رمضان على الابواب ونبي نسوي شوي طبخات عشان وقتنا في رمضان

هلا اختي والله صدقتي محتاجين نفرزن بعض الأشياء ..

مثل السمبوسه ,,, الكبه ،،، أصابع الجبنه ،،،

و خبز جاهز للتحميص للسلطه طبعا يعني تقطعينه وتحفظينه بالفريز اذا احتجيته للسلطات مثلا على طول تطلعينه وتقلينه ..

و ورق عنب طبعا تجهزينه وتصفينه في علب بلاستيك واذا بغيتي تسوينه تطلعين الكمية اللي تبين ،،،، والملفوف نفس الشي ..

والفطاير بعد تتفرزن بس كل وحده وطريقتها بالفرزنه بعضهم يجهزوونها يعني يسوونها ويحطونها بالفريز ومتى مابغوها يطلعونها ويسخنونها بالمكروييف ..

وبعضهم يجهزونها يعني تلفينها بالحشوه اللي تبين ومن غير ماتسوينها بالفرن يعني تحطينها بالفريز الين تجمد واذا جمدت تاخذينها وتصفينها بعلب و متى مابغيتها تطلعينها شوي الين يذوب شوي الثلج وتحطينها بالفرن ..

وش بعد وش بعد ...

ايه فيه بعد الرقائق الهشه من السنبلة او الكرامه ,, تحشينها اللي تبين انا احب احشيها بالكيري بعدين تجمدينها وتصفينها بعلبة بلاستيك ومتى مابغيتها او احد طب عليك فجأة تطلعينها وتحطينها بالفرن وبالعافيه ..

وفيه اشيااااااااء كثيره كثيره
والبنات بالمنتدى ماقصرووو والله يجزاهم خير

وبالنسبة للتمر اختي الحين الرطب مابعد خلص يعني الحقي عليه ...
اشتري كميه تكفيك للسنة كلها ..

بعدين فرزنيه طبعا مايبيله شي فيه كراتين خاصه بالتمر يبعونها بكل محل .. او العلب البلاستيكيه فيه مقاسات صغيرة ووسط وكبير كل ماعليك انك تعبينهن تمر وتغطينهم زييين وتلصقين على حواف الكرتون ااو البلاستيك عشان مايدخله هواا .




وسلامتك اختي اتمنى اني افدتك وياليت اللي عندهم خبراات يفيدونا لأن هالموضوع مره مهم خصووصا للموظفاااات


وسلامتكم

ان لي خبره وحنا نجمد التمر لنا اكثر من27 سنه الطريقه سهله اذا جاب زوجك تمر نقي الي متمر خالص وحطيه في علب التمر تلقينها في السوق وبعدين حطيه في الفريزر ولما تبغون تاكلو منه طلعيه قبل الوقت بكم ساعه انتي تعرفين رمضان الجو فيه راح يكون شبه بارد :27: :27: :27:

مشكوره ناعسه الطرف وmdry
على الرد
بس انا اقصد الرطب الي يكون نص الحبه مرطب ونصها لا مادري وش يسمونه
لاني فهمت من كلامك اختيmdryانه لازم يكون مرطب كله

اختي بالنسبه للرطب .. نفس الشي.. تيبين علب البلاستيك .. وتحطين فيها الرطب وتحطينه في الفريزر :)

مثل ما قالوا الاخوات :)

اختي زهرة نجد انتي قصدك البلح -البسر بلهجت القصمان- اذا هواللي تقصدين فما ينفع انك تحطينه في الفريزر لان لونه وطعمه يتغير اما الرطب -التمر الّرِِ0.طب -فهذا ما يتغير اذا دخل الفريزر بس اذا طلعتيه طلعي قد حاجتك لانه اذا تعرض للبروده والحراره يخرب