قمر®نجد :

ماشاء الله على بعض العضوات فهيمات يلقطونها وهي طايرة بسم الله عليكم عيني عليكم باردة وش لون جبتوا كل هالفراسة وقدرتوا تستنتجون هالتحليلات المنطقية ؟؟؟؟ صراحة لي كلمة ابي اقولها لكم.. ( الشي إذا تعدى حدود الأدب صار .... :angry2: ) وانتم عارفين وش اقصد وحدة كلكم تابعتوا قصتها بعضكم رحمها ودعا لها الله يجزاك عنها كل خير ... وبعضكم كملها عشان يلقى سالفة يقولها في مجالس الحريم بالاخير تهبون في وجة البنت والبعض الثاني يتريق عليها .؟؟؟ ليش ان شاء الله ؟؟؟ ماتخافون العقوبة ؟؟؟ مع الاسف الواحد بدال مايتحمد ربه على نعمة الصحة والعافية ويدعوا لاخوة المسلم بالشفاء يستنى منه الزله عشان يهب بوجهه .... واذا كتبت خروج نهائي ؟؟؟ فعلا ع الكلام إلي قريته البنت رحلة خروج نهائي ... انتم ماجربتوا المرض ما حسيتوا باحساس الاهل لما يكون عندهم انسان مريض يصارع بين الحياة والموت ... البيت كلة ينقلب فوق تحت وقتها بس طز بالمال و الاملاك و التجمعات والروحة والطلعات نبي الصحة والعافية نبي الضحة في البيت بدال جو المعاناة والكآبه....لما تشوفين انسان تموتين علية يتألم قدامة وقتها تضيع كل التعابير ودك تسوين اي شي عشان يرجع زي اول :( ودك دولاب الحياة يرجع لو ثواني كان ماصار إلي صار ووقتها كلمة ليتني ماسويت ماتعمر بيت :( .... انا مااقول إلا الله يسامحكم ولا يبتليكم ع إلي سويتوه بالبنت ترى من عاير ابتلى وربكم قادر والانسان ولا شي ضعيف ... الله يكشف عنا وعنكم الضر ويكفينا وياكم شر المرض وبالاخير اشكر العضوات إلي تعاملوا مع ردة فعل ام المؤيد بتسامح واستمروا للدعاء لندى الله يشيفيها و يرفع عنها ويسعدها

ماشاء الله على بعض العضوات فهيمات يلقطونها وهي طايرة بسم الله عليكم عيني عليكم باردة وش لون جبتوا...

((بنت زايد)) :

السلام عليكم ورحمة الله وبركاته ابا افهم شووو لي حاصل ف عقول العالم؟؟!!!! معقوله مصدقين لي ينكتب!!!! ول نفرض انه هالشي صدق >> يعني الاخطاء الطبيه اتصير فكل مكان وفكل زمان اذا الاخت صاحبة الموضوع الله بلااها بالهشي تحتسب وتوكل امرها لله .. ليش مسوين الموضوع ماساة العالم العربي .. ؟؟ لي تصيح ولي ماتنام ولي قلبها يتقطع .. !! سبحان الله كانه لي نشوفه كل يوم مايعور القلب ؟؟؟ وكانه البنات يبون سبب عشان يتاثرون ويندمجون زييييييييين فالعراق كل يوم والثاني واحد ميت وفلسطين وفي وفي >> يعني لو انتن هالكثر عاطفيات >>>خل ياثر فيكن حال المسلمين .. حلو الانسان يوقف مع اخوه الانسان بس بعقلانيه اكثر .. سبحان الله البنات كيف صطحيات ويتاثرن بطريقه مب طبيعيه .. قصة ندى صارت كانها مسلسل .. والبنات متلهفات عشان يعرفون شو نهاية هالمسلسل .. انا عن نفسي قريت القصه فالبدايه وربي شاهد انه دموعي نزلن وحالي عورني عليها ودعيتلها بالشفاء .. وخذت عبره من الموضوع .. ووووووبــــــــــــــــــــــــس .. >> لكن بعد فتره حسيت الموضوع غرضه الاساسي اثارة عواطف البنات .. حتى من طريقة الكتابه .. ومن اسلوب الاخت .. يااااخوفي يا بنات انه صاحب القصه ريال ومتنومس ع دموعكن ويختبر قلمه ويشوف مدى نجاحه فسرد القصص ع حساب عقولكم مابحط هالشي في ذمتي بسسس نصيحه ترى السالفه مصخت واكبر دليل عند ماكتبت ام مؤيد انه اختها ارحلت وخلت البنات على ناااار .. وعقب ما شدت اعصاب الكل ردت وقالت رحلت ضحكتها ووووو .... عساس اريح ضميري (( اذا ندى حقيقيه فسال الله لها الشفاء)) اللهم امين واذا لااااا .. فففف وفرن دموعكن عند قرائة القران او عند صلاة قيام الليل>> هالشي بينفعكن دنيا واخره

السلام عليكم ورحمة الله وبركاته ابا افهم شووو لي حاصل ف عقول العالم؟؟!!!! معقوله مصدقين لي...

um Abdul-Aziz :

أسأل الله العظيم رب العرش العظيم أن يشفيك شفاءً تاماً لايغادر سقماً الله يجعلك من الصابرين الشاكرين الحامدين الذين أعظم لهم الأجر الله يجعل مافات آخر معاناتك ويفرج لك بالشفاء التام اللهم يعوض صبرك وصبر أهلك بكل خير ويفرحكم ويرد لكم البسمة والفرحة الله يبرد قلب أمك وأهلك بشوفتك وأنت تتمتعين بالصحة والعافية الله يجزاكم بجنة الفردوس ويجمعكم فيها بجميع أحبتكم بعد عمر مديد وعمل صالح اللهم آآآآآآآآآآآآآآآآآآآآآآآآآآآمين

أسأل الله العظيم رب العرش العظيم أن يشفيك شفاءً تاماً لايغادر سقماً الله يجعلك من الصابرين...