رفضهم لولدي خلاني افكر بشخصيته ..ساعدوني في فهمه وحل ...😓😓😓

السلام عليكم

ولدي عمره اربع سنوات وتقريبا شهرين .. هالفتره كنت بسجله في روضه عالميه فلازم مقابله شخصيه مع الطفل .. لما رحت رفضوه وهذا الشي خلاني كثيير افكر بشخصيته وابي مساعدتكم وتعاونكم معاي .. سبب الرفض ان ولدي للان كلماته غير واضحه اقصد العربي فصعبه ان يدرس انجليزي ولغته الاساسيه مو متقنها تماما .. وغير كذا لما يسألونه عن الالوان والارقام مو كثير يعرف .. يعني باختصار ماتجاوز بقية الاختبارات .. ولدي للان مايتكلم بشكل مفهوم حتى انا بعض الاىقات مافهم له .. هل هذا طبيعي ؟؟ الصراحه بعد الرفض صرت اوسوس فيه خاصه اني لقيت اطفال كثيير ولقيتهم يلعبون ويندمجون اغلبهم ولدي خجول جدددددا طول الوقت ماتحرك ابدااا ماسك فيني .. مرره ولا يحب يختلط بأحد يخاف لما يشوف اطفال ماينسجم معاهم ولا اشوفه يحب يلعب معاهم مثل بقية الاطفال مع العلم عندي 3 بنات ويلعب معاهم عادي بس مع احد غريب لا وانا قليل اذا طلعت بعد للزيارات وبيت اهلي مافيه اطفال لكن لما اطلع اماكن عامه واماكن ترفيهيه مايحب يكلم احد .. حتى لما اروح الحمام وانتوا بكرامه واقوله خلك واقف عند الباب وانا داخل يصيح بشكل مو طبيعي والكل يطالع فيه مايرضى ادخل واتركه واذا دخلت وتركته بره وانا بعد اكلم معاه يظل يبكي .. يخاف مررره من كل شي .. احاول اعلمه قران صار لي فتره احفظه سوره قصيره للام ماحفظ الا كلمه او كلمتين شوف اطفال من عمره حافظين والحروف وااضحه وانا ولدي عنده حروف كثيره مو واضحه ولا يحفظ شي اما في البيت فهو حركي جدددا مختلف تمامااا عن بره ..في البيت جدددا متعب يعفس يكسر مو مخلي شي الا مخربنه مطبخنا جديد سعره غاااالي كسر فيه الدواليب 😕 والثلاجات اثار الضرب فيهم وغير السكين بس يشوف يهرب فيها ويخوفنا ان بيطق احد بالسكين حتى لو وخرت السكاكين لابد ياخذ له فرصه مثلا اشتغل في المطبخ يجي يهرب فيها وغير الولاعات وكل شي خطير يهددنا فيه .. واذا يشوف عصاية والا مكنسه والا مطرقه يطق فيهم ..قبل فتره طق اخته على راسها بالحديده زين ماصابها شي كبير ..انتفخ شوي وقبل فتره مادري كيف راح اخذ مطرقه وطق اخته على راسها وصارت مثل الحفره في راسها منه ..يعني يسوي اشياء خطيره للعلم باني ابعد الاشياء الخطيره لكن بعض الاوقات يقدر ياخذهم واشياء اعلقهم فوق الكبت يسحب الكنب والا الكرسي ويركب وياخذه ..ويضحك بعد قاهرني وانا معصبه ويضحك .. ومره كنت رايحه لامي اخذ عصايه وامي ماتردي وطقها على راسها ماتحملت قمت له وطيقته وعصبت مرره ..يعني كثييير متعبني جبان ويخاف وخجول وفي البيت مجننني مو مخلي شي حتى المفاتيح يضيعهم ويدور راسي واشياء ثانيه يشيلهم ويضيعهم على اساس يخبيهم ..طوول اليوم مررره معصبه من تصرفاته ..هل ولدي طبيعي ؟؟ هل فيه شي وانا مادري ؟؟