بسمة براءة :

مراحب بطابيط.. ميوسة أنا ناوية أروح لدلة زيارة وحدة بس ..يختي مواعيدهم زحـــــــــــمــــة وماحب الانتظار..بروحي الجلسة تقص ظهري وماااني ناااقصة..بس عاد ناوية أصوّر تحاليلي كلها وأخذ أشعتي من المواساة والمستوصفات اللي راجعت فيها وأروح لدلة أتفق مع الدكتورة على كل شي,,وعقبها ماعاد أروح إلا ولادة,,أصلا ما بقى شي الله يهون علينا جميع :( تروعت يوم قلتو إن ’عليه’ تطلق هالحين:eek: يــــارب إنك تهون عليها وتيسّر ولادتها وتقومها بالسلامة هي ومولودهـــــا.. الفراغ قاتل يختي من أمس وأنا معي طلوق تخوّف..بكري ماحسيت بطلوق أبددددددد إلا قبل الولادة بـ 5 -6 ساعات..أما هذا الله يصلحه غثني:09: بعدين من يوم صرت أداوم على سورة البقرة وهو صايرة حركته مضطربة..زوجي يقول:يمكن فيه جني زي أمه:22: <=== زوجها حساس وذوق مرة:arb: مشكلتي إني نحيفة ومعصقلة وخصري صغيـــر مـــرة..وأحس إن بطني ما يكفي ولدي <==تبي سلف بطن:30: ..ومن يوم انتصفت بالثامن وأنا صايرة أتضايق بالجلوس وبالنوم وبالمشي..يعني الله يرحم حالي..ويهون علينا جمـــــيع.. البنوتات الكروشات..ترى يمكن إذا ولدت ما أقدر أعلمكم..لأني بطلع من المستشفى وأروح لبيت أهلي..وأبوي مانع الانترنت عن البيت..يقول مادام فيه مراهقين منيب حاطه بالبيت:hahaha: بس يمكن أقول لزوجي أو وحدة من خواتي تدخل تبشركم<==على بالها بتولد بكره ميوسة ذكرتيني بولدي ياحبيله ناشب لي..اشتريت له من فترة مسبح صغير مطاطي,, ونشب فيني إلا أشتري سروالين سباحة..يقول عشان إذا طلع النونو يسبح معي..وكل ماشافني جالسة جا يبوس بطني يقول :أنا أحبس ياماما وأحب أخوي النونو!! الله يستر من هالحب وش بيصير بعدين:eek: طمنينا وش يصير على موعدك..والله يمتعك بالصحة والعافية:) باقي الكروشــــات..الله يهون علينا جمـــــــيع وييسر لنا ولادتنا..وأول وحدة تبشرنا بولادتها أبرسل لها بوكيه ورد على المستشفى :22:

مراحب بطابيط.. ميوسة أنا ناوية أروح لدلة زيارة وحدة بس ..يختي مواعيدهم زحـــــــــــمــــة...

ميس وأسيل :

هلا بطات والله ان وضعكم يضيق الصدر كلكم ساكتين لا سوالف ولا شي .. انا هاليومين اطربق اخلص اشغالي والله يسهل ان شاء الله .. هالروب بيجيب لي هبال لين القاه توني جيت من المستشفى والطبيبه عطتني موعد يوم السبت عشان ادخل انا وياها على الجراح ويحددون وينسقون موعد ولادتي مع الدكاتره اللي بيحضرون حفلة الولاده خخخخخخخخ والله اني جاني رعب الله لا يوريكم .. وبس طلعت منها وسويت التحاليل في المختبر وجيت بيتي .. ويوم السبت بإذن الله راح تعطيني الكلمه الاخيره على الولاده .. يعني تحدد اليوم اللي بتولدني فيه :09: يارب سهل علي :(

هلا بطات والله ان وضعكم يضيق الصدر كلكم ساكتين لا سوالف ولا شي .. انا هاليومين اطربق اخلص...

OM LEEN :

أم الكتاكيت الصراحه ياقلبي ماعندي خبره بالحبشيات بس على فكره بسألك اذا انتي في المدينه صدق عندكم مطر؟؟ الراجيه رحمة ربها اذا بتسمعين قصص الولاده ماراح تنامين ابد من الرعب بس احسن شي لا تسالين أحد لانه الصراحه الناس يختلفون في ولادتهم وكل شي بيد الله الله يهون علينا جميعا ويقومنا بالسلامه ام ميس الله يخليلك بنيتك يارب ويصلحها انتبهي لنفسك لاتظربك فجه ويجي البيبي شي وحاولي انك اتحببينها فيه والله يهون عليك ويقومك بالسلامه ويخليك لهم يااارب بالنسبه لروب الأستقبال وش تحبين يكون موديله يمكن قد شفت مثله واساعدك ترى انا مثلك ماأقدر على الدوران واحب اللي يقولي شوفي حاجتك في المكان الفلاني الفراغ قاتل ماتشوفين شر ياقلبي وبالنسبه للبازارات موغاليه لذيك الدرجه تقولي وحده انها شاريه جلابيه حرير من البازار اللي كان في مركز الأمير سلمان ب300 ريال اتوقع السعر حلو ولا العين بصيره وساره قصيره الله يهون عليك ويجعله برد وسلام ويقومك بالسلامه اميييين يااااارب

أم الكتاكيت الصراحه ياقلبي ماعندي خبره بالحبشيات بس على فكره بسألك اذا انتي في المدينه صدق...

المرهفه :

مساء الخير عليه الله يهون طلقك ويسهل ولادتك ويقومك بالسلامه ام ميس شوفي الطلق الكاذب اذا مشيتي يروح يعني ممكن يستمر بس لفتره اما الطلق الحقيقي يستمر ويزيد لو تلفين الرياض كلها ..ومن وجهة نظري الروب انعم وارتب من الجلابيه في النفاس وفصلي مدامك تبين شي معين ...الا وش دراك عن عليه ؟ وبشرينا عنك ... الراجيه والله ماجابلي الرهبه والخوف من الولاده الا متابعه برماج وقصص الولاده في التلفزيون يازين الي على وجهها ماتدري عن شي ام الكتاكيت مالي خبره في الحبشيات لاني ماارتاح لهم ولا ابيهم بسمة براءه الي اعرفه ان الطلوق المتتابعه احسن من الي تجي مره وحده يعني استبشري خير كل ماجاك طلق ... باقي البنات ان شاء الله بخير وعلومكم زينه

مساء الخير عليه الله يهون طلقك ويسهل ولادتك ويقومك بالسلامه ام ميس شوفي الطلق...