الجــــزء التـــاســـع ...

في غرفـــة العمليــات......


وبعــد ما استنشقت الاكســجين.. رحـــت في نووومـــــــــــــــه طويييييييييله .. حيت منها فتحت عيونـــي .. مكــان مو غرفتــي .. ويــن أنــافيــه .. شفت دكتور واقف عندي ومعه الممرضه يعدل في القسطره اللي ببطنــي ..شافنــي :: قال الحمدلله ع ســلامتك نــدى ..
رديت:: الله يسلمك ع طووول سألته كيف العمليه يادكتور ..
قــال : الحمدلله كــانت العمليه ناجحه وسهله ومــافي اي مشــاكــل ..
قلــت :: طيب يادكتور سويتوا تحــويــر ولا ..
ع طــوول رد علي :: اي سوينا التحوير والعمليه الحمدلله ناجحه وماحصل اي مشاكــل أثنــاء العمليه ..
قلت :: دكتور متى راح أطــلع للجنــاح ..
قــال :: والله اليــوم إن شاء الله راح تكـــونين في العنـــايــه ...وبــكــرى نطلعك للجنــاح إن شاء الله ..
عنــــايه !!!!!!!!!!! انــا في العنـــايه!! أنــا توقعت انــي في غرفة الافاقه تبع العمليــات ..
أنـــا أكـــبر شـــي كنت شــايله همــه هو امي كيف بيخبرونهــا اني في العنــايه .. فاارس .. أم مؤيــد ..الجمـــيع كيف بيتقبلون ..!!!!
أنــا الحمدلله حاسه نفسي احسن ..من وضعــي في العمليه الاولـــى ..لــكن امــي كيف بتتقبل وضعــي . بتتوقع فينــي شي عظــيم ..
بعـــدهــا رجعت ونمــــت ..
حسيت بــأحــد ماسك يدي ويمســح ع شعــري .. واسمع همس خفيف ..نــدوو ...هــاه كيفك حبيبتي ..
فتحـــت شفت الوجــه الحنون .. شفت أمي الغاليــه ومعها ام مؤيــد ..
أول ما شافتني ع طووول نزلت دموعها ومسكت يدي وضمتهــا لصدرهــا ..وقعـــدت تصيح ..أنــا ماكنت ادري عن نفســي لأنــي لازلت تحت تأثيــر البنج ..
بس ام مــؤيــد قالت لي فيما بعد :: انــي يوم صاحــت امــي نزلت دموعي ..أنــا ماحسيت ومــادريت عن هالـــدمــوع ....
بعــدها دخلت الممرضــه ..وقالت لهم وقت الزيــاره انتهــى ..طلعـــوا من عندي ..ورجعـــت نمــت...
كــانت الاجــهزه كلها علي :: اجهزة تخطيط القلب وجهــاز الضغط وجهــاز برجولــي ( مانع التجلط) و أبــره مثبته في يدي ..وقســطرة الدم والبول ( الله يعزكم )
كــان جسمــي مليان اجهزه وابر ..
فتحــت شفت ممرضه جالسه ع مكتبها عند رجولي ..أول ماشافتني تحركت جت عندي :: ســألتها كم الساعه .. قالت الساعه 8المســاء .. رجعت ونمــت كنت طول اليوم نــايمه اقوم واسأل الممرضه عن الوقت ..وارجع انــام ..
فتحت ع ازعــاج في الغرفـــه أصوات مختلطــه أطبــاء .. وممرضــات فتحت بصعوبه حاولت اشوف اللي حولي .. سمعت صوت الاطباء عند المريض اللي بجنبي ..كــان رجــال كبير في السن يــتألم بمــراره.. مع اني كنت تعبانه الا انــي نسيت نفسي ..وعدت افكــر فيه .. رحمته كــان يوون ويتــألم..شــوي دخلت علي ممرضه قالت بيجي دكتور ..شوي دخل دكتور وسوى لــي إشــاعه ..وانا ع سريري ..إشـــاعه ع الصـــدر ..
بعــدهــا رجعت ونمـــــت .. قمت شفت عندي ممرضات ســألت كم الساعه .. قالو 9 الصباح ..بهالوقت سمعت صوت الاستشاري ..جت الممرضه وقالت بيدخــل الدكتور .. المهم :: دخـل الاستشاري ومعــه فريق العملــيه ..
الســـلام عليكــم .. الحمدلله ع ســلامتك يــا نــدى ...كيفك الحين .. الحمدلله ابشرك العمليه ناجحه ..وسهلــه وما فيه اي مشاكل ..
