بسمة براءة :

السلام عليكم.. وش أخباركم يالصامداااااااات؟ الحمدلله اللي صمنا على الأقل الثلث الأول من رمضان..والله يجعلنا ممن شملتهم رحمته في عشر الرحمة.. ويارب تكون ولادتنا في عشر المغفرة,,عشان يصير غفران الذنوب مضااااعف إن شاءالله.. تصدقون أمس حلمت بالوالدة ياحبيلها..كأنها قاعدة تلمس بطني وتقول: لاااااا بطنك نازل مرة وشكلك منتيب جالسة يومين!! عاد أنا قمت مستااااانسة وتشققت ورحت دقيت عليها أقول لها..قالت لي: لا وانا أمك تكفين أجلي ولادتك لين الأسبوع الجاي,,أبروح آخذ عمرة يوم الاربعاء:( ياربــــــــي تعبت!!استغفر الله مهوب تذمّر ولا سخط,, بس أحس بطني من كثر ما تمدّد,,صاير أعلى بطني ينمّل وما أحس فيه أبد!! غير كذا صايرة أحس بألم يشبه ألم الطلق حق الولادة,,بس إنه يجي ثواني ويروح بسرعة!! ما يمديني أفرح فيه!! عاد من الطفش وضيقة الصدر عزمت اخواني على الفطور اليوم,,أولا عزوبية كلهم وودي آخذ أجرهم,, وثانيا أحس زوجي صار يطفش مني على الفطور,, كل ما تغيرت تعابير وجهي أو كشّرت يقول لي: وش فيك؟ لاحوووول تخلّين الواحد على أعصابه!! عاد قلت أعزم اخواني يغيّر جو معهم ويلطفون الجلسة.. بنات وش رايكم...فكرت أقول لأخوي يمر الصدلية ويجيب لي معه زيت خروع بدون مايدري أبو الشباب..تأيدوني؟ أحس إن البيبي إستوى:) وإن شاءالله ماعليه خطر لو بولد الحين لأني دخلت الأسبوع الأربعين..وش تشيرون علي أنتم؟ تكفون أحد يرد علي أحس إني طفشااااااانة ورايحة فيهاااااااااااا

السلام عليكم.. وش أخباركم يالصامداااااااات؟ الحمدلله اللي صمنا على الأقل الثلث الأول من...