رفضتيه وبعد فترة رجع يخطبك!!

يا الله يا بنوتات.. عطوني رايكم.. ناقشوني

تقدم لي شاب ..صليت استخاره.. وقبل ما أعطي موافقتي.. تقدم لي شاب ثاني..
المهم أنا كنت أصلا موافقه على الأول وعاجبني.. مع إن الثاني من وجهة نظر
الجميع أفضل.. المهم وافقت على الشاب الأول.. وتمت الخطوبه.. وطبعا زعلوا
أهل الشاب الثاني ووصلني كلام منهم.. وصارت لي شوية مشاكل بسبتهم..

لكن ربي ما أراد أنه يتم هذا الزواج.. وأهم سبب إن اهلي ما كان عاجبهم وكانوا
يحاولون فيني عشان أغير رايي.. والمهم بعد الضغوط والتعب النفسي.. قررت أنهي
هذي الخطوبه إلي من أولها مشاكل.. صحيح إني تعبت نفسيا لكن الي ساعدني أتخطى هذي
المرحله اني ما أعرف خطيبي.. غير من الصوره الي شفتها وكلام أهله عنه.. وحتى لما
شافني.. من المستحى ما قدرت أرفع راسي..

وبعد مرور شهور طويله رجع الشاب الثاني " الي رفضته" وتقدم لي؟؟
وأنا الحين محتاره.. أخاف انه شايل في قلبه علي.. أو انه أهله بعدهم زعلانين..
وبعدين يمكن أنا افكر اني اوافق على أساس ان عاجب اهلي.. وصار عندي احساس
بأني اتخذت قرار خاطئ في حياتي مره وما أبغي هذا الشي يتكرر..

ساعدوني.. ناقشوني.. اقنعوني..