وناظر القسطره قال الحمدلله امورك تمام .. قلت لــه :: دكــتور متى أطــلع للجنــاح .. قال خـــلاص إن شاء الله الظهر تطلعين لغرفتــك ..
وبعدها رجعت نمت ... قمت ع الساعه 11 شفت امــي عندي ..باستني ع راســي وتحمدت لي بالســلامه .. جلست عندي شوي جت الممرضــه .. وشالت قســطرة البول ( الله يعزكم )
وجهزوا لي سرير عشان يطلعونــي للجنــاح .. وع الســاعه 12 طلعونــي ..كنــت مره تعبانــه .. أول مادخلت الغرفــه وحطونــي بسريري .. كان معنا حريم بنفس الغرفه كلهم سلموا علي الحمدلله ع ســلامتك ياندى .. كنت اهز راسي لهم وابتسم ابتسامه باااهته ..كنت تعبااانه .. وكانت الغرفه إزعــاج يسولفون ويضحكون والتلفزيون يشتغــل والصوت عالي كان مرره إزعــاج .. شوي وجــو الممرضــات ومعهم دكتوره..
نـــــــدى .. يالله في غــرفــه خــاصه !!!
قالت امي ::ليـــه؟؟
قالت الدكتوره :: الدكتور نقلهــا لغرفه خاصــه أريــح لها خصوصــآآ بعد العمليه ..
واللـــه جت بوقتها ذا الغرفه ..
نقلونــي للغرفه ..ع الســاعه 2 الظهــر ..
دخلنــا ع طوول نقلونــي ع السرير ..امــي كانت ترتب الاغراض بالادراج .. جت الممرضه وعطتني مسكن ونمت ..قمت فجــأه كنت ما أقدر اتنفس كنت مخنوووقه ..احـــس الاكسجين خلص ..فزيت من مكاني ماحسيت بالالــم اللي سببته الفزه بسرعه ...آآآآه آآي آآآه ماما مااقدر اتنفس آآآآي
امي كانت نايمه فزت عندي ع طووول :: ندو بسم الله عليكم وش فيك .. و ع طول دقت جرس ع الممرضه ..
كنت احاول اسحب هواء ما اقدر لا اآخذ نفس ولا اطلعه .. كنت احاول اسحب الروب من صدري ابي اتنفس .. كان فيني نغزات بصدري مره تعورني ..احــرك راسي يمين ويســار لعل وعســى يجيني أكسجيــن .. توقعت لحظتهــا ان هذي سكــرات الموت واني راح اموت ..كنت اصيح وعيوني تدمع بدون ما احــس ...امي تهديني :: ندوو ياماما مايصير تصيحين وانتي تعبانه ماراح تقدرين تتنفسين ..
هاللحظه دخلت الممرضه وحطت لي الاكسجين ..كنت اقولها زيدي عليه .. قالت :: مايصير اعطيك كميه كبيره دفعه وحده ..خطر عليك.. كنت ماسكه الاكسجين بيديني وظاغطتها ع فمي ابي استنشق اكبر كميه من الاكسجين ..من جد شفت الموت بذيك اللحظه ..شوي بديت اتنفس طبيعي وارتحت .. نمــت ,,صحيت ع دكتوره :: ندى ..ندى ..استعدي ترى الدكتور بيدخل ..
كنت نايمه زي البيبي في بطن امه مجمعه نفسي .. كنت ابي اضغط صدري عشان ما احس بالالــم .. وكانت هالوضعيه مرره مريحتني ..حاولت اسنــد نفســي ع السرير .. آآآه ماقدرت ..دخــل الدكتور ...كيف حالك ياندى .. خير ان شاء الله وش حصل لك .. كنت تعبااانه .. تكلمت امــي عني وقالت له .. قال لازم تستخدميــن جهــاز التنفــس (اللي يعطونك بعد العمليه )
سويه 10 مرات كل نصف ساعه ..وراح نعطيك بخار كل ست ساعات ..
بعد الاكسجين الحمدلله ارتحت كثير ..ورجعت ونمت ..قمت الفجــر كانت الممرضه ..عندي تغير المحلول وتقيس الضغط والحراره .. شوي جابت لــي خــافض قالت فيه حراره !!!
انــا انصدمت يوم قالت حراره ..قلت كم .. قالت 39.. المهم عطتني الخافض وطلعت .. نزلت الحراره ورجعت ونمت..
