رفعت السكين في وجهي !!! مالوم ياحبيبي مالومك ابد!!

اخوي يابنات في محنه عمره راح وولى وهو بعده تعبان
كان من المتفوقين في المدرسه وكمل دراسه وكان ذكي ماشاء الله ومن المتفوقين
درس تخصص صعب اي حد يدرسه وتخرج بتفوّق
اشتغل في شغل معاشه ماكان يقل عن 15 الف في ايام كانت 15 تسوى ملايين الحين
مابخل على حد يعطي الكل محتاج او مو محتاج
تزوج حبيبة عمره وطلقها بسبب مشاكل لا تعد ولاتحصى
ومن يومها اخوي تدمر
نفسيته تعبت
يتزوج ويطلق ثاني يوم مايقدر يقبل حريم في بيته
بدا يسكر ويشرب ويدخن
استقال من شغله
وقعد في البيت يمد يده للناس اللي كان يمد يده لهم في يوم من الأيام
الحين صار في الأربعين تخيلو ومحلك سر

جبنا شيخ لكن الموضوع يبي له رجال توقف معنا وتتابع والحمدلله على كل حال

صرنا نقرا البقره في البيت وننفخ من تحت باب غرفته وكان يتنرفز علينا ويكسّر اثاث البيت

قلنا ماعليه واستمرينا وصبرنا

اخر شي رفع السكين في وجهي ماقدرنا بلغنا الشرطه في لحظه خذوه وودوه السجن

ماتنلاااااااااام ياخوي ماتنلااااااام مالقيت من يوقف جنبك ويساعدك في محنتك

ماكنت اعرف بالأمراض النفسيه ولا ادري عنها ولا اعرف كيف اتصرف

ادعو له يرجع لنا ويزيل عنه كل مكروه ويرفع عنه كل شر

بتقولون ليش ماتسوون وليش ماتجيبون

أقول لكم الموضوع يبي له رجااااااال والا ماصار اللي صار

يابنات الله يعين الوالده دمعتها على خدها هو بكرها

تكفون ادعو ولو بالقلب مابغي شي غير هذا ...