صدقوني بنات جربوا هالطريقة وماراح تندمون رغوة من قلب لو بيشوفونه حقين ستاربكس بيعزلون ويكتبون على محلاتهم للتقبيل لعدم التفرغ(مو قصدهم عدم التفرغ الا هذا كله من الحسرة لاني خربت عليهم سوقهم)<<<<<ياشين الثقة بالحيل
يالله بقولكم المقادير ولاأطول عليكم
فنجال نسكافية-فنجال سكر-فنجال ماء
نخلطهم بخلاط البيض لين يتغير اللون من البني الغامق الا الذهبي الفاتح وممكن نسوي كمية ونحطه في الثلاجة لمدة 3 ايام واذا بغينا نسوي كابتشينو بس نغلي حليب سايل اي نوع ونضيف كمية من الخليط السابق يعني ثلاث ارباع الكوب حليب والربع الباقي من الخلطة ورشيها بكاكاو بودرة او كاكاو مبشور امممممممم لذيذ
وهذا بعد ينفع للي مسوين ريجيم بس نستبدل السكر بسكر الريجيم مثل تروبيكانا والحليب بحليب قليل الدسم
جربوها وادعولي وبالعافيه على قلوبكم
والفايدة من هالطريقة أدخال كمية وافية من الآوكسيجين لترتفع الرغوة ويتضاعف حجم الخليط وممكن نسوي كمية ونحطه في الثلاجة لمدة 3 ايام
يلزم عليك تسجيل الدخول أولًا لكتابة تعليق.
الصفحة الأخيرة
انا اسويه لكن احط نصف كمية الماءحقك