قمت الصبح كان عندي اطبــاء ..قالوا بنسوي إشــاعه عشان نشوف..ليــه امس حسيتي بالكتمــه.. وعشان الحراره .. المهــم ..
سويت الاشعه والحمدلله سليمه .. وسويت تحاليل .. وطلع كل شي سليــم ..
قال الدكتور :: طبيعي الحراره مادام انخفظت ولا ارتفعت مره ثانيه ..
المهم ..
يوم السبت تحديدآآ الساعه 10 ونص صباحآآ كنت في قسم الاشعه .. سويت إشــاعة الصبغه عشــان يتأكدون من المعده والامعاء وان الوضع تمام ..سويتها وطلعوني لغرفتي ..
بعــدهــا جانــي الاستــشــاري ومعه فريق العمليه ..
::الســــــلام عليكم .. كيف حالك يانــدى .. الحمدلله ع ســلامتك..أبــارك لك نجاح العمليه ..والله ماكنا نتوقع انها راح تكون بهالشكل متوقعينها اصعب من كــذا ..بس الحمدلله ربي يسرها وسهلها علينــا ..ولازم يانــدى ترفعين يدينــك وتقولين ( كان رافع يدينه) اللهــم لك الحمد والشكر على التوفيق والعافيه .. ترى اللي سويتيه مو شي سهل ابــدآآ .. وكــانت عمليتك كبيره ومو سهله بس ربي سبحانه سهلها ويسرها .. وأبشــرك الإشــاعه سليمه ..ومافي اي مشاكل ..وامورك تمام ..(كنت اسمع امي طووول ما الدكتور يتكلم تقول :: اللهم لك الحمد الحمدلله الحمدلله)..كمَــل:: والحمدلله التحاليل طيبه لكن عندك الدم شوي نازل ..سألت امي كم يادكتور معدل الدم..قال 9 والحمدلله راح نعطيها حديد وراح يكون الوضع تمام ..
وخــلاص إن شاء الله يومين بالكثير وتطلعين للبيت .. وراح نبــدأ بالسوائــل من اليوم .. وبعده أسبــوع مهروس ..
قبــل يطلع الدكتور ألتفت :: يانــدى لازم لازم تمشين وتتحركين أطلعي وأمـــشي برى بالسيب .. وكثري المــشي احسن لك عشان ترتاحين أكــثر .. قلت له:: دكتور احس ظهري متكسر ما اقدر امشــي .. قال :: عادي طبيعي بعد العمليه لكن ان شاء الله بيخف الالم مع الحركه ..اول ما طــلع الدكتور ع طووول امــي جت وحظنتني وقعدت تصيح :: الحمدلله الحمدلله الله ماخيب دعائنا وأملنا فيه توكلنا عليه والحمدلله الحين انتي احسن من قبل .. رحنا واعتمرنا والله ما دعيت لنفسي بس ادعي لك وان الله يتممها لك ع خير استخرت في الحرم اكثر من مره والحمدلله ربي أختــار لنا الخـــير ..(( سبحان الله يمكن لو اقولكم بتقولون انت يانــدى تبالغين أو تستهبلين او تحاولين تستفزين اللي حولك .. لكن والله والله ع قــد ما شفت من فرحـــة اللي حولـــي احس انـــي مـــا فرحــــت !!! اي والله مــافرحـــت ما أدري وش السبب بالظبط..احس مشاعري جـــامده .. ومتبلـــده .. قولوا عنـــي اللي تبون .. بس هذا شعوري وحبيت تفهمونه))
شوي وجت الممرضه وجابت لي .. مــويــه قالت .. لازم تشربين 10 مل كــل ربع ساعه عشان ماتتفاجأ المعده ... شربت شوي وتركته ..ما قدرت اكمل .. وبعدها جابت لي عصير .. وشربت رشفتين وتركته ..
ومن بكـــرى الصبـــاح جاء دكتور :: وشال القسطره وكان عندي 3 فتحات بالبطن نظفهــم وغطــاهم بالبلاســتر .. وقال إن شــاء الله 3 ايــام وخــلاص عادي تتسبحين ..لإن الجرح بيكون متسكر ..
وصــرفوا لــي الــ VITAMiNS وقــال لي الدكتور لو حسيتي بأي شــي ع طوول تعالي للطوارئ .. وماراح تحسين بشي إن شــاء الله ..
وبعــدهـا طلعنا للبيـــت والحمد لله ع الـــسلامــه ...
