█◄
| رمضان أول الخير ►█
من يصدق ان هالسنة مرت بهالسرعه !
حسيتوا بسرعه الوقت ؟؟
مرور الوقت بهالسرعه من اعمارنا وعسى اننا استغلينا مافات في رضى الله
مشتاقين لرمضان والاجواء الروحانيه
هالجو من راحة وسكون واطمأنينه
أقبل رمضان علينا | هل نحن مقبلين عليه بحسنات أكثر .. أم بتقصير أكبر ؟!
قال الله تعالى:
{شهر رمضان الذي أنزل فِيهِ القرءان هدى للناس وبينات من الهدى
والفرقان فمن شهد منكم الشهر فليصمه ومن كان مريضا أو
على سفر فعدة من أيام أخر يريد الله بكم اليسر ولا يريد بكم العسر
ولتكملوا العدة ولتكبروا الله على ما هداكم ولعلكم تشكرون}. البقرة 185 .
خلونا نذكر بعض من خيراته
. انزل القرآن
قال تعالى: ﴿شَهْرُ رَمَضَانَ ٱلَّذِى أُنزِلَ فِيهِ ٱلْقُرْآنُ﴾
.
. فيه تفتح أبواب الجنة، وتغلق أبواب النار، وتصفد الشياطين.
. أنّ الله اختصه بفريضة الصيام.
. فيه ليلة هي خير من ألف شهر، وهي ليلة القدر.
. فيه استجابة الدعاء، والعتق من النار.
. أنَّ العمرة فيه تعدل أجر حجة.
استقبال رمضان بـ شحنة مقاضي ؟!
غريب أمر بعض الناس من يقرب رمضان
تلاقون الورقه وش طولها مقاضي ، موهالشهر للاكل بس !؟
وننسى نخطط كيف بنقضي ونقسم وقتنا فيه ؟
مابين صلاه وقرآن وذكر
مافيه تخطيط الا للفريزر والاكل :]
خلونا هالسنه نبدل هالوضع ويكون الاستعداد المطبخي بسيط بلا اسراف
ياربي لك الحمد كل شي متوفر فليش نضيع وقتنا بشراء كميات كبيره :|
لاننسى جزء من حوسه هالمقاضي لو علبه شوربه وتمر ..
ترسلها لمحتاجين | تكسب خير وفرحه فقير
ونغير المخطط شوي ؟!
نهتم اكثر باانفسنا ايه اهتموا باانفسكم . كيف !
قراءة القرآن وختمه بتدبر معانيه مو قراءه فقط
صلاتك وصيامك وعباداتك بنيه صادقه
احتسابك الاجر بكل اعمالك ولو كانت بسيطه
هالشهر مو للاكل او للمسلسلات والنت !
ولاهوصلاه وقراءة قران وسوينا اللي علينا !!
استحضر النيه واحتسب الاجر بكل اللي تسوونه
واغتنموا هالايام الفضيله واجتهدوا لله تعالى .
نوره تتصل بساره الظهر ( تبي طريقه المعجنات ) < نوره رفلا وكنها بتتسنع
ساره ماترد !
.
.
.
بعد المغرب تتصل ساره بنوره
ساره : وش عندك متصله الظهر
نوره : ليش وينك ماتردين كنت ابي منك شغله
ساره : ابد نايمه ولاصحيت الا المغرب
نوره : يؤ وش هالنوم والصلاه ياحظي
ساره : يييييييوه وش كنتي تبين خلصينا
وتنتهي المكالمه ..
حال ساره كثير منهم مثلها
النوم اللي يقلل من متعه الصيام والاحساس بالجوع + الاعظم من كذا
جمع الصلوات . وضياع الوقت
ترتيب النوم بوقت هالشهر الفضيل بين راحتك الجسديه
وبين راحتك النفسيه بالقرب من الله
اقرأو واسمعوا ما يحمسكم لشهر رمضان
و يعينكم بعزيمه أقوى على كتابة خطه يوميه لشهر الخير
مشروع مربح
نتأمل انه يوصل لأكبر قدر ممكن من الناس
لانه مكسب كبييييير للجميع
" احياء السنن الرواتب "
مجرد تذكير لعل الله ينفع بها ونتذكرها جميعاً
ليس للتذكير فقط !
نتذكرها لنعمل بها جميعاً
قعدتنا الصباح فاضين ليش مانحيي هالسنه العظيمه
اللي مهما نتكلم فيها مانعطيها حقها
صلاه الضحى
صاحين من نوم . ماعندكم عمل . ليش مانحييها فضلها عظيم
عن أبي هريرة رضي الله عنه قال
: "أوصاني خليلي رسول الله صلى الله عليه وسلم
بصيام ثلاثة أيام من كل شهر، وركعتي الضحى
وأن أوتر قبل أن أرقد" (صحيح رواه البخاري ومسلم وأبوداود).
