هلا والله بريم الفلا 00 موضوعك حلو لأني دايم رمضان يروح علي بالمطبخ
بين هالمواعين 00 بصراحة ماعندي افكاربس حبيت اشكرك على موضوعك
واستفيد 00

السلام عليكم
هلا والله بالريم والله لا تزعلين يمكن الناس مشغوله بالتجهيز بس ما اخذتي بالج ههههه
المهم انا ناويه بعد اسوي مثل اختي قمر الزمان انا اشوفها فكره حلوه يعني الواحد يضيع وقته بصراحه في المطبخ لا ونقول حق رمضان مع انه رمضان ما ياكل احنا الي ناكل ونقول رمضان الله المستعان
المهم عزيزتي وسعي صدرج

هذا اول رمضان يمر على بدون شغالة
علشان كذا بحجز كبة وسمبوسة جاهزة قبل رمضان اخذت بعض الارقام من البنات
اما الاصناف العادية مثل الشوربة والمكرونة واللزانيا زوجي ما يتشرط كثير
بس اذا جاء ضيوف الله لا يوريك
وانا بصراحة ما اعرف افرزن مثل البنات لاني ولا مرة جربت فرزنة المعجنات والبيتزا اسويها طازجة
وهالمرة والله شايلة هم الصحون وبس
افكر اشتري غسالة الصحون
او استخدم صحون بلاستيك حتي افتك من حوسة الصحون
والله يبلغنا رمضان
ومشكورة على الموضوع

زي ما قالوا البنات جهزي اللحمه والدجاج المفروم وصلصة البيتزا وإعصري طماطم وحطيها في أكياس في الفريزر وجهزي بهاراتك وإنخلي الطحين ولا تنسين القهوه ولفي سمبوسه وسبرنغ رول وأعرف وحده حتى العصير تفرزنه وتحطه في أكياس وفرزني خضار زي الفاصوليا قطعيها والملوخيه والباميه والبازاليا وورق العنب

مشكورين وماقصرتو والله يجبر بخاطركم زي ماجبرتو بخاطري ويشرح صدركم زي ماشرحتو صدري بردودكم