يا بنات السالفة عويصة والله عقدتني من الخدم انا مو من النوع اللي اخلي بنتي عند الخدامه دقيقة كل مكان معاي والخدامه جنها اميرة بس يايبتها للتنظيف واللهم اذا بدش اسبح ولا بطبخ اخليها تقعد بالصاله معاها .. انا ساكنة ابيت حمولتي بس من كثر ما اخاف على بنتي اقعدها من الصبح و اقطها مع الخدامه عند امي مع اني شارطه على ريلي ما ابي خدم بس لمن كبرت بنتي وبدت تمشي وامي مرة عوده قلت اخلي الخدامه تركض وراها الصبح علما ارد من الدوام و عاد جم مرة اشوف جسم بنتي ازرق واسألها اتقولي انها طاحت ولمن اسئل امي اتقول لا تظلمينها تراها اتموووووووووووت على بنتج و اللي اشوفها انها اتحبها مووت .. عاد مرت فترة امي كانت تقولي بنتج متعقده ما ترضى احد يبدلها البمبرز اتصرخ و تييبس اذا احد قرب من بمبرزها .. عاد يومتها ما كملت السنتين.. تالي رحت مع ريليي يوريكا و بالصدفة لقيت دب لعبه فرو بس عيونه كاميرا .. يعني كلششش مو باين انه كاميرا عاد قالي ريلي اخذيه وانا اقوله ماله داعي الخدامه زينه .. عقب قلت ماني خسرانه شي اجرب .. و يوم ريلي ركبها بالبيت قتله لازم انخليها ابروحها بالبيت مع البنت ربع ساعه علما انروح المصبغه و انيي خليها تاخذ راحتها ووصيت خالتي ام ريلي انها ما اتناديها لمن ارد من برة .. ثلث ساعه علما ييت و شفت بلاوي.. الحقيرة والله توها ما صارلها عندي 3 اشهر و اول خدامه والله العظيم اني ادلعها دلع جنها اختي و اخاف الله فيها كانت يوم اتنظف و يوم لأ و انا اموت خوف منها اخاف اكلمها عشان بنتي بيدها يعني انا كنت انظف معاها و لمن اروح السوق اشتريلها اكثر مما اشتري حق بنتي و اقول عشان تستانس و اتخاف ربها في هالياهل .. حتى اطقم اكسسوارات غالية عطيتها اي شي اي عينها علية على طول اعطيها اياة بس وييييييين يا غافلين لكم الله.. اتصدقون من طلعت و اهي بس تبي اتبجي البنت و بنتي ساكته اطالع تلفزيون و اهي اطفي عليها الليتات و اتصرخ ابويها و البنت حاقرتها تالي لبست لها قناع يخرع مادري من وين يايبته.. يعني الا اتبجي البنت و المسكينه سااااكته تالي قامت طفت عنها التلفزيون و لمن تحركت بنتي بتروح اتبطله عطتها كف طيحتها الأرض و البنت ساكته تالي خذتها الحمام و الله يمكن ربع ساعه والبنت تصرخ بالحمام ما دريت ليلحين شنو كانت اتسوي فيها بس لأن الكاميرا كانت بالصالة بس.. تالي ريلي خذاها وداها المكتب بسكااات و قالي لا اتمديني ايدج عليها الله يجازيها و لمن فتشناها الا بايقة بلاوي مني .. والله لمن اتذكر احس اني انهار.. بس يا بنات ديرو بالكم من الخدم مهما كانت زينه مع عيالكم تراهم من تحت لي تحت وحتى لو ما تسوينلها شي اهما حقودين ابشكل فظيع
اسفة اني طولت عليكم و ****لله تتعظون من تجارب غيركم وكلشي ولا العيال ..
م ن ق و ل
الله لا يوفقها هالخدامة
والحمد لله ع سلامة بنتك اسم الله عليها