لما جافتنا هنايا لأول مرة في أحد المحلات جامدين عل الرف
تأسفت علينا . . ، علشان إحنا ما ينفع نعيش من غير ما نرقص
الفلامنجو ، إللي نحس فيها بخطواتنا مثل كأننا نرسم لوحة أو
نؤلف قصيدة أو نملك هذي الدنيا كلها . .
المهم خذتنا هنايا طبعا لأنها حست فينا . . ، ووعدتنا إنها تسوي
لنا جو نقدر نعيش فيه براحة وسعادة ونرسم فيه أحلى أحلامنا . .
بالبداية اندهشنا . . ، شلون راح تقدر هنايا تسوي مثل القاعات
الكبيرة إللي نرقص فيها بأسبانيا . . ؟!!
بس بعدين لقينا هنايا تحضر لنا شي حلو . . ، أحلى بوايد من
أكبر وأروع قاعات الرقص . .
جابت مزهرية الورد الطبيعي إللي عندها . .
وخذت من الورق الأخضر وحدة طويلة وبعض الأوراق العريضة . .
وخذت أربع وردات حلوين . .
لفت الورقة الطويلة علينا وثبتتها من تحت قاعدتنا . .
وبعدين ثبتت بنفس الطريقة الورق العريض من الجانبين المفتوحين. .
وثبتت الورد كل وردتين على جانب من أسفل . .
وبعدين خذت علبة الزري هذي . . ، أكيد تعرفونه لأنكم تستخدمونه
للشعر والبشرة وغيرها . .
ونثرت الزري على الورق العريض وبعدين رشت عليه من مثبت
الشعر السبريه علشان يثبت . .
وعيشتنا هنايا بأحلى جو وأحلى قصر من الورق والورد الطبيعي
وصار عندنا أحلى بستان نرقص فيه الفلامنجو ونشم فيه ريحة الورد . .
وبنفس الوقت صار أحلى تغليف لهدية . .
أهدتنا هنايا لصديقة عزيزة عليها . .
وحبت تصورنا صور للذكرى . . ، وهذي هي صورنا عندكم
احتفظت فيها في عالم حواء . .
عجبتني القصة واااايد
يعني لازم تنتهي النهاية بفلم هندي؟؟؟
اشكرك على الفكرة والأسلووووب الرااائع