ركزو على النعم

ركزوا على نعمة وحدة فحياتكم
بتحبوها أوي
وناس كتير حواليكم النعمة دي ناقصة عندهم
أي حاجة: التزامك صحتك عقلك شغلك علاقاتك فلوسك
أي نعمة ربنا كرمكم فيها
واستشعروا فضل ربنا عليكم
واشكروا ربنا من قلبكم أوي
الحمد لله أن ملأت حياتي بالنعم
قولوها وكرروها وانتو مستشعرين معانيها ومستغرقين فيها
قولوها وانتو ساجدين
وحسوا بكل كلمة
واستحضروا نعم ربنا فقلوبكم
أو صلوا ركعتين وبعدين كرروها ١٠٠ مرة ٢٠٠ مرة
والله حتحسوا مشاعر لاتوصف

كفاية تركيز على المشاكل والحاجات ال ناقصة فحياتكم
والله محدش حياتو خالية
محدش حياتو كاملة
كل واحد عندو فحياتو جانب أو أكتر ممكن ينغصو عليه عيشتو كلها

بس الفكرة مش فالمشاكل
الفكرة فتركيزك رايح لفين

حتركزي على المشكلات والحاجات ال ناقصاكي وبتقارني نفسك بالأحسن منك
الدنيا حتسود فعنيكي وحتحزني وتغضبي
ومشاكلك حتزيد مش حتقل

حتركزي على حاجة وحدة حلوة فحياتك
وتقارني نفسك بالأقل منك فيها
وتشكري ربنا من قلبك عليها
نعم ربنا حتزيد فحياتك
والمشاكل وحدة وحدة حتقل

لئن شكرتم لأزيدنكم
ولئن كفرتم إن عذابي لشديد

ابدأي يومك الصبح أول ماتصحى بالشكر
وقبل ماتنامي استحضري أجمل ٣ حاجات حصلت فيومك   واشكري ربنا عليها

حتنامي سعيدة وتصحى سعيدة بإذن الل
وبالك حيرتاح
السعادة مش نعم كتير
مع اننا كلنا مغمورين في النعم
السعادة قلب مليان رضا ويقين
شايف ومركز على نعم ربنا عليه