رفقآ بالخدم .

السلام عليكم ورحمة الله 🌹
مساء الحب والطيبة مساء معطر بذكر الله 🥰
اليوم موضوعي عن الخدم سوآ خادمة اوسائق والتعامل معهم بطيب وبمخافت الله سبحانة يمكن موضوعي مايعجب بعض الاخوات لكن هذي الحقيقة وشي انا شفته بعيني وموب منقول تعامل بعض الحريم مع الخادمات الصراحه كانها تعامل حيوان مافيه رحمة ولا فيه احساس فيها وكنها عبده له ومشتريته بفلوسه حرام والله بعض اللي نشوفه اذكر مره رحت انا وزوجي مطعم وكان زحمة فجلسنا ننتظر الموهم كان جالس بجنبنا رجال معه حرمته وبنت صغيره وخادمه جاء دورهم دخلو في في المكان المخصص للاكل والشغاله تركوها جالسه برا قلت من حقهم يمكن يبون يطلبون لها مايبونها معهم في نفس الجلسه الموهم جاهم الاكل ولا جابو خبر الشغاله جلسو ياكلون والضعيفه تنتظرهم طيب اذا ماتبون تعطونها ليش من الاساس تاخذونها وش هالقلوب تزرطون من الاكل والضعيفه تنتظرهم وش هالقلوب 😩 قلت لزوجي ابروح اطلب لها ماعلي منهم لكن قال لا مانبي مشاكل مع خلق الله ابفهم وشلون يشتهون الاكل وهي معهم وما يحسبون حسابه والله اني تنكدت ذاك اليوم وماتهنيت بالطلعه للمطعم 😢😢 الشي الثاني زرت وحده من قريباتي وكانت تحلطم على الشغالة وزعلانه تقول ان الشغاله مضربه عن الشغل قلت ليش وش صاير عليه قلت لقيته الصبح تاكل من الكورني فلكس حق بنتي وضربته وزعلاته يعنبو بليسك علشان اخذت من الكورني فلكس حق بنتك تضربينها ماتخافين الله قسم بالله بغيت اقوم وصفقها 😕 صراح شي عجيب وغريب عدم الخوف من الله انا معكم فيه شغالات مجرمات بس اذا شفت عليه شي اسفره ورتاح منه 😏 والسواقين بعضهم مسكين وحده تقول ناديت ولدي وضربت السواق انا ويه والسبب مثل وجهه تقول انه رفض يودين السوق يقول ان راسه مصدع ياحتي انثبري موب لازم تروحين اليوم بكرى تضربينه علشان هالسبب 🤨 انا أقـول يناس خافو ربكم فيهم والله ماجو من ديارهم الا الحاجه اللي حدتهم 😞