مساء الورد و الغلا و الجهاد

ام الدانه .. ترى مي شينه بس بتقدرين ترسلينها كلها .... و الا خليها رفاعتك مني

يا جماعه .. ان ضاربة ابرة ظهر بولدي في العسكري و ما شفت منها اي مشكله و حتى ضربتها مو مؤلمه كثير .. بس بجد مريحه عند طلعة الراس

ميوس و راعية مبدآ ربي يكون معاكم

كلي امل الللللللللللف مبروك
مزيونه ... الحمدلله على السلامه يا عمري و انشالله يعدي نفسك على سهاله

يا بختكم يا جماعه عندكم احد تتناقشون معه على الاسامي انا رجلي اصلآ مو راضي يتكلم يقول اذا طلعوا بالسلامه تكلمنا .. يعني راد بي و بصيصاني

قرروا ولادتي مابين 10 الى 15 رمضان ..بس التقلصات ( الأسلاف ) احسها متحمسه و عسى ما اولد قبل اللة يستر .. ودي بشي يأخرها

8
8
هلا بتس يالغاطسة..
تصدقين قلت أكيــــــد ولـــدت!!
يحليلتس يوم كنتي بلندن كنتي تويقين كل يوم يومين وتسولفين شوي..الظاهر حر الرياض جاب لتس كسل:)
شوفي ..توني مشيكة على شنطة المستشفى<==مهيب تشيّك عليها كل 4 ساعات
حطي شاحن جوال-فواحة وزيت..ترى زيوت كولوني تهبببببل-الأدوية اللي بتحتاجينها- هدية أو لعبة لأصغر عيالك عشان تقولين له هذي هدية من البيبي..هالفكرة لقيتها بموضوع لوحدة هنا الله يجزاها خير وأعجبتني..بس الله يعين على أسئلة ولدي..بيقول من وين جابها النونو؟ من بطنك؟ بطنك فيه ألعاب كثيرة؟طيب ليش ما تجيبين لي؟من الحين صدّع راسي!!
وحطيت لي بعد شنطة صغيرة فيها فرشة ومعجون,ومشط شعر وشباصتين وإيشارب ومحدد حواجب لأني أخرررررع بدون ما أحدد حواجبي..وطبعت أذكار الولادة على كروت صغيرة -تقريبا 5سم×10سم عشان يسهل علي قرايتها إذا جت الطلوق..وحطيت بالثلاجة علبة فيها تمر معبوط على زنجبيل وقرفة وكمون, وقريت ورد الولادة في موية وحطيت قارورة صغيرة آخذها معي للمستشفى..وكريم لوشن ومرطب لابيلو..
وبس<==أصلا وش بقى!
أنتي وش علومك..ووين قررتي تولدين؟ وعيالك وش بتسوين فيهم إذا رحتي لأهلك بالنفاس؟

صادقه المرهفه ايش حطيتوا في شنطة المستشفى .. و الله اني خجلانه اسأل امي .. المره الاولى جهزتها اختي على اساس اني بكر و المره هذي لازم اني اجهزها بنفسي يعني خلاص الدلع ...
ياليت تعلمونا ايش نحط فيها

الرياض عاليه
صبحك الله بالخير..
ترى الأسهم جت عليك بالغلط..مي سوري على قولة حسين عبدالرضا..أقصد فيها المرهفة..
تصدقين أنا عكسك..مقررين لي ولادتي معك بـ 15 رمضان..بس ودي أولد بكره<==مطفووووقة
بصراحة صايرة وروكي تعورني بشكل فظيـــــــــــع..ومن الألم أحيانا أقوم من نومي..تعبت مــــــرة,,وزوجي يقول لاتشتكين يروح أجرك..الظاهر إني فقعت راسه من كثر ما أون,,وعلى باله مسوي نفسه حريص على الأجر..إذا جته انفلونزا صار أسوأ من ولدي الصغير!!!
<==أخلاقها عالية جداااا

بسمه حبيبتي اذا كان عمر طفلك فوق الثلاث سنوات وفري على نفسك لأنه اصلآ ما بيصدقك و حتكون هذي اول حجر تهدمينه في علاقته مع الطفل الجديد .. وهذا الكلام من دراستي و تجربتي في رياض الجامعه يعني مو فلسفه .. ممكن تقولين انها منك لنك اشتقتي له كثير .و حتكون رساله منه انك مستحيل تنسينه بوجود الضيف الجديد .. فهميه من الأن ان مكانته ما بتتغير وانه باقي كل شيئ مثل ماهو استحملي تعلقه شوي حاولي ما بين كل فتره و انتم في لابيت تناديه و تبوسيه على انك اشتقتي له .. طلعيه معاك لوحدكم و و قولي له انك مشتاقه تطلعون مع بعض و بكذا بيحس ان مكانته ما بتتغير
انشاللله اكون افدتك