رغم الألم .. .. أنا بنتك وإنت ولدي؟؟؟؟؟؟

السلام عليكم ورحمة الله وبركاته جميعا حبيباتي
أنا عضوة جديدة معاكم .. في يوم دخلت منتدى وقرأت عبارة ( الله يرزق بنات قسم تأخر الحمل بالذرية الصالحة ) فهزت هذه الكلمة كياني وقلت يارب ترزقني وترزقهم .. ومباشرة بحثت عنكم ووجدتكم لنشارك بعضنا الهموم ونقسمها بيننا ..
كيفكم حبيباتي عساكم بخير وحياتكم ما فيها نكد ولا ضيقه ياآآآآآآآآآآآآآآآآآ رب أرزقنا الذريه عاجلا غير آجل

أنا حبيت تعرفوني أكتر من قصتي وأبغى أقولها بإختصار
أنا مثلكم عشت محرومه من الذريه 7 سنوات ونصف وكنت أحلم بطفل يملى علي البيت :( بس ربنا كريم
لما صار لنا سنه أولى زواج حللنا وطلعت نتيجتي سليمه وكان السبب من زوجي نتيجته صفر ولا حيوان منوي لكن تدروا لما جا يقولي على النتيجه إش رديت صح أنصدمت وبكيت بس قلتله (( أنا بنتك وإنت ولدي )) ساعتها هدي شويه وقلتله عيد التحليل وأتأكد وربنا يرزقنا ولا تيأس قالي لو تبغي أطفال مستعد أسيبك ورفضت بشده .... لكن عمري ماأنسى ذيك اللحظه كان موقف صعب جدا..
وكان كل ما يعيد التحليل النتيجه سلبيه لدرجة إنه في دكتور قال إنت روح أتبنالك طفل أحسن لك .... الله يسامحه ذاك الدكتور جابلنا اليأس وقهرنا ..
وكان الله يهديه ويوفقه كان ما كان ما يؤمن بشي إسمه علاج (( إبر لا أدويه لا عمليه لا طفل أنابيب لا .....لا ...لا )) أتجننت حاولت بشتى الطرق مافي فايده كان ياخذ عسل وحبه سوده وكنت أبحث عن الأشياء الطبيعيه ويشربها يومين أسبوع ويبطل .. وطبعا ما نسينا الإستغفار والصلاة والصدقه والأمل كان موجود ما فقدناه بالله تعالى .. وجلسنا كذا 7 سنوات ونصف إلى أن جات الأيام الى(( إتفقنا)) على إنفصالنا وكانت مدة تفكيرنا بالفراق الــ 3 السنوات الأخيره مع الإستخارة الداااااااائمه لأنه كان قرار مو سهل أبدا وعشره مو قصيره بس الظروف كانت صعبه جدا جدا وما كنت قادرة أتحمل أكثر والعمر بيمشي .بس عانيت كثير كثييييييييييييييييير وقتها والآن صارلنا منفصلين قرابة سنه وأموري ماشيه تمام بس الحزن متملكني ....:44:
وأبغى مشاركتكم في (( إش كانت ردة فعلك في اللحظة اللي عرفتي فيها إن زوجك ....................))

ودعواتكم لي بالتوفيق ويعوضني ويجمعني بزوج صالح ويرزقني منه ذريه صالحه والله يرزقنا جميــــــــــــــــــــــــع بالذريه اللي نقر بيها عيننا ياآآآآآآآآآآآآآآآآآآآآآ رب ولا يحرم كل ملهوفه لطفل ولا يحرمكم من أزواجكم