حبيبتي الفينيل ماعجب زوجي ورافضه يقول كانو حق مطابخ ولو جاه مويه ينعدم عاد مدري عنه بيصرفني عنه لانو مااعجبه
ومضطره افرش لهم لانهم كمان صغار شوي عشان كدا محتاره باللون فكرت بالرصاصي الغامق بس مدري
وعندي كدا صوره ابغاك تنسقين لي اثاث لها
هذا الجدار مقابل الباب اللي يدخلك ع الصاله فكرت احط فيه مرايا من ايكيا اللي تجي مربعه وافكر احط تحتها رف او رفين واحط عليها فازرات او اي شي واخليه مدخل ايش رايك ؟؟
وعندي هذا الجدار الثاني مقابل غرفه الجلسه طبعا الغرفه ان شاء الله راح تكون مودرن وفيها جلسه التي في
وجنب دا الجدار باب قوس يودي على مغسله وحمام الله يكرمك
وكمان هذا الجدار في الصاله حقت الضيوف وهي شوي صغيره وهذا الجدار المقابل لها طبعا انا ناقله بيت جديد وهذا زايد من الكنب الاساس وابغى اشيليها وراح يكون الجدار فااضي ومحتاره اش احط فيه فكرت احط اريكه او شازلوون بس مش عارفه اش اسوي واني اخلي الكنب زي ماهو احسه مسوي زحمه شوي
واخيرا عندي شباك الصاله ع المخزن جاي وتحت المكيف ومحتاره طبعا ستاره الكنب بالمرا ماتجي عليه وحيطلع شكلها مرا سيء
فماادري ايش اسوي فيها فكرت احط عليها من اللوح الجداريه الي زي الستاره بس مدري كيف شكلها راح يطلع مع الكنب
لانو الكنب شوي فخم يعني مو ناعم فمحتاره في نوعيه الستاره
واسفه ياقلبي كثرت عليك
حبيبتي الفينيل ماعجب زوجي ورافضه يقول كانو حق مطابخ ولو جاه مويه ينعدم عاد مدري عنه بيصرفني عنه...
مابيطلع حلو على كامل الجدار.....
شوفي هالديزاين بأمكانك عمله ماضافة الحجر بداخله........وتعليق البلازما.....
او زي هذا الفريم الجبسي وبأمكانك استبداله بفريم خشبي راقي تفصيل,,,,,,,,وتركيب الحجر وسطه........
او هالحركه فريمات جبسيه متفرقه والحجر بوسطه........
وصدقيني اختياراتي لك عن درايه....بس اهم شي ان الشغل مايكون ضايع في الجدار تكونين موازنه بين احجام البراويز وحجم وارتفاع الجدار........
واسلاك البلازما ارفعيها فوق بحيث تكون مخفيه عند التركيب.......
بالتوفيق