رفع وينك العيد قرب

السلام عليكم انا ابغى اصبغ شعري نفس هذا اللون مع العلم ان شعري اسود عادي يعني مو مرة متفحم وطوله لنصف الظهر وانا حنطية بيضاء وسبق وصبغت شعري ولكن من سنين وشعري ناعم ياريت تردين عليا ابغى كولستن وكم المقدار وماهي الالوان وماهي الخصل المناسبة وجزاك الله الف خير وجعله في موازين حسناتك

مشكوره حبيبتي ابي اسالك انا صابغه قبل ثمان او تسع شهور خصل شقرا والارضيه بني فاتح والحين الصبغه نازله حييييييل وودي اصبغ الشعر لون موحد عادي اشتري غارنييييييه او فيفا واصبغ وهل تغمق الخصل معاي
وجزاك الله خير على موضوعك

عزيزتي انا عندي كرتونين صبغة وحده سوا عادي ووحده سودا مزرق
نوع الصبغه غارنيه....وايش افضل صبغة سودا وتعطي لون فاااااااااااحم ولمعه

ينفع اخلطهم مع بعض وايش النتيجه اللي راح يديني هيه
علما انو هذي يمكن 5 مره اصبغ اسود
بس ليا فتره ماصبغت يمكن 6 شهور تقريبا
وكيف اقدر احافظ على اللون اطول فتره ممكنه
وجزاكي الله خير على حبك للمنفعه لغيرك

طبعا عبل ترجع اختنا مهة القلب الله يجيبها بالسلامه وانا متاكده انها انشغلت كتير ولو انها ماكانت تبغى ترد عليكم مافتحت الموضوع من اصله ..

حقولكم قصتي مع الصبغ يمكن تفيد البعض وخاصه اللي يبحثوا عن اشقر رمادي مثلي .


الاشقر الرمــــــــــــــــــــــــادي اللي جنن الكل طبعا حتى الاوروبيات يبحثوا عنه ولكن عندهم منتجات تساعدهم انه يضل بدا اللون زي الشامبوا اللي قالت عليه اختي مهة القلب وهذا انا جربته بره السعوديه كان عجيب اغسل شعري الاقيه زيتي كل اللون الاصفر او الاورانج يروح ..

المهم انا مغرمه بصبغ الشعر لدرجه انه زوجي واهلي نسوا انه شعري الاصلي اسود مو لاني مااحب الاسود لا بس احب شغلة الالوان والصبغ ..

واخيرا حصلت عليه الان الدرجه اللي ابغاها بالاشقر طبعا حنزل لكم الصوره تشوفوها ..




طبعا مو تجي وحده شعرها اسود وتقول ماابغى سحب لون ولا ابغى شي يتعب الشعر وتبغى تفتح شعرها تقريبا 5 الى 6 درجات هذا لوحده اجرام في الشعر ..انا باستمرار اصبغ ولكن الحمد لله ماتعبت شعري والسبب اني اصبغه على مراحل بسيطه حتى وصلت للون اللي ابغاه ..

انا شعري الطبيعي اسود ... جبت اشقر رمادي فاتح طبعا من اي شركه تبغيها بس انا اكتر شي ويلا و لوريال استخدمهم ..لما صبغت شعري قبل فتره كان اللون بني متوسط انتظرت شهر وصبغت بنفس اللون مره تانيه صار بني فاتح ..انتظرت شهرين ونص وصبغت بنفس الدرجه اللي هي اشقر رمادي فاتح بدون خلط لاي لون تاني وطلع اشقر رمادي ..تلاته مرات اللي كررت فيها الصبغه على فترات واذا حبيتي كل مره تكرري لما توصلي للون الاشقر الرمادي اللي تبغيه ..

وهذي هي الصوره ..


ان شاء الله اكون افدتكم بتجربتي ..لاني دايما الاحظ المنتدى استفسارات بدون طرح للتجارب بعد الاستفاده ..