رفض الاب للعريس بدون سبب مقنع كيف توجهين هالشي

بنات حواء يا أنا كثير أحب نصائحكم لأنا تقريبا من نفس المجتمع ونفهم على بعض كثير والاهم أنا كلنا خوات
أنا أبي أستشياركم بمشكلتي مع أبوي وقبل أقول مشكلتي أشكر كل أنسانه دخلت الصفحه واللي ترد علي ياااااارب يحققلها أمنيتها


بنات أنا متقدملي شاب طيب ودين واخلاق وعلم و أهله طيبين وماشاء الله عليهم مستواهم كويس والحمدالله ياااارب أشكرك يا ربي يا ااااكريم


المهم أبوي رافض الولد من دون سبب مقنع يعني من دون ما يعرف الولد رافضه و أنا بصراحه ودي فيه وكثير مرتاحه
خصوصا أن الولد من طرف أخو صديقتي وعرفت عنه كل شي بالتفصيل الممل

أعطيكم نبذه عن أبوي ( أبوي أنسان كبير عقليته مثل أيام زمان وضد التطورات اللي صايره هالايام كثير يا بنات أعاني
من أسلوبه و أحاول أحسن شوي و أغير بس مافي اليد حيله سلمت أمري لربي وصرت متعوده على أسلوبه اللي بصراحه ما يندرج لا تحت عادات ولا دين مجرد جهل قلت بنفسي هذا أبوي غلاتي هو اللي رباني من يوم كنت صغيره هو اللي صرف علي وكبرني وصلني للمدرسه وهالحين للكليه يتحمل حرارة الظهر عشان يوصلني لبيتنا يعني رضيت بحالي أبوي وقلت مو معناته أني كبرت وتعلمت وفهمت الحياه و طورت من نفسي أروح أشوف نفسي عليه لان الجاهل هو اللي يشوف نفسه أذا تعلم كم شغله وصرت له يا بنات البنت الباره صرت أتغاضى عن تصرفاته واقول في نفسي معليش هو أتعلم كذا صعب أغيره وهو بهالعمر هو مرتاح على كذا أهم شي عندي راحته الله يخليه لي ياربي ويهديه ويسعدلي قلبه و يبعد عنه كل شر )


بس يوم جاء الجد يا بنات وتحديد المستقبل ما قدرت يا بنات أسمح بتدخل سلبي .....


المهم هو عرف ان في حرمه جات تخطبني لولدها ومررره كنت معه بالسياره لوحدي سالني عن الولد
و أهله واش يرجعون .... و أنا أتكلم وهو يتريق ويتطنز ويتهاوش معي ع أسباب مالها داعي


ويقول لي لو أرفض تأخذينه غصبا عني ؟؟؟؟====>> أتخيلو صدمتي من الاسلوب

وترى لو أخذتيه و أنا مو موافق أنسي ترجعين لي ====>:(


وقام يحكيني عن قصص طلاق وخرابيط مالها داعي ====>>الظاهر يبغاني أعنس


بنات هاذي أول خطبه أكون متحمسه لها شوفو الاسلوب قد أيش يصدم
هو يبغاني أخذ من عيال يقربون لها بس يا بنات مافي شي يجمعني فيهم لا فكر ولا منطق
عارفه طريقة حياتهم ما أناسبهم ولا يناسبوني أنا ما أبغى أخذ واحد أعذب معي لاني مو قادره اعيش معه وبطريقته


يوم قام يقول هالكلام ويلخبط :mad: رديت عليه بكم كلمه قلت أبوي :

أنا بذمتك لو سالت عن الولد و وافقت تجي تقولي ليش وافقت ؟؟

ولو ما وافقت بعد تقولي ليش ما وافقت ؟؟



المهم : أنا من صدمتي في الاسلوب ما قدرت أنام قاعده أفكر يعني أبوي قال هالكلام كله من دون يعرف الولد
ولا حتى أتعرف عليه وعنده هالافكار السلبيه



أنا أنسانه أحب أهلي و وحاطتهم من أهم الوياتي واولها وحتى لما أفكر أوفق على زوج أفكر فيهم كيف هذا الزوج
راح يساعدني ع بر أهلي و أكون عندهم متى ما بغوني وسكون متفاهم مو بعصبي ......الخ


أنا أنسانه ذكيه نوعا ما شخصيه قياديه واقعيه و أعرف مصلحتي بالضبط وين و أتحمل مسولية خيارات
بس مو هاين علي تفكير أبوي وخصوصا أني أحزن عليه و ما أحاول أزعله بس كمان ما أرضى في تدخله في
أختياري للزوج المناسب ؟؟


وفي الاخير الزواج مو أكيد راح يكون ناجح أو فاشل كل من عند ربي وانا راضيه بأرادة ربي


بس هل أبوي له حق في رفض أنسان ما يعيبه شي من دون تفكير ؟
لو كنتي بمكاني راح تمشينها ولا تطلبين من أبوك أنه يحكم بعد معرفته بالشاب لانها هالشي يندرج ( تحت قطع نصيب بنتك )؟

أخيرا أنتي أش رايك بهالمشكله ؟؟

أنا حطيت هالمشكله مو عشان مالقيت لها حل أنا عارفه الحمدالله أن ربي اذا أراد أكون لهولد راح اكون له
بس حبيت أعرف وجهة نظركم لمشكلتي؟؟