جلسنا في الرياض اسبوع بعد ماطلعت من المستشفى , وبعدهــا رجعنا للخبر .. والحمد لله كنت السوائل قليييل أشرب وإذا شربتها احس بزي الغصــه!! غصــه ..!!!! بس الغصــه هذي مفروض تكون خــلاص راحت بعد العمليه .. لالا يمكن عشان من زمان ما شربت شي ..( كنت احاول اقنع نفسي واللي حولي بهالكلمه )
وخــلاص كــرهت آآكــل شي او أشــرب .. بدا اسبوع المهروس ..وصارت امي تجيب لي شوربات سليق زبادي .. كنت ماآآكــل منه الا ملعقه ملعقتين وع طووول للحمام استفرغ ...شووو أنا قلت أنــي أستفـــرغ!!! لكن كيف استفرغ وأنــا سويت العمليه تصحيح للأولـــى وخـــلاص قالوا إن شــاء الله ماراح تحسين بالاعراض القديمــه لأن المشكله انحــلت ..
بعــدها لاحظت ان الجروح ماتسكرت وانها يطلع منها دم وصديــد ( الله يعزكم).. وزيـــاده كنت ما اقدر اتحرك من بطني كان مرره يعورنـي كنت يالله انام ويالله اقوم واقعد كانت جلستي ع الكنب .. وصلاتــي ع الكرسي .. ما اقدر اصلي وانا جالسه ... المهــــــــــم:::
رحت لمستشفى عندنا بالخبر .. عشان الجــروح اللي ماتسكرت .. وقالوا عــادي نظفوها لي وسكروها بالبلاستر وعطوني كريم مضاد ووبس..
المهم انــي تعبت ذيك الفتره كنت ماآآكــل وبطني يعورنــي .. والدكتور قايل اسبوع ان شاء الله والوضع تمام .. حجزنا موعد عنده .. ورحنــا للرياض ..
قابلنا الدكتور وشاف الجروح وقال :: عادي الحمدلله مافيها إلتهاب ولا شي .. وأستغغغغغغغغرب كثيييييييييييييير لما قلت أنــــي مـــاآآكــل .. قال انتي عمليتك ناجحه ووو.. كيف ماتقدرين تاكلين .. خــلاص عشــان نتأكــد زيــاده راح نــسوي لك إشــاعة صبغه لايكون فيه إلتصــاقات ..او شي ما انتبهنا له ...
وعطانا موعد للإشــاعه .. بعد أسبوعين ..
كنت طوووول الفتره عــايشــه ع الشاي بس واحيانــآآ آآكــل البفك ( فش فاش..) او.. آآكــل جالكسي ..بس كان هذا اكــلي .. وغيــــــــره NO WAY مسسستحيل آآكــل ..
احيانآآ اغصب نفسي وآآكــل مثــلآ كروسون او فطيره قطعه صغيييره وع طوول استفرغ ويجيني آلآم فضييييييعه بالمعده .. أو ما أستفرغ بس أطيــح بفراشي ساعتين دايخه وتعبانه حتى والله احس اني مااشوف الدنيا تصير سوداء قدامي ...وما اقدر ارفع يدي ..صرت احيانا اقعد يومين ماااااآكلت ولاآآآآ شي الاكوب شاي بس ..حــتى المويــه تتعبني مررره ..
خـــلال هالفتــره ركــزنا ع القراءه والزيت والماء المقري فيه .. قيرت ع نفسي واللي حولي يقرون علي ودوني اهلي لمشايخ.. كــل شي نقدر نسويه سويناه ..
رجعنا بعد اسبوعين وسوينا الاشعه وعطونا موعد بعد اسبوع عند الاستشاري .. وجيناهم يوم الموعد ..قالوا ما طلعت نتيجة الإشاعه تعالوا بعد اسبوع وإن شــاء الله تكون طــالعه .. جينا بعد اسبوع ونفس الحكــايه النتيجه ما طلعت .حشــى والله لييه كل هالمده ماطلعت ..لو بنت مسؤول ولا بنت اقل شي بنت طبيب عندهم كان من اول يوم طلعت النتيجه..بس حسبي الله ونعم الوكيل ..قال الدكتور :: والله انا متفشل منكم ..واعذروني والله ..قال فارس .. يرضيك يادكتور اننا اسبوعين نجي ونفس الــكلام ..ماطلعت النتيجه ..ما اتوقع يادكتور انت ترضاها لنفسك جتى .. قال الدكتور .. خــلاص مالك الا اللي يرضيك يافاارس وراح اعطيكم موعد بعد 3 اسابيع شوو رايك عشان نتأكــد ان النتيجه تكون طـالعه ..قلت .. لكن يادكتور انا مرره تعبانه والحين لي شهرين من سويت العمليه وانا تعبانه وما تغير علي اي شي بعدها نفس وضعــي السابق .. ومو قادره اتحمل اكــثر ..قال .. خــلاص راح اعطيكـم مسكن للمعده وراح يريحك بإذن الله ..طلعـــنا من العياده وانا محطططططمه وفاارس مثلــي ..
