😕


المهم بقولكم هالقصه
على لسان حماة اختي كانت عندنا قبل ثلاث ايام هي كبيره بالاربعين وهالسالفه يومنها بثالث ابتدائي
وتحلف ان اللي صار حقيقه تقول كانن في بنتين بثالث ابتدائي راحن لدوره المياه ودخلن الحمام
ويلعبن يصفقن ويروقصن صغار مايدرن عن شي ي قلبي . الا تقول
وحده منهن اختفت بالحمام والثانيه هجت تركض بهالسيبه وطلعن
عليها المدرسات والمديره تقول فلانه كانت معي بالحمام اختفت . وقفلو
المدرسه من برا تحسباً يمكن احد خطفها ودقو عالدفاع المدني وفتشو
داخل المدرسه ولا لقو شي وبلغو عنها ولا لقوها وامها لما علموها شقت
اهدومها واغمى عليها وحالتها حاله . تقول صارت حديث مدرستنا
والبنات صار عندهن رعب حتى الحمام اللي اختفت فيه اردموه هدوه
المره تقول الي يومنا هذا وللحين مختفيه مايدرون عنها شي