,
يوووووووه قرب يجي خالد من الدوام والغداء باقي ما جهز ,, اممممممم لازم أدق عليه واخليه يتأخر شوي عشان يمديني أجهز له المفاجأه وأسوي له الأكله اللي يحبها ويموت فيها ,, وتروح نوف تركض للغرفه وتاخذ الجوال وتدق عليه
( حبيب قلبي ) جارِ الإتصال ...
( حبيب قلبي ) جارِ الإتصال ...
( حبيب قلبي ) جارِ الإتصال ...
( حبيب قلبي ) جارِ الإتصال ...
وفيه الجهه المقابله توه طلع خالد من الدوام وركب السياره والجوو رطوبه وحر.. شوي إنتبه للجوال بجيبه ( 4 مكالمات لم يرد عليها ) فتح التنبيه لقى المتصل ( عجوز قريح )
قال بقلبه دايركت : وانا ناقصك يا وجه الفقر أنتي الثانيه ,, جاء يبغى يشغل السياره وصلت رساله ( حبيبي وش فيك خوفتني أماااانه طمني عليك ,, وحبيت أقولك إذا صرت جاي دق علي أول ما تطلع من الدوام وأبي منّك طلب وأوعدني ما تردني ,, حياتي أبي بطاقه بـ 10 ,, أموااااح أحبك ) ,, كالعاده حذف الرساله وقفل الجوال وفتح الدرج وطلع الجوال الثاني ولقى رساله من ( نور عيوني ) مكتوب فيها :
( خلوووودي الله يخليك والله محتاجه بطاقه بـ 300 ضروري مآآآآره ,, ما أحبك هههه أمزح )
بدون شعور رد عليها برساله ( من عيوني يانور عيوني ما طلبتي شي دقايق وهي عندك ,, أحبببببببببك وما أمزح هههه )
,
,
نوف المسكينه ميته من الخوف على زوجها تأخر بقوه والغداء إنتهى وبرد من زمااااااان وكل ما تدق عليه جواله مقفل وحايسه مو عارفه وش تسوي وأخينا فالله من بقاله لبقاله يدور على بطاقه ب300 وبعد طلعة روح لقاها وأرسلها وكتب لها
( 8529130725 حبيبتي هذه البطاقه وأتمنى ما تزعلين علي وآسف عالتأخير ياقلبي )
عند باب الشقه بدّل الإبتسامه بتكشيره وفتح الباب .. أول ما دخل جاته نوف مسرعه :
عسى ما شر حبيبي والله ذبحتني خوف عليك وين كنت ,,
ما إلتفت فيها ورد عليها بكلمه وحده بس : جاهز الأكل ,,
قربت منه وسألته : حبيبي زعلتك بشي وش فيك ,, أعطاها نظره تكفي عن ألف كلمه ,,
سكتت وراحت تجيب الأكل وهي منكسره تغدوا وخلصوا بعدها جابت له المويه وسألته بهدوء : جبت البطاقه ,, هي قالتها ما قالتها طار فيها وصاح : يوووووووه أنتي وش قصتك اليوم ,, بطاقه ما جبت بطاقه فلوس ماعندي إنتظري للراتب اووووووف وقام وراح الغرفه ,, لحقته نوف : آآآسفه حبيبي لا تضيق خلقك خلاص ما أبغى شي ,,,
,
,
بعد هالموقف بثلاث أيام ,, طلق خالد نوف بالثلاث بدون أي سبب وبعدها بفتره دق على خويته اللي مسميها نور عيونه وقال لها : حبيبتي أبشرك طلقت النشبه وودي أفاتحك بموضوع ,, ردت عليه خويته بكل دلع : آآآمرني يالغالي ,,
خالد مسوي فيها منحرج : ودي أتقدم لك وأخطبك ,, وقتها إنفجرت نور عيونه بالضحك ولكن بصوت رجالي وحوله مجموعه من الشباب وقالت له أقصد قاله :
ياخروووووووووووووووووووووووووووووف
,
,
,
,
في مجتمعنا يوجد العديد والكثير من الخرفان نجدهم في كل مكان فالشارع فالعمل في النت ,,, إلخ ,, لو جمعناهم راح نفتح سوق غنم وبالبيع لأعلى سعر ,,
كثير من الرجال أو بمعنى أدق من الخرفان الزلايب ضيعوا أهلهم وبيتهم وهدموا حياتهم الأسريه لأسباب تافهه ,, الزوجه مسكينه تحاول قد ما تقدر تعطي زوجها حب وإحترام وتنصدم بالصد والنكران والجفا من الطرف الآخر ,, تحاول بشتى الطرق إنها ترضيه وهو يتفنن بزعلها ورفع ضغطها تهميشها ,,
سمعت قبل فتره سالفه قالها واحد من الشباب ,, يقول كنا بمجلس وواحد من الرجال دق جواله أكثر من مره ,, وكل شوي يحطه على الصامت سأله اللي جنبه يا أخي رد يمكن واحد يبيك ضروري ,, رد عليه الرجال : ياشيخ هذه الحرمه وأنت بكرامه
وبعضهم زوجته تسجله بجوالها ( حياة الروح ) وهو يسجلها ( حياة الشقا )
السالفه مو سالفة رومنسيه ومن هذا الكلام لااااااااا والله
السالفه إحترام للمشاعر وتقدير لعش الزوجيه وتبادل الحب بكل حب
,, ما نبغى نحط روميو وجوليت وجاك وروز قدوه لنا ,,
حنا قدوتنا الرسول صلى الله عليه وسلم
عن عائشة رضي الله عنها قالت:
قال رسول الله صلى الله عليه وسلم: خيركم خيركم لأهله، وأنا خيركم لأهلي
,
,
بصراحه الكلام يطول وأخاف يتشعب أكثر من كذا وأتمنى تعذروني على هذا الطرح الركيك المتواضع ,, سامحوناااااا
,,
,,
لكن اللي بقوله وبإختصار
( رفقاً بالقوارير )
,