أم ليث ومارية :

سلام عليكم ...حبيتي ندوو .. والله قطعتيلنا قلبنا يختي .. سبحان الله اكيد فيه حكمة من الي صارلج .. شهر استخارة ..!! اكيد فيها حكمة لاشك فهالموضوع .. اول شي نحفتي .. ولو ماحسيتي بهالفرحة من الي صارلج .. والشغلة الثانية ممكن تكون قصتج سبب في وضع حد لتلاعب هالدكتور باجسام الناس .. يمكن ينفضح شوي ويتركوه المرضى .. يروح يسويله بزنز بالفلوس الي ماكل همها .. ويفتحله مطعم والله ييبله خوش وارد .. على الاقل ماياخذ اثم ويسمع دعاوي عليه ... لخاطرج بس مادعيت عليه والله .. الحكمة الثالثة هو اكيد اختبار او ابتلاء لتكفير ذنوبج ..ياربي تطلعين من هالمعاناة كيوم ولدتك امك يارب .. كفاية رضى امج عنج .. والله ووقفة اخوانج معاج الله يحفظهم لج يارب .. ماشاءالله يحبونج وايد .. وتعبوا عشانج وايد .. الله يفرحهم بشفائج يارب .. ارجوج اتوصلين سلام خااااااص للوالدة .. ولأم مؤيد .. سلام خاص ووصليلها دعواتي امانة .. حبيبتي شوفي .. انتي بعدج بنوتة حليوة .. وان شاء الله لج طولة العمر .. والعمر امامج باذن الله تتجاوزين هالتجربة المريرة في حياتج .. وتعدينها وتكملين دراستج وتحصلين ابن الحلال الي يسعدج يارب .. وتعيشين حياة طبيعية .. وتبقى هالتجربة مجرد حدث مر بحياتج .. وانا متأكده انه بيغير كثير امور فيج .. بس لي عدة اسئلة .. بعضها بايخ تحمليني خخخخخ اول سؤال ليش ماترفعين دعوة ضده .. قريت رايج بهالموضوع قلتي ابا حقي بالأخرة مش فالدنيا .. بس انا بنظري بدون زعل حبيبتي بنظري انا الشخصي انه موقف سلبي .. خاصة انه في متضررين وايد ومحد حرك ساكن .. معقولة ؟؟؟ يعني على هالحال بتتركونه يسوي الي يبيه ويأذي الناس وياخذ بهالفلوس وبعدين يتقاعد والسلام عليكم .. يكون عشرات المرضى متضررين منه .. لو احد من المرضى الي تضرر من هالدكتور حطله حد بياخذ اجر كل الي كان ما ادري شو بيسوي فيهم والله اكثر من الي سواه فيج .. لازم حد يتحرك ويحطله حد .. هذه مهزلة وين المسؤولين عنه .. معقولة مافي حد انتبه لتخبيصاته .. ؟؟؟:mad: وبغيت اسألج شو اخبار التقارير وناويين عالسفر للخارج ولا لاء ؟؟ السؤال البايخ عاد .. اخوج المسكين فارس مودر عياله ومرته .. وينهم بالضبط مالهم ذكر بقصتج .. اتمنى اني اعرف آخر التطورات الي تستوي بموضوعج ويارب يارب يا ارحم الراحمين مايكون الا كل خير يارب .. ياقادر على كل شيء .. يسر لندو الخير وارزقها العافية يارب ... اللهم آمين آخر كلمتين .. نصيحة من اختج لج تحبج فالله .. التزمي الاستغفار .. ودعاء سيدنا يونس في بطن الحوت لاإله إلا أنت سبحانك إني كنت من الظالمين .. وأتوقع هالدعاء يتلاءم مع حالتج بالضبط .. الله يسهلج الامور يارب ويعطيج الصبر لآخر لحظة .. وتحياتي لج اختج ام مارية

سلام عليكم ...حبيتي ندوو .. والله قطعتيلنا قلبنا يختي .. سبحان الله اكيد فيه حكمة من الي صارلج .....