رمضان قرب واللقيمات على الابواب(سر نجاح اللقيمات)

فكرت اكتب هالموضوع لان كثير من الناس ما تضبط معهم اللقيمات والسبب مو من العجينه السبب فى طريقه التلقيم والتقليب بالزيت انا صار عندى خبره لان ابو الشباب يحبها علشان كذا صرت اصلحها تقريبا اسبوعيا مع القهوه كل جمعه المهم
المقادير ما تهم لان سر النجاح بالطريقه
اهم شي يكون الزيت غزير وتكون حرارة الزيت معقوله يعنى وسط مو مره حار ولا بارد بعدين تلقمين العجينه بعد كذا تقلبينهم بستمرار بالملاس لين يتشقرون على مهلهم بعدين طلعيهم من الزيت وحطيهم بورق تنشيف واضيفى لهم العسل او الشيره على حسب رغبتك راح تحصلين على لقيمات مقرمشه من برى وطريه ولذيذه من الداخل
وبالهناء والعافيه
وبالنسبه لطريقتى
كاس دقيق ابيض
كاس حليب سايل دافي
ملعقه صغيره مليانه خميره فوريه
ذره ملح
ذره سكر
حبه سوداء على حسب الرغبه (اذا ما تبينها مو لازم)
مده التخمير نصف ساعه بس
ملاحظه.....(لا ترفعين حراره النار علشان ما تشقر بدون ما تستوى من الداخل بعد تصير لينه وماهى مقرمشه)