السلام عليكم ورحمة الله وبركاته
بنات اليوم بأحط لكم طريقة عجينتي اللي اسوي فيها أصناف كثيره بس أنتي ماعليكي الا تتفنني بالحشوات
سواء لحم مفروم أو دجاج عندك خضار أو جمبري وبعد بالجبن اللي تبينه هنا صور نموذج من معجنات سويتها بنفس العجينه يوم طلعنا الاستراحه انا وأهلي روووعه صراحه كأنه بوفيه جاهز جربووهاا
وكل عام وانتم بخير
ملاحظه أنا أستخدم كاسة الجبنه في أخذ المعيار
المقادير:
كاستين حليب سائل
فنجان قهوه صغير سكر
ملعقه كبيره خميره
ملعقه كبيره بيكنج باودر
كاستين دقيق أبيض
تعجن المقادير مع بعض باