ركبت راسي.. صار لي 3 أسابيع أستخدم اكستراديرم للمنطقة الحساسة... و النتيــــجة؟؟

يا حلويــــن اشلونكم؟؟؟

أول شي احب أبارك لكم بشهر رمضان.. و يا رب يتقبل منكم صالح أعمالكم و صيامكم :42:

الموضوع مثل ما هو باين... صار لي تقريبا 3 أسابيع أستخدم الاكستراديرم للمنطقه الحساسة...


@اليي تحتاجونه هو التالي...

1- اكستراديرم رقم 3 و 2 و 1
2- اكستراديرم ماكسي بيل رقم 3 و 2
3- شرايح قطن
4- بودرة جونسون
5- كريم تبييض... أي نوع انتي تحبينه...
6- صابونة coco butter للتقشير و التبييض.. ممكن استبدالة بأي صابونه تحبينها.. مثلا بابايا.. كركم أو حتى مالت اكستراديرم..


طريقتي بصرااااااااااااااااحة تأليف من عندي... و هي كالتالي...


@أول 4 أيام .... " الخطوة الأولى "

الصبح غسلي المنطقة كااامل بالصابون.. و نشفي و بعدين استخدمي ماكسي بيل رقم 3 و الطريقة انك تحطينه على القطنة و تمسحين... و بالليل نفس الشي.. غسلي بالصابونة و حطي منه لين الصبح و هكذا....


@النتيجة:
بتلاحظين التقشير بدأ.. يمكن البعض يبدأ عندهم و البعض لا.... اذا تقشر انتي ماشية صح.. انتقلي للخطوة الثانية و اذا لا واصلي على الخطوة الأولى المذكورة فوق لين ما يبتدي التقشير


@اليوم الخامس... " الخطوة الثانية "

الصبح لما قمت غسلت بالصابونة و نشفت... الساعة 10 صباحا استخدمت اكستراديرم العادي رقم 3

العصر على الساعة 4... رجعت و مسحت المنطقة باكسترا ديرم 3...

الليل قبل النوم... استخدمت ماكسي بيل رقم 3...

أنا كنت بعد ما أمسح بالقطنة.... أحط اشوي كريم للترطيب.. و أحط فوقه بودرة... و اذا كنت باطلع بس أحط بودرة...


******* بتشوفين في القطنة سواد و قرف و بلاوي *********


واصلت على هالطريقة لحد ما خلص اكستراديرم رقم 3... يمكن ياخذ منك حوالي 10 أيام... أول ما يخلص الاكسترا رقم 3... بتشوفين أكيد ان ماكسي بيل رقم 3 فيه باقي منه اشوي لأن استخدامه مرة بس باليوم... لو خلصتيه قبل 10 أيام انتقلي للخطوة الثالثة


@اليوم الخامس عشر.... " الخطوة الثالثة "

بديت أستخدم اكستراديرم 2 مرتين باليوم....

و أحيان مرة كل 3 أيام أستخدم ماكسي بيل رقم 3 باليل.... و السبب لليي تسأل. لأن اكسترا ديرم العادي لما تحطينه ما تحسين بحرقة... و الحلو فيه انه لونه شفاف و فعلا ينظف بشكل رهيــــــــــــــب... يعني عادي كنت أستخدم 4 قطنات للمنطقة..لأني كل ما أمسح أسوف البلاوي تطلع.. فأنتي تأكدي انج شلتي كل الجلد المتقشر و الوصخ... أما ماكسي بيل فهو مقشر قوي جدا.. فاستخدامه مرة كل 3 أيام يعطي قوة بالتقشير... لما تخلصين من اكستراديرم رقم 2 انتقلي للخطوة التاليه


********* شعور رائع بالنظافة و لا تخافين من لون جلدك لأن بيكون محمر********


@اليوم الثاني والعشرين.... " الخطوة الرابعة "

الحين ننتقل لأستخدام اكسترا ديرم رقم 1 مرة باليوم.... و باليل أستخدم ماكسي بيل رقم 2....

الطريقة مثل ما لاحظتوا.. اني لما كنت أستخدم اكسترا رقم 2.... أستخدم معاه ماكسي رقم 3

و لما أستخدم اكسترا رقم 1... أستخدم ماكسي رقم 2.... بس طبعا حطوا بالكم ان الماكسي بيل كل 3 أيام مرة....

واصلوا على الترطيب... والبودرة.... أنا اليوم هو يومي ال 22... و بديت أستخدم الاكسترا رقم 1...


النتايج وااااااااايد حلوة... الاثار اليي كانت عندي من حبوب و جروح موس مررررررررررررررررررررررة خفت... و نعومه رائعة بالملمس.... و اللون فيه فرق ملحوظ بس لأن ليلحين المكان أحمر من التقشير أتوقع بيفتح أكثر.... حتى قبل يومين أول مرة أراوي زوجي :arb: التغير بعد التقشير و كان جدا مصدوووووم من النتيجة قال لي وااااااااااااااااااااااااااااااااااااااااااااو :42:


حبيباتي لي رجعه ان شاءالله