هلا بنات وش خباركم

ام الكتاكيت
الله يعوظك بأحسن منها ان شاء الله
ماتدرين وش الخيره فيه

ام الكتاكيت

وش هالخبريه الله يكون بعونك يارب :09:
حاولي تكلمين مكاتب استقدام عندكم لعلهم ينفعونك ويلقون لك وحده ترى ماعاد بقى الا شوي ..

حتى انا بتجي شغالتي هالاسبوع الله يجيبها على خير .. لان عندي شغالة عمتي مؤقت لما تجي اللي انا قدمت عليها ..

الله يكتب لك الخير وين ماتروحين ولا يضيق صدرك ياقلبي وعسى ان تكرهوا شيئاً وهو خير لكم ..


بنات وينكم بلا برووووووووود يله تعوذوا من بليس وسولفوا ترى كلنا بحاجه لبعض وكلنا ضايقه صدورنا ..:30:

مراحـــــب يا بطبوطـــــات..

علومكم؟؟
والله فرحت يوم دريت إن عليه ولدت..الله يقومها بالسلامة..أذكر معاناتها مع الربط من ملفنا الأول!!

ميس وأسيل
شوفي حبيبتي..خلي سريرك على الأقل 15 يوم..وش عشر أيام منتب صاحية!
أصلا خيوطك يبيلها أسبوعين على ما تطيح صح..ونصيحتي يا بنااااات لاتفرحن بالعافية وتقومن تتمشن بالبيت..ترى أكثر شي يخرب الخياطة هو المشي الواجد..على فكرة بأسألك أنتي الدكتورة نادية اللي تكلمتي عنها هي اللي في دلة؟ لأني هونت عن المواساة..ودلة جربتهم في ولدي وممتــــازيـــن مرة..بس مدري هالمرة أولد عند أي دكتورة..كلهم زححححححمة!
بنات ودي أقول لكم شي بخصوص المشي وقت النفاس..فيه شي ثاني هو السبب الأول لخراااااب النفاس ومشاكل الحرمة النسائية بعد الولادة..
ألا وهو..




وهو...





هو...




ترى أمي تقوله لاتجون تقولون عيب عليتس..

هو :التفقفق:hahaha: ..وبصراحة ما أعرف مصطلح ثاني للكلمة <==من زود الثقافة
يعني لاتفتحون رجولكم كثيررررررررر...أخت زوجي قبل أمس نسولف عن أخطاء النفاس,, وهي عندها ثلاث أطفال ماشاءالله..تقول غلطتي بنفاسي الأول إني دايم أتربع وأفتح رجولي لأني ولدت بالصيف ويذبحني الحر..وبنفاسها الثاني والثالث كان برضو صيف وتقول كنت ألبس شورت ودايم ألملم رجولي وماشاءالله تعدلت عقب خراب نفاسها الأول..

أنا أمس رحت لبقالة أندونيسية وأخذت 5 علب من الفيكس الجاوي الأخضر اللي قالوا البنات في المنتدى إنه زين قبل الربط..والله ينفع به ولا يتكل عليه..

أم الكتاكيت
ياقلبي لاتصيحين..يمكن خيرة لك..والله إني عارفة ياعمري إن التوقيت سيء جداااااا..بس ترى يمكن خيرة لك..أختي قبل لاتجي شغالتها جابت حبشية شهر كامل..وتمدح فيها مدددددددح وتشتغل شغل رجاجيل..يوم خلص الشهر,, عقب يومين انسرق بيت أختي كله..وما سرق منه إلا الالكترونيات والكهربائيات وأجهزة الكمبيوتر..يمكن خيرة لك ياعمري إنها راحت من أولها..
الشغالات المؤقتات ما أرتاح لهم..خصوصا الحبشيات..الله يعوض عليك بأحسن منها ويغنيك عنهم بالعافية..


ام عائشه
سبحــــــــــــان الله!!
أنا أختي ولدت العام برمضان وضحكت عليها..لأنها ثاني مرة تولد برمضان..
وهالسنة بلاني ربي عشان ما أتطنز على الناس

الله يعين..بكره دوااااام..صحيح الدكتورة قالت لي ابتداء من يوم الاثنين بعطيك إجازة متواصلة لين تولدين..بس مالي خلق أبد!! وهالحين فوطتي على راسي أبروح أستشور هالكشة..حتى ولدي أرسلته مع أبوه للسوق ..صاير بثير <==تصغير بثر..


أقول لكم شي..
تصدقون إني جهزت لما بعد النفاس؟؟
لأني أبروح عند أهلي برا الرياض..وبرجع لبيتي على طووووول..وماراح يكون عندي وقت للسوق..رحت الله يسلمكم لشارع السويلم..واشتريت لي 3 عطور..الأول هو برايت كريستل من فيرزاتشي<==روعــــــــــة..والثاني بيور بويزن من ديور..قديم بس حلو أحبة..والثالث بارد وصيفي ودلع إسمه أباريشن apparation من إيمانويل أونغارو..بصراحة رخيـــصة مرة مو زي فيسز وفافافوووم..ورحت لسيتي بلازا لقيتهم مسوين تخفيض على فساتين روعـــــــــة..أخذت فساتين على 40 ريال..ورحت الهرم وشريت لي تقريبا بـ 200 ريال لانجيري اللي يجي قماشه تول خفيف مرسوم..قشقشت لي كووومة ورخيصة بصراحة..على الأقل لأول أيام رجعتي لبيتي لين يمديني أروح للسوق وأمخمخ<== مستعجلة على الطلعة من النفاس..
تلاحظوووون إني كثرت هذره؟
أبروح أسشور شعري قبل ينشف وتنشب فيه قراطيس البيت:hahaha: ..ولي عودة بإذن الله أشوف أخباركم..


بوســــــــــــــــــــــــــاتـــــــــــي لكم كلكــــــــــــــــــــم

خخخخخخخخخخخخخخخخخخخخخخخخخخخ
توني أقرا التعليق اللي مكتوب تحت صورة البيبي اللي في الـ ticker حق توقيعي..
والله إنه صادز..أمس لعب علي بليس بغيت أروح أسوي لي زعتر بري والا قرفة..كود هالبصوة يتحرك..بس تعوذت من الشيطان وقلت الله يظهره على متمّــه

اختي ملكة النحلات ...سوي تحليل هيموجلبين ...يمكن عندك الحديد ناقص

اختي بسمة براءه من هي دكتورتك الي تراجعين عندها؟؟