المهم خلال هالثلاث اسابيع كنت نفس ماقلت مافي اي شي يقعد بمعدتي استفرغ ع طووول وخـــلاص جــاني شي اكره اشوف الاكــل .. احس عذابي بالاكــل.. الجوع ارحم اقل شي تعودت عليه وصار صديقي .. الشبـــع ودعته من رمضـــان خــــلاص ...
صــار الاكــل مو من إهتماماتي صار مايهمني اي وصفه جديده او اي مطعم جديد او او .. الاكـــل صار بالنسبه لي صفـــرع الشمال آآكــل قدام امي قطعه صغييييره تووست ..وع طوول اروح واستفرغ بس احاول اقاوم الاستفراغ ..واقوى نفسي .. بس مسسسستحيل اذا حاولت اني اقاومه يجيني زي النغزات بصدري إليــن استفرغ .. كرههههههههت الاكـــل صار هو عــذابـــي هو مصدر آآلآمــي ..بعد ماكان أحـــلى شي بالحيـــاة الاكــــل ..
جــاء الموعد رحنــا للعياده :: دخلنا عند الدكتور ..شاف الاشاعه قال انها سليمه ومافي اي مشاكــل .. والامور تمام ..انتي من ايش تشتكين بالظبط ..
قلت بــإختصــار :: انت قلت لي قبل تسوي العمليه الثانيه ان الوضع بيكون طبيعي بعد العمليه وبترجعين احسن من اول .. لكن يادكتور ماتغير اي شي علي .. الاستفراغ الغثيان..االدوخه آلآم البطن ..كــل شي نفس اول ماتغير ..وشرحت له الوضع بالتفصيل زي ماشرحت لكم ..
قال :: انتي لازم تحطين ببالك ان معدتك مو زي اول تقدرين تاكلين زي الشخص العادي لأ؟ يعني خذي لك صحن رز صغير مع قطعه صغيره لحم او دجاج وكليها واذا حسيتي بالشبع وقفي ولا تاكلين الين تجوعين مره ثانيه وخليها ع دفعات ..!!!!!!!!
قلت يادكتور انا ما اقدر آآكــل حتى ملعقتين شوربه او رز كيف تقول لي كلي صحن !! انا اقوله كذا وهو مافهم علي ..انقهرت منه مرررره .. هو متوقع اني اشكي له اني لما آآكــل اشبع بسرعه وماآكمــل الصحن ..لالا موهذا قصدي انا ما اقدر آآكــل وإذا آكلت تعبت وشفت الموت ليييين يطلع .. المهم انه مااافهم علي ...وقهههررررني ..عطاني موعد بعد اسبوع وعطاني موعد لتحاليل عشان يشوف لايكون فيه نقص بالتغذيه او شي ...وقبل ما اطلع قال :: يانــدى لا تشيلين هم .. ان شاء الله وضعك بيتعدل وامورك بتصير تمام ..وخلي املك بالله كبيــر ..وطلعنا من عنده وانا محححححححبطه ومنقههههره يعني معقوله خـــلاص مافي حـــل !!!! والمشكـــله انه ما ادري مافهم او ماتوقع والله ما ادري بالظبط ..في البدايه حسيته ماصدقني لأنــه قال :: لو فعــلآ انتي كــل شي تاكلينه تستفرغينه كان صار عندك نقص كبييير في التغذيه وما قدرتــي تتحركين وتمشين !! .. انا انقهرت من اسلوبه ورديت :: قلت يادكتور انت معطيني فيتامينات وانا مستمره عليها يعني ان شاء الله مافي نقص فيتامين...(معقولــه يعني ابقول شي مو فيني ع حساب دلــع ..تاركــه دراستي ومستقبلي ومحرمه نفسي واهلي واللي حولي السعاده ع حساب الدلع .. الله يهديك يادكتور ويسامحك)..ببس حسيت انه تحسف يوم قال :: لا تشيلين هم......المهـــــم:::::::
