السلام عليكم ورحمة الله وبركاته
يارب تكونون بأحسن حال
.
.
.
كثير اقرا ردود ومواضيع للاخوات
تتحسب وتدعي وضايقه بها الدنيا
والموضوع هو
ان رقمها بالديوان قريب والاحتياج كثير بمنطقتها ..
وبالاخير ماترشحت
وتظن ان رقمها راح لواسطة وانها انظلمت
وتعيّش نفسها بحالة نفسية فظيعه ..
طيب اسمحولي اشرح لكم الموضوع
يا اخواتي الحبيبات .. كل معلومات المتقدمات للديوان
تتخزن بـ قاعدة بيانات .. وش يعني قاعدة بيانات ؟
ببساطة هي مساحة ذاكرة على الكمبيوتر اشبه ماتكون
بإرشيف كبير مليان ادراج كل درج خاص ببيانات المتقدمات لنفس المنطقة وبنفس التخصص
بمعنى كل درج راح يكون فيه ملفات (لكل متقدمة ملف)
وكل ملف له رقم خاص .. يعتمد طبعا على اولوية المتقدمة بالترشيح ونقاط المفاضلة
طيب .. فتح الديوان هالسنه وتقدموا بنات
وش راح يصير .. راح نخزن ملفات المتقدمات بهالادراج بالترتيب
وكانت "س" واحده من المتقدمات ترتيبها هالسنه 5 وماشاء الله قريبة للترشيح
مرت سنه
نزلت جداول الاحتياج
وشافت اختنا "س" احتياج منطقتها لتخصصها لقتهم طالبين 7 مرشحات
ماشاء الله.. هي رقمها 5 .. يعني اكيد تنقبل؟!!
ماراح اجاوبك الحين خلينا نشوف وش صار
فتح الديوان .. وبدأ التقديم
هالسنه تقدم 15 مرشحه لمنطقة اختنا "س" وكلهم نفس التخصص
اذن ملفات الـ 15 متقدمة راح تتخزن بنفس درج اختنا "س" لانهم نفس التخصص وبنفس المنطقة
بس بأي ترتيب؟ .. زي ماقلنا حسب نقاط المفاضلة
وسبحان الله كان من هالـ 15 مرشحة 3 مرشحات اعلى بنقاط المفاضله
من اختنا "س" ..!!! وبالتالي يعاد ترتيب الملفات
وهالـ 3 راح يصيرون قبل "س"
يعني صار رقم "س" بالمفاضله لهذا العام 8 بدال ماكان 5 العام الماضي ..!!!!
واحتياج منطقتها 7
وبالتالي طبيعي رقمها مانزل ضمن الترشيحات
الخلاصة من كلامي يا اخوات
ان رقمك بالديوان يتغير بعد كل تقديم
لا تتوقعين ان رقمك يظل زي ماهو ابد ابد
انا مثلا .. كان رقمي 8 " ماشاء الله " .. واحتياج منطقتي لتخصصي هالسنه ماتجاوز الـ30
وطول فترة التقديم قلقانه .. وتوقعي بعدم حصول الترشيح اكثر من حصوله
لاني عارفه ان فيه ناس راح تقدم .. واكيد من بينهم من تكون اعلى نقاط بالمفاضله مني
.
.
انا والله كتبت هالموضوع .. عشان مااقطع فيكم الامل
وعشان ماتعيشون حاله تحسون فيها بالاضطهاد والظلم
حاسه فيكم وربي .. وقلبي ودعواتي معاكم
بس حبيت احطكم بالصوره .. يمكن اخفف لو شوي من اللي فيكم
اللهم إني أسألك بأن لك الحمد لا اله الا انت
المنان بديع السماوات والأرض يا ذا الجلال والاكرام
ياحي ياقيوم
اللهم ارزق اخواتي بالمنتدى بالرزق الحلال المبارك .. والرضا والقناعة
وعوض سنين صبرهن خير
وافتح لهن ابواب الرزق والسعادة والصحة وراحة البال
آمين
شباصه مدعوسه @shbash_mdaaosh
عضوة مميزة
يلزم عليك تسجيل الدخول أولًا لكتابة تعليق.
*ساالي*
•
حسبي الله وكفى
خن بط
•
الله ينور لك بصيرتك الحين فهمت
بس العنوان ضيق صدري فكرته صحيح>>>>المخ متنح اليوم هههههههههههههههه
بس العنوان ضيق صدري فكرته صحيح>>>>المخ متنح اليوم هههههههههههههههه
اختي شباصه صح كلامك
وانتي ترشحتين بدون واسطه ماشاء الله
لكن فيه احد غيرك ترشح بواسطه
الله يعين على هالدنيا
وانتي ترشحتين بدون واسطه ماشاء الله
لكن فيه احد غيرك ترشح بواسطه
الله يعين على هالدنيا
الرجاء التزام حدود الأدب بالرد الإشرافالرجاء التزام حدود الأدب بالرد الإشراف
ماهكذا تورد الابل ياكمبيوتر تابعي مواضيع شباصة اللي قبل وتعرفين انك علطانة اشهدلها بالخير وانا ماعرفتها الا من كتاباتها
واشفيها اذا ما ترشحنا هذا اللي ربي كاتبه لنا والله ادرى بعباده ولوماهو خير ماصرف عنا الترشيح اكتب والله العالم قد ايش انا محتاجة الوظيفة ولعلمك خريجة مخضرمة لي 14 سنة وراضية بحكم الله
واشفيها اذا ما ترشحنا هذا اللي ربي كاتبه لنا والله ادرى بعباده ولوماهو خير ماصرف عنا الترشيح اكتب والله العالم قد ايش انا محتاجة الوظيفة ولعلمك خريجة مخضرمة لي 14 سنة وراضية بحكم الله
الصفحة الأخيرة