رقبتك ، ظهرك ، ركبك . ،، تعبوووك ؟!

السلام عليكم و رحمة الله و بركاته


بنات بدخل بالموضوع بدون مقدمات من واقع تجربه و معاناه بنصحكم لوجه الله


معظمنا يالحريم نعاني بالذات اللي حملوا وولدوا


إذا حسيتي بألم متوسط الشده أو يزيد في رقبتك أو ظهرك أو ركبك و لاحظتي انتفاخ أو سمعتي طقطقه مع الألم و استمرت المشكله معك انصحك بالتالي:


لا تسوين أشعه عاديه اللي هي الـ X-Ray هالأشعه كثرتها مضره و اعتبرها مضيعة وقت مو كل شيء يبين فيها لا تفكرون إلا بالرنين المغناطيسي شبه آمن و دقيق بالتشخيص
لا تعتمدين على تشخيص دكتور واحد مو كلهم فاهمين بالذات الدكتور اللي ما يسوي لك اختبار يدوي و يسألك أكثر من سؤال ثم يطلب أشعه
لو بين معاكم لا قدر الله مشكله احتكاك أو انزلاق غضروفي
انصحكم ما تفكرون بالعمليات الجراحيه إلّا بعد ما تخلص كل محاولاتكم


لأن فيه طرق علاجيه نسبة نجاحها كبيره و معظم الناس غافلين عنها للأسف أهم هالطرق


الكيروبراكتيك أو التقويم اليدوي للعمود الفقري متوفر حسب ما سمعت في مستشفى سعد التخصصي في الخبر و مركز مرونه في الرياض و بعض المستشفيات الخاصه ( ابحثوا و اسألوا بتحصلونهم )


العلاج الطبيعي بممارسة الرياضه و تمارين تقوية العضلات هذا يخفف الضغط ع الفقرات و المفاصل


الحجامه و اعتقد ما تجهلون فوائدها


المهم قد ما تقدرون ابعدوا عن العمليات إلا للضروره القصوى اللي تشوفون خلاص مافي حل الا عمليه و بعد لا تسوونها إلا بعد استخاره و استشاره


و دعواتكم لي تكفون الله يشفيني و يشفي مرضى المسلمين لي شهرين أعاني و النتيجه بعد العيد يااارب يكون عيدين و لا أشوف ويّاكم إلا كل خير