قبل الموعد بيومين دقوا علينا وقالوا ان الدكتور يبغاكم وان شاء الله اننا لقينا حــل لمشكلة نـــدى ..استبشــرالكــل بهالمكالمه ..وصاروا يعدون الدقايق والساعات لهالموعــد ( الا انــا سبحان الله يوم دقوا تضايقت وحسيت بشعور غرييييييييب جدآآآ وخنقتني العبره ماحسيت بالفرح مثلهم لهالمكالمه .. بتلوموني ع مشاعري الجامده بس والله مالي ذنب فيها ..انا مافرحت للعمليه الأخيــره وسبحان الله ما عدلت من وضعي شي .. لاإلــه الا الله )
جــــاء يوم الموعــد :: رحــنا انتظرنــا بالانتظار ساعتين ..وبعدها دخلنا ع الدكتور ..قال انا كلمت اطبــاء المناظير ع اساس اسوي لك موعد معهم وقلت لهم عن حالتك وقالوا ما يصير نسوي لها منظار ما دام ان السائل مر بالاشعه ومافي اي مشاكل يعني مايحتاج نسوي منظار ..؟؟ يمكن المعده يكون فيها إلتهابات .. وراح اعطيك مسكــن للمعده راح ترتاحين معه .. ونشوفك بعد شهر إذا انت استفدتي من العلاج الحمدلله .. واذا لا سوينا المنظار وشفنا!!!!!!!!!!!!!!!!!!!!
يــــاســـلام اقعد انتظر شهر زياده ...انا خــلاص مو قادره اتحمل زياده ...
في هالوقت تكلم الدكتور قال :: طبعـــآآ انتم عارفين ان حجم المعده يساوي 10% من حجم معدة الانسان الطبيعي !!!! يعني قد حجم البيضــه !!!!!!!!!!!
يعني يوم سوينا العمليه الاخيره هذا اللي قدرنا نتداركه من المعده اما الجزء الباقي فكــان متليف!!!!!فأستأصلناه ووصلناه بالأمعاء ..... فيمكن هذا سبب لها ألتهابات في المعده..
تكلم ابو مـــؤيـــد:: يادكتور الله يعطيك العافيه ..احنــا طلبنا المره الاولـــى نبغى تقريـــر كــامــل عن حالة نـــدى من العمليه الاولى مرورآآ بالمشاكل اللي صارت بعدها ..الى العمليه الثانيه وحالتها الحين .. ونبغى سي دي للأشعه ..عشــان نرسلها لمستشفـــى في ألمــانيــا ..
كتب الدكتور التقرير وعطانا اوراق قال تسوونها عند التقارير الطبيه ووو .. عشان اجرءات التقارير.....
اخذت روشتة الادويـه ورحت للصيدليه وصرفتها وتفــاجــأت لما صارت الادويــه هي نفسها اللي استخدمهــا .. !!!! يعني مااافي فايده ...والحمد لله ع كــل حال ..
كــان موعدي هــذا يوم الاحــد بتاريخ 4-6-1429 يعني قبل 5 ايــام ...
الان::::::
وضعـــي نفس ماكان ماتغير اي شي ...
استخدمت الادويه ومالاحظت اي شي الاستفراغ موجود والغثيان موجود وماااتغير اي شي ..
انتظــر اكمال إجــراءات التقاريــر عشان نرسلها ونشوف .. وش يصير علينا ..
خــلال الاسبوعين اللي فاتوا فيني أرق فضيييييع اقعد احيانــآآ 48 ساعه مانمت وانام بعدها 4 ساعات واقوم واقعد 24 ساعه مانمت .. يعني لخخخخبطه .. الصــلاة اصلي ع كــرسي ما اقــدر حــتى اركع ولا اسجد..خـــلال هالفتره اصابنــي إكتــئاب .. كرهت كــل شي .. الطلعات والتلفزيون وكللل شي ..بس الحمدلله الاكتئاب خف علي كثيير اللهم لك الحمد ..
الحين نفس ماقلت قبل. ركزنا ع الرقيـــه الشرعيه ..
هــــذي معاناتـــي بإخـــتصـــار ..
دعــواتكم لي بأن ييسر الله امري .. ويكتب لي الخير في ارسال التقارير..
وجـــزاكم الله خــير الجــزاء ع تشجيعكم ومساندتكم لــي ..
تقبلـــوا اصدق الدعوات منا جمييييعــآآآ :: ندووو _ ام مـــؤيـــد............

الجــــــــــــزء العـــاشــــر انا في إنتظــــاره قبلكــــــم ...وانا مثلكم تمامآآآ متشوقه لقـــراءته أتمنى يكون فيه مفاجــأت رائعه وسعيده .. اتمنى ذلك ...
:)
ردي القـــادم فيــــه خـــبر الجميــــع متشوق لــــه .... انتظروووووووووا...........................
:time:

ااااااااااااااااااه عورتي قلبي

اللهم اشفي اختنا ندو والبسها ثوب الصحه والعافيه وفرح قلب اميمة ياااااااااااااااااارب

صدقيني ما راح انساك من دعائي وخصوصاً اوقات الاجابه

لا حول ولا قوه الا بالله العلي العظيم
عورتي قلبي
اللهم اشفي اختنا ندو والبسها ثوب الصحه والعافيه وفرح قلب اميمة ياااااااااااااااااارب

صدقيني ما راح انساك من دعائي وخصوصاً اوقات الاجابه

حبيبتي أم مؤيد المفروووض من الاساس ماوديتوها للمملكه ,, مستشفى المملكه من اسوء المستشفيات
ومستحيييل انسى تجربة بنت خالة صديقتي اللي توفت !!

صدقيني كل المستشفيات الاهليه ماهمهم الا الفلووووووووس وبس (والله عن تجارب الي اشوفها ) والدليل يوم قال الدكتور عطوني كاش وكل دقيقه يكلم على اخوك
ياشيخه نصب واحتيال ومسخره بالناس المفروووض من يوم مارتفعت حرارتها وتعبت عليكم كان عطيتوه العين الحمرا وهددتوه وما سكتتوا له ورفعتوا عليييه قضيه

ناس بلا ذمه ولا ضميررررررر
قسم باالله قمـــــــــــة في الوقاحه والاستهتار وكأن الناس العاب بين ايديهم
اسفه ياقلبي اذا ضايقتك باسلوبي بس والله جد قطعت قلبي وحسيت بمعاناتكم
وقفت عند الجزء الرابع ولا قدرت اكمل (احس عروقي تنبض من القهر ) احس ضغطي ارتفع ومرارتي بتنفقع
ارجووكم حولوها للعسكري او سفروها برى ,, لا تسمعون منهم شيىء لانهم راح يقنعونكم بالاشاعات وانها سليمه ويستدرجونكم ليين ماتغرقوونهم بالفلوس!!!

نداوي ياقلبي ,, لازمي الاستغفار تراه افضل علاج وعن تجــــــــــــــــــربه يالغاليه
ام مؤيد ,, ام ندى .. الله يــكون بعونكم ,, صراحه اعجز بالفعل وصف شعوري الداخلي ,, وينحني قلمي عاجزا عن الاكمال ,, فوالله يضرب فيكم المثــــل من اخلاق وتكاتف والتمام ,,,


قلبي معاكم ,, وماراح انساكم باالدعاء

حسبي الله ونعم الوكيل

لا حول ولا قوة الا بالله العلى العظيم

اللهم انى اسالك بالعرش والكرسى والنور الذى عليه سيدنا محمد ان تسخر لنا قلب من احوجتنا اليه وان تكفنا شر من يقدر علينا ولا نقدر عليه يا من بيده ملكوت كل شىء

يارب اشفى ندى واجعلها فى اتم صحه ياااااااارب عاجلا وليس اجلا

والله بجد حسيت كانى انا اللى فى معاناتك

ربنا يشفيكى يا دلوعتنا

وطمنينا عليكى