رقص الرجال

السلام عليكم عزيزاتي بنات عالم حواء

ودي اتكلم معاكم اليوم عن الابتعاث والمبتعثين والي انا وزوجي كنا منهم ..المساكين من شبابنا الا من رحم ربي

الي شفته خلال بعثتي لاني درست كمان لغه فشفت بعيني ماحد قالي ....شي محزن بصراحه وانا اثول يامهات لا ترسل الواحده ولدها الا وهو متزوج من جد يابنات شباب تخرجو من الثانوي يطلعون برا على طول بزران

وربي مره دق واحد على زوجي يبغون يطلعو شاب سعودي من الشرطه لانه تخانق مع العايله الي هو عندها ويرجع متاخر وسهر ومدري ايش يوم راحو له يقول زوجي بزر صغير دوبه متخرج .....يابنات الغرض انا نرسل شبابنا ليحصلو على افضل تعليم صح ليستفيدو

والي يقهرني زياده اغلب مقاطع السعودين برا وهم يرقصون يبون يسوون شي بالجامعه يسوو رقص يوم وطني رقص ماعندهم شغله رقص ويضحك بعد وعلى بالهم لما الغرب يشوفونهم يرقصون بيقولون ابداع شي

انا ما اقول لا ترفهون عن انفسكم بس ماعمري شفت شباب اجانب بوسط الشارع واقفين يتهززن ويرقصون والله يابنات مره اني اتفشل لشبابنا


وزديه بعض الشيبان يحن شوي ويجي يهز ويرقص هههههه

المهم سالفه رقص شبابنا كانهم زي الي يقول احنا برا على كيفنا خلينا نسوي الي نبغاه تدرون ليه لانهم فاضين والحين الدوله تعتبر مرسله افضل طلاب السعوديه لانها تاخذ الافضل درجات فاذا كانو هؤلاء الافض وش نقول عن البقيه

ماعمري شفت احد يعرض هوايته بالرسم في الجامعه مثلا او اي هوايه يعرفها حتى لو كانت شي رياضي

معقوله عقولهم مسكره هذا وهم جايين يدرسون

بنات انا لا اعمم ....ولكن مقاطع اليوتوب الي نشوفه شباب سعودين يرقصون مدري فين حتى ماعمري شفت الدول الثانيه الي جنبنا وحوالينا

امدري بنات هل تشوفون هذا الشي عادي مدري وربي اني كاتبه الموضوع من الحسره عليهم اش هذا الحال هم ورقصه السامبا هذي الي ذبحتهم

وهذا تعليق واحد كاتبه ردا على بعض المقاطع

سود الله وجيهكم ياأغلب المبتعثين
ماعمري شفت لهم مقطع الا يرقصون فيه
خليتونا عبيد ,من يطق طقتين قاموا يهزون كأنهم من خوال امريكا
لكن الحق ينقال فيه بعض المقاطع جميله
والرقص خففوا منه بالله
حتى فيه مدرسه سألوها مارأيك بالسعوديين قالت يحبون الرقص كثييير



وسلامتكم .......