هلا يابنات كيفكم
اكيد غاثينكم هاليومين بمسجات الركب السودا
مالت عليهم ماعليكم منهم اليوم بعطيكم طريقة باذن الله بيختفي معها السواد كله
مالكم بالطويلة
انا صراحه ماكان ببالي لا ركبي او كيعاني لما جربت هالشي كان هدفي شي ثاني تماما بس الحمد لله طلعت معها هالنتيجة الرهيبه
السالفة اني بيوم من ايام برد الرياض القارص طالعت يديني الحلوين لقيت فيهم جفاف ضبان وصايره كانها يد عجوز
وتذكرت انه اخر مره شربت فيها مويه الظاهر من اول الشتا ومع هالبرد ماعاد عطشت وصابني جفاف عجيب
وقررت من لحظتها اعاقب نفسي على هالخطأ الفادح واشرب ليترين مويه باليوم
وجبت لي علبة كريم دوف الازرق وقرررت ادهن هاليدين المعفطه لين تزين وقررت برضه اصير كريمة وامد الكريم لكيعاني المسكينه وتجاوز كرمي اني صرت ادهن معاهم سقاني وركبي الحلوه
المهم استمريت بهالوضع اشرب مويه وادهن كريم بعد كل وضوء لمدة 3 اشهر
بنااااااااااااااااااااااااااااااااااااااات
ايش اقولكم النتيجه
اثاري كنت حارمة حالي وجسمي كان صحراء قاحله
سبحان اللي قال ( وجعلنا من الماء كل شئ حي )
شعري صار يبرق عيوني صارت تلمع صفت بشرتي (قولوا ماشاالله )
والاهم من هذا ركبي وكيعاني توحد لونهم مع جسمي
اثاري ركبنا غامقة من جونا الجاف المغبر
والكل انبهر بالنتيجه وماصدقوني انه بدون خلطات بس مويه ليترين باليوم وكريم مرطب بعد كل صلاة وايام يجيني عجز بس ارطب مره بالصبح ومره بالليل
بس ياحلوات خلصت السالفه
واللي تعجبها او تستفيد منها لا تنسانا من صالح دعائها

دريم ديم @drym_dym
عضوة نشيطة
يلزم عليك تسجيل الدخول أولًا لكتابة تعليق.



قلب شومواه :
وهذي نتيجه ثانيه تثبت ان الترطيب سر البياض لكن مامعناقلب يفهم ههههههههههههههوهذي نتيجه ثانيه تثبت ان الترطيب سر البياض لكن مامعناقلب يفهم هههههههههههههه

الصفحة الأخيرة
لكن مامعناقلب يفهم هههههههههههههه