رفقن بلقوارير

:26:السلام عليكم ورحمة الله وبركاته
اليوم في التلفزيون جاء حملة الرفق بالفل ومنع العنف ضده والله يابنات بكيت
تذكرت امي وابوي الله يسامحهم ويحللهم فوق الارض وتحتها
بقولكم موقف كان عندي اخت اكبر مني مراهقه دايم اشوفها تبكي ولاحد حولها ولاحد فكر فيها كنت احزن عليها واعرف انها تعاني ولاقدر اسوي لها شي
مره سرقتلنا اكل من المطبخ ورحنا المزرعه واكلناه وجلسنا نحلف مب حن الي سرقناه يارب اغفر وسامح
تدرون فين اختي تحت التراب الله يرحمها ماتت ماتت يابنات عام 1420 الله يرحمها رحمه واسعه وانا كل ماشوف
الاكل الي سرقتلي مثله ابكي وابكي واسرح وافكر فيها لاجيت انام بكيت عليها ونمت مو كل الليالي اغلبها
اكتبلكم وابكي وامسح المهم حتى كلمه طيبه نظرة رحمه حنان حب مالقيناه من والدينا حتى يوم زواجي تضاربو ونكدوا علي
رحت عند العريس وان خايفه ومرتبكه لطشتني الدنيا يمين يسار حتى تعلمت
خلو مني انسانه حساسه رحومه بزياده
الله يسامحهم الف مره انا ابغى افضفض واقولكم ارحمو عيالكم بوسوهم ضموهم اعطوهم كل اهتمامكم ارجوكم
نسيت اقولكم والدي باقي عايشين الله يخليهم واواصلهم وان شاء الله اني ابرهم بس دايم اقول فنفسي احبكم
رغم انكم ماطيقوني ولاشفت خير الا القهر بنات هل الحياه زمان كانت تجرد الابوين من معنى الحنان اقصد لصعوبتها
ودمتم بحفظ الباري:26::26:
عفوا اقصد الطفل فوق انحذف حرف