مرررررررررررررررررررراحب
اخواتي الطيبات
قبل يومين كنت فاضيه وقلت خليني
اتنشط واقوم أسوي كروسون وبيتزا
وشفت العجانه الكهربائيه قدامي
قلت يالله يابنت وش مقادير العجينه!
قلت خليني أألف من راسي (طبعا لأن دفتر الطبخات كان ضايع وكان فيه كل معجناتي)
بس أعجبكم سويت عجينه من تأليفي
وهذي مقاديرها :
كاس لبن المراعي +كاس ماء دافي
3م ك حليب بودره
م ك خميره فوريه
فنجان قهوه سكر
رشة ملح
ربع كاس زيت
خلطت المقادير السابقه في الخلاط الكاس
وخليتها ترتاح قرابة 10 دقايق
بعد عشر دقايق صبيتها بصحن العجانه الكهربائيه
واضفت لها 4كاسات ونص دقيق كويتي +م وسط بيكينج بودر (ممكن اذا حسيتيها خفيفه زودي شوي دقيق ,انا زودت شوي)
نكمل :
وخليتها بالعجانه تنعجن زييييييييين يمكن 7دقايق لين ماصارت ناعمه وغطيتها بكيس وخليتها ساعه إلا ربع وبعدها سويت منها كروسون وبيتزا
(نسيت اقولكم تراها ماتاخذ وقت بالفرن خلي
النار هاديه مررررره والشبك تحت وتاخذ لها ربع ساعه بس وعلى طول طلعيها لانها إذا طولت بالفرن تنشف )
وربي وربي وربي أنها طلعت جنااااااااااااان وزي القطن حسيت ان الكروسون بيطيح من يدي من طراوته والطعم رهيييييييييييييب
بس خساره ماامداني أصور ,لأن بيومها كان عندي ضيوف وربي انهم سألوني وكل وحده شايله ورقتها تسأل وتكتب الطريقه
انا خلاااااااص إعتمدتها وماراح اغيرها ابد
ويالله بنات جربوها ونزلو تجاربكم وأرآئكم تراني انتظركم
النظره المكسوره @alnthrh_almksorh
محررة فضية
يلزم عليك تسجيل الدخول أولًا لكتابة تعليق.
الفراشه المبخوته
•
الله يعطيك العافية
الصفحة الأخيرة