رغم مرضي ماطاح شعري

اهلين بالبنات الحلوين كيفكم
انا راح احكي لكم تجربتي
في فتره مرضت الله يبعد عنك الشر وطبعآ اخذت علاجات كثيره وكانت تسبب تساقط الشعر ولاحظت ان شعري تساقط بشكلل فظيع وكان لازم ادور عن حل وجربت خلطه طبعآ هي من مكونات معروفه وهي عباره عن جرجير وزيت الخروع كنت اجيب حزمه جرجير واحطها في الخلاط الكهربائي واضيف عليها مقدار بيالة شاهي زيت خروع واخليهم بالخلاط يدهرون لحد ماتنخلط زين وكل يوم احط على شعري منه وادلك فروة راسي بالخلطه كل يوم واخليها على شعري لمدة ساعه تقريبا
كانت النتيجه مو معقوله خف التساقط بشكل واضح حتى الدكتوره استغربت لأن العلاج يسبب تساقط لكل الشعر
وانا حتى الأن مستمره على الخلطه قبل مااتروش احطها على شعري لمدة ساعه وبعدين اتروش تقريبا يوم ورا يوم اغسل شعري
هذا تجربتي حبيت انقلها لكم
انا عارفه صارت فلم عربي اسود وابيض مو تجربه بس وسعوا صدوركم