بقايا جراح @bkaya_grah

محررة برونزية

رمضان على الابواب وش جهزتوا من المفرزنات..

السلام عليكم

كيفكم بناااااات

ماباقي على رمضان إلا تقريبآ 14 يوم الله يبلغنا إياه وإحنا باأتم صحه وسلامه ويجعلنا من صوامه وقوامه..

ادخل بالموضوع على طول

أنا هالايااام أشوف الناس بدت تستعد لها لشهر الكريم من ناحيه المائده الرمضانيه عشان تتفرغ في هالشهر للعباده ومايضيعون وقتهم في الطبخ والطبيخ ويسعدون ازواجهم وعيالهم بأحلى الاطباق الرمضانيه وقبل كذا يرضون ربهم بقيامهم وصلاتهم وقراءتهم للقرآن..

انا راح اقول لكم عن إستعدادتي لهالشهر الكريم وأبي الجميع يشاركون معي في الموضوع عشان نستفيد من بعض ونفيد بعض..

انا الحين لفيت سمبوسه جبن ولحم مفروم ودجاج للعشر وحطيتها في أكياس لكل يوم كل يوم أطلع كيس على قدنا...
لفيت سبرنغ رول وحطيته باأكياس على حسب حاجتنا اليوميه..
وراح اقطع بصل واحمسه واجهزه لاني راح أستهلك منه كثير في رمضان..
وراح أقطع لحم واحطه في اكياس على حسب حاجتنا اليوميه للشوربه وغيرها..
ودي اعجن بف واحشيه واحطه في صينيه ثم في الفريزر لحد مايجمد ثم أحطها في علب على حسب حاجتي اليوميه..
ابسوي اصابع السمبوسه اللي احشيها بالجبن واسقيها بالشيره بعد مااقليها..
ابسوي الشيره بعد للحالي..
ابسوي المعجنات فطائر وبيتزا وقت الاستعمال احطها بالمايكرويف بس..

يعني إن شاءالله في رمضان راح ادخل المطبخ الساعه2 ونص الظهر اعجن لقيمات واطلع من الفريزر السمبوسه والبف والسبرنغ رول واصابع السمبوسه الحاليه واللحمه والبصل للشوربه واسويها بسرعه وهي ماتحتاج وقت لان كل شي مقطع ومجهز..
وتقريبآ الساعه خمس العصر راح ادخل مره ثانيه واقلي بالزيت او احط بالفرن واسوي العصيرات..
يعني ماراح ياخذ من وقتي كثير ولا راح احتاس في المطبخ وراح أحط اكثر من اكثر من خمس اصناف على الفطور من غير تعب ولا جهد..

يالله ابي منكم كل وحده تقول لنا وش مجهزه لرمضان من خلال الاطباق الرمضانيه وبإذن الله راح أفتح موضوع قريب عن مخططاتي الدينيه لرمضان....

10K

يلزم عليك تسجيل الدخول أولًا لكتابة تعليق.

تسجيل دخول

راعـيـة الـبـل • 16 سنة

ماشاء الله عليك

احنا ماشاء الله كثير

وندخل الظهر وكل وحده تمسك صنف معين ماتجي الساعه خمس الا واحنا مخلصين

بس هالسنه ماعندنا خدامه راحت ولحد الان ندور خدامه لمدة شهر

بس ماحصلنا غالين بالمره

المهم مااطول عليك الشهر هذا ان شاء الله بيطول الشغل من غير شر لاانا اذا خلصنا طبخ بنمسك المواعين والله يعين

وكل عام وانتي بخير مقدما

sarah-9 • 16 سنة

انا العام الماضي فرزنت اغلب الاشياء وماكنت ادخل المطبخ الا قبل الفطور بوقت قصدير بس اطلع الاشياء من الفريزر الساعة ثنتين واخلص
والحمد لله لاول مرة العام اختم القران بوقت قياسي وللة الحمد بعكس السنين اللي قبل
وهالمرة ناوية اسوي مثل العام
فرزنت السبرنق رول
وفرزنت سمبوسة دجاج
وفرزنت سمبوسة جبن صغار
باقي لي افرزن اصابع الجبن والبف والكيك
ومشكورة على موضوعك

بنت روق وكلي ذوق • 16 سنة

والله لا اللحين ماسوين شي

جولدن مون • 16 سنة

بنت روق وكلي ذوق :

والله لا اللحين ماسوين شي

والله لا اللحين ماسوين شي

ممكن افرزن ورق عنب ،كبه،سبرنج رول،بف.سمبوسه حلوه سويتز مالح.

لكن بصل محمر وسمبوسه وخضار لا؟ابــدا مستحيل حلاتها بطراتها!

أم غير شكل • 16 سنة

لي عوده