. نفض الفراش قبل النوم :
عن أبي هريرة رضي الله عنه قال :قال رسول الله صلى الله عليه وسلم
: (إذا أوى أحدكم إلى فراشه فليأخذ داخِلَة إزاره فلينفض بها فراشه
ويسم الله ، فإنه لا يعلم ما خلفه بعده على فراشه) رواه مسلم 0
ياكثر من يندسّ بفراشه بلا نفض لييييه لهالدرجه الكسل والعجز وصل حده
خلونا نحيي هالسنه .
وغييييييرها كثير من السنن نبيكم تذكرونها معانا
حتى يعمّ الاجر عليكم انتم بعد بالتذكير بها بحملتنا
متى اخر مره دعيت فيها .
والا ماتدعي الا وقت حاجه !!!!
جربتوا تدعون بالوتر ؟!
متخيلين الشئ العظيم اللي يتكاسل عنه الكثير
سهرانين وفاضين لاشغل ولافائده .. طيب ليه مانستغلها ونصلي الوتر
ونتعاون على التذكير بها ..
وغالبا مانكون عالـ msn
تذكير بالبرسونال لصلاه الوتر
انت تذكر وانتي بعد وغيرك يتذكّر ويذّكر ... ويعمّ الخير
كم من شخص ضايقه عليه الوسيعه ؟
كم من أمر متعطل عندك بحياتك ؟
ودك تمشي امورك !
ودك خطوتك القادمه تزيد بركتها
وتر ودعاء اخر الليل دواء لكل داء
من همّ من ضيق كلها تزوووول بالقرب من الله
دعوة تُستجاب وذنب يغفر ومسألة تُقضى
كلها بين يديكم وقادرين عليها
عن أبي هريرة رضي الله عنه أنَّ رسول الله صلى الله عليه وسلم قال:
"ينزل ربنا تبارك وتعالى كل ليلة إلى السماء الدنيا
حين يبقى ثلث الليل الآخر فيقول:
من يدعوني فأستجيب له، من يسألني فأعطيه،
من يستغفرني فأغفر له" (رواه البخاري ومسلم)
- ادعيه -
عدو العقل
للاسف انه كذلك !
يوقف العقل من التفكير والتصرف السليم
ويسبب مشاكل ممكن نندم عليها ..
الغضب المذموم
لان هناك محموداً
نغضب من تصرف
نغضب من مزح
نغضب من فشل
نغضب من خساره
لكن مااستفدنا من هالغضب ؟!
تبون فائدته ! للاسف ماله فوائد
اذا وصلتم حدكم من الغضب
اجلسوا لوحدكم بمكان هادئ
افرغوا غضبكم . بكاء . قراءه . أي شي
انتبهوا تفرغون غضبكم امام احد
لانكم راح تندمون
ممكن بلا شعور وكثير تصير معهم يسب ويهاوش ويكسر اللي قدامه
لكن مافكر ولو لوهله . انه لو جلس شوي وفكر
وعدا الموضوع بشويه تأني انه ممكن تنحل هالمسأله
كم من موقف مر عليكم ووصل فيكم الزعل الى الصراخ والتكسير وانواعه .
على اهل على رفيق على اي شخص كبير صغير اياً كان .
تغلط بتصرفك ثارت ثائرتك وتشنجت أعصابك والسبب انك مامسكت نفسك شوي وسكتت
عن النبي صلى الله عليه وسلم قوله : (( إذا غضب أحدكم فليسكت )) قالها ثلاثاً . رواه أحمد والترمذي وأبو داود .
وعن أبي هريرة رضي الله عنه أن النبي صلى الله عليه و سلم قال : " ليس الشديد بالصُّرَعة ، إنما الشديد الذي يَملك نفسه عند الغضب "
( واضربوهم عليها لعشر )
ناسين الحديث والا نذكره
درسناه بالابتدائي يمكن وقتها مومستوعبين اهميته
اننا نشجع كل طفل ونحثه ع الصلاه ، نزرع فيه حب الله والقرب منه من الصغر
يكبر على الخير
والطاعه
والا نترك ذا البزر نايم وش عرفه للصلاه خلوه صغير لاكبر يصلي ؟!
ويكبر غير مبالي يجمع الصلوات ويمكن مايصلي ابد
وهذا خطأ صاير بعالمنا واللي من هالمكان نتأمل اننا نغيره
الاهل لهم الدور الكبير بهالناحيه
وكل منا له دور بالتذكير لاطفالكم لقرايبكم للجيران
وانت يااخ ويااخت وياعمه وياخاله
اطفالكم شجعوهم ع الصلاه وفعل الخير
بالسوق تشوفون فقير!
اعطوهم مبلغ وباانفسهم يتصدقون
اشرحوا لهم ليش الصدقه
هالعمر ماهو الا بذره تنبت نبات صالح اذا اسقيناها فعل الخير
واذا تركناها تذبل ..
فااجعلوهم زهوراً مورقه بيضاء نقيه
- فكرة لزرع روح الحماسه للاطفال -
يقول :
لا تكن كالذباب لا يقع إلا على الجرح ..
فإياك والوقوع في أعراض الناس ..
وذكر مثالبهم والفرح بعثراتهم وطلب زلاَّتهم !
الشيخ عائض القرني
ايه والله كالذبابه واسوأ
حسناتك تروح !
سيئات تجيك !
مافكرتوا تتوبون من هالصفات السيئه اللي عواقبها ترجع لكم بالسوء
فكروا بحسناتكم هي كثير هي قليله
بكلمه وعلى قولتهم حشحشه تروح كلها لشخص يمكن تكون ظلمته بغيبتك وبهتانك
غيبه ، همز ، لمز ، نميمه
انتشار الحش فالنت وخصوصا المسن
مايجتمع اثنين وثلاثه الا اغلب سوالفهم حش
تحسبونه حلال ؟
تحسبونه عادي نحش ونتوب خلاص سبحانك اللهم .. وقضينا !
والله حرام صحصحوا من هالغفوه
واتركوا الحش والحكي الفاضي بفلان وفلانه
خلو الناس بحالها
واذا تقولون غصب عنا نسولف وتجي كذا
انتم اللي تجيبون كلامكم مو هو اللي يجي
انتم بايديكم والسنتكم التحكم
واجهت شخص يتكلم بفلان ، فلانه
وقف الحوار غير الموضوع . قولوا مانبي نحش خلو العالم بحالها
قال تعالى: { ولا يغتب بعضكم بعضاً أيحب أحدكم أن يأكل لحم أخيه ميتاً فكرهتموه واتقوا الله إن الله تواب رحيم} .
.. {ولا تطع كل حلاف مهين هماز مشاء بنميم} .
ولاننسى كفارة المجلس
سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك
الأعمى يتمنى أن يشاهد العالم ..
والأصم يتمنى سماع الأصوات ..
والمُقعد يتمنى المشي خطوات ..
والأبكم يتمنى أن يقول كلمات ..
وأنت تشاهد وتسمع وتمشي وتتكلم .!!!
ينبغى أن يكون لك حد من المطالب الدنيوية تنتهى إليه ..
فمثلا تطلب بيتاً تسكنه وعملاً يناسبك وسيارة تحملك ..
أما فتح الشهية على مصراعيها فهذا شقاء .!
يظن من يقطع يومه كلّه في اللعب أو الصيد أو اللهو أنه سوف يسعد نفسه ..
وما علم أنه سوف يدفع هذا الثمن هماً متصلاً وكدراً دائماً ..
لأنه أهمل الموازنة بين الواجبات والمسليات.
للشيخ عائض القرني
من كتاب حتى تكون أسعد الناس .. ننصحكم بقرائته
- كليك ع الصوره لتحميل الكتاب -
كم مره نحتاج نطلع للسوق ؟
وخصوصا بقرب رمضان ومواسم العيد !
طيب تدرون انه الرسول عليه الصلاه والسلام قال حين دخول السوق
: " لاإله إلا الله وحده لاشريك له ، له الملك وله الحمد ،يُحيي ويُميت
وهو حي لايموت ، بيده الخير وهو على كل شئ قدير
". رواه الترمذي
احفظوه ماياخذ دقيقه وانتم بالسياره
ذكر وحفظ من كل سوء
نصيحه | نجرب نحاول نخلص مقاضي العيد قبل العشر الاواخر
ترى هي 10 ايام في السنه حرام تروح بين اسواق ومانستغلها
هالحديث ميزه للرجال
هنيئاً لكم بالجمعه لانه صلى الله عليه وسلم قال في فضل التبكير لصلاه الجمعه
عن أوس بن أوس الثقفي رضي الله عنه قال: سمعت رسول الله صلى الله عليه وسلام يقول:
(من غسّل يوم الجمعه واغتسل , وبكّر وابتكر , ومشى ولم يركب
ودنا من الإمام فاستمع ولم يلغ , كان له بكل خطوة عمل سنة , أجر صيامها وقيامها )
حديث صحيح رواه أحمد وأبو داوود والترميذي
كثر الموت الفجأه ملاحظين ؟!
تخيل تموت وبقلبك شي ع أحد
والا احد زعلان منك !
تعالوا خلونا نسامح بعض
دعاء بنيه صادقه ان تسامح كل من غلط بحقك
لاتقول جرح كبير . ماقدر اسامح
ليّن قلبك واغفر لمن اخطأ سامح وتسامح
اللهم أيما عبد أو آمَه من أمّة محمد صلى الله عليه وسلم اغتابني أو ظلمني أو بهتني , أو قذفني , أو قال في ماليس في فإني قد عفوت عنه
اللهم أيما عبد أو آمَه من أمّة محمد صلى الله عليه وسلم اغتابني أو ظلمني أو بهتني , أو قذفني , أو قال في ماليس في فإني قد عفوت عنه
اللهم أيما عبد أو آمَه من أمّة محمد صلى الله عليه وسلم اغتابني أو ظلمني أو بهتني , أو قذفني , أو قال في ماليس في فإني قد عفوت عنه
متى نجد العزيمه القويه
حتى نقرأ ونكتب ونفعل لـ رمضان
كلنا نعرف الاجر والثواب من فعل الخير
لكن محتاجين عزيمه قويه وثقه بالله اقوى
يكفي اننا بنكسب دعوه بظهر الغيب
ان فعلنا اعمال الخير البسيطه
ونصيحه افعلوا الخير بصمت
لاتتكلمون عن افعالكم | تصدقنا والا ارسلنا لمحتاج والا صلينا وقرأنا
خلوها سر بينكم وبين الله
اعمالك لك تطيب فيها حياتك وتخيب
بيدك وعقلك تفعل ماتريد
نفعل الخير ونتساعد فيه ونذّكر الغافلين عنه
جوال - افتحوه الان و فتشوا فيه مايغضب الله ؟
اللابتوب - فتشوا ملفاتكم فيها مايغضب الله ؟
الآي بود
غرفتك
بيتك
سيارتك
حياتك
نظفوها لوجه الله
خلوها عون لكم بذكر الله ونشر الخير
اقل شي الان افتح جهازك وايميلك واكتب رساله وادعيه
وتاكدوا من صحت الاحاديث . كثير يمرر احاديث ضعيفه سهواً
وتحصل ان ماينتبه . مررت ايميلات بدايتها خير لكن ان تمعنت بالكلام تنصدم
انه تمر عن طريقك رسائل بها احاديث ضعيفه وبدع كثيره
نسأل الله لنا ولكم الخيره فيما نكتب
مافيه اروع من تأثيرها
ولا اسرع من وصولها
الكلمه الطيبه + الابتسامه
جربتوا تشكرون صاحب المحل
اول شي تشوفونه ايش !
ابتسامته صح ؟!
طيب واقف تعبي سيارتك بنزين وخلصت تقفل وتمشي !
شرايك تقول شكراً
شوف كيف الشخص بيكون لبق معك !
لانك عاملته ب طيب
نقرب اكثر ؟
اهلكم اقاربكم اصحابكم
اجعلوا الكلمه الطيبه فاكهة حديثكم وحواركم
اشكر وابتسم ..
خلو ردودكم طيبه لـ تطيب اعمالكم
ميزه اجعلوها دعوه للخير
الـ msn واللي من خلاله نقدر نّذكر بـ ادعيه سنن .. الخ
- هنا عبارات منسقه للماسنجر -
قال ابن القيم :
"المبادرة إلى التوبة فرض على الفور..
ولا يجوز تأخيرها..
فمتى أخرها عصى بالتأخير..
فإذا تاب من الذنب..بقي عليه توبة أخرى ..
وهي توبته من تأخير التوبة..
وقلّ أن تخطر هذه ببال التائب بل عنده إذا تاب من الذنب لم يبقى عليه شيء آخر..
قد بقي عليه التوبة من تأخير التوبة
ولا ينجني من هذا إلا توبة عامة..
ما يعلم من ذنوبه وما لا يعلم..
فأن مالا يعلم من ذنوبه أكثر مما يعلم.."
تخيلوا ان الزمن توقف
وش عملنا بحياتنا ؟ شوفوا وراكم
وشوفوا الجاي من وقتكم !
راح تكررون اخطائكم ؟!
والا خلاص خلو الوقت يمضي على ماحنا عليه !
فكروا شوي
رمضان الحمدلله لحقنا اول ليله
بنعيش لبكرا ؟! من يضمن !!!!!
بنعيش لرمضان الجاي ؟
الواحد مايدري وش يصير بعد ثانيه
اللي فات فات ونبي نجدد هالشهر بامور تفيدنا
لاتضيعون الوقت بكرا فيه حساب ونكون بين نار وجنة برحمة الله ثم اعمالنا !
عندكم فرصه الان فلاتضيعونها .
نسأل الله ان يتقبل منا ومنكم ويجعله صياماً مقبولاً
وان نكون من المغفور لهم باذن الله
اهدافنا منوعه للتذكير بالخير ندعوه تعالى ان يعم بها خيراً
وان نصلح ونطهر اعمالنا وياكم بما يرضي الله
إن أصبنا فمن الله و إن أخطأنا فمن أنفسنا ومن الشيطان
- انشروها ولكم الاجر = ]