انا مع الاخت دانه بكلامها
البنت تغار من اخوها كثير يمكن شايفه انك تهتمين فيه اكثر منها
المهم انتي اشتري لها شي تحبه مررره وغلفيه لها وحطيها عند اخوها وقوليلها شوفي اخوك جايب لك هديه لانو يحبك
وقت النوم اجلسي جنبها بالسرير واحكي لها قصه خليها تحس بقربك لها وحنانك بعد فتره اشتري لها قصص بعمرها واقريها لها وخليها تفهمها وبعدها قولي قصي لاخووك خليها تطبق اللي انتي تسوينه لها تسويه على اخوها.

وربي يسهل

يا قلبي عليهم بعمر عيالي تقريبا

انا ما استنكر تصرف بنتج يوم تستفرد باخوها لان اغلب الاطفال لو يحبون اخوانهم امام الكل وخارج البيت لكن لما يصفى لهم الجو يسوون اللي براسهم من باب فرض نفسهم واحساسهم بالقوة وانهم الاكبر ، اشوفه تصرف طبيعي

وهي تحب اخوها اكيد لان مهما كان تحس انه اخوها وبرع البيت وعند الناس تحس انها مسوولة عليه فتخاف عليه وترعاه


اما اللي استغربته تصرف الصغير انه يسكت وينخش علميه يعبر ويتكلم ويعترض لانه ولد والمستقبل امامه ضوروري يكون له رد فعل وانتي ادرى وراه مدرسة وزلاء ومجتمع لازم يكون اقوى


في كل الاحوال اثنينهم صغار وتعليمهم صعب لكن ايجابي انج عرفتي هالنقاط من الحين لاجل علاجها


وللعم انا عندي ولدين بنفس اعمار عيالج ونفس الشي بينهم وبين بعض ضرب بس الصغير احيان يرد واحيان يصيح بس ما يسكت ابدا والكبير اذا حد موجود يرعى ويداري اخوه بس فالبيت وامامنا يفرد عضلاته


^^

اطفال بهالاعمار مايجلسون لحالهم معليش

بالتوفيق

قطعتي قلبي على ولدك حراااااام اذا البنت معادية لاتخليه عندها خليه عندك افضل مايصير خواف والسبب من اخته على الاقل الى ان يصير يدافع عن نفسه

عادي حبيبتي لا تكبري الموضوع ولا تشيلي هم ..
كل الأطفال نفس الشي ..

بس أهم أهم أهم شي انج تظلي مراقبتنهم كثر ما تقدرين لو بالكاميرا المهم لا تخلينها تأذي أخوها حرام صغييير ..
بس شوفي اذا شفتيها سوت في أخوها شي عاقبيها ( الله يخلي سوبر ناني وأساليبها ) وأنا عن تجربه أقولج أفضل أسلوب للعقاب اتخذته مع ولدي هو النوتي كورنير أو كورنير المشاغبين .. خصصي زاويه خاصه في غرفتهم للعقاب أي واحد يغلط على الثاني يوقف حسب عمره وحسب الغلطه اللي سواها حتى لو الطفل علميه وهو صغير انه اللي يغلط يتعاقب .. مره خليها ثلاث دقايق مثلا وبعد ما تخلص المده خليها تروح لأخوها تعتذر منه لو ما كان يفهم بس المهم تعتذر و تبوسه و توعده جدامج انه ما تعيد اللي سوته .. ولازم تكون عارفه هي في شو غلطت علشان يكون العقاب مجدي و في محله ..

صدقيني مع الايام اذا استمريتي على هالعقاب بتتووووب و مثل ما قالوا البنات حاولي تقربي بينها و بين أخوها و هاتيلهم ألعاب مشتركه تنقع لسنه مثلا المكعبات حلوه ومسليه وممكن يفهم عليها اشوي أو سيارات ريموت لكل واحد وقوليلهم سوووا سباق لو أخوها ما بيفهم بس بيستانس و هي بعد بتستانس معاه و بهالأسلوب اشوي اشوي بتتقرب المسافه بينهم اكثر ان شا ءالله ..

والله يصلحهم ويبارك فيهم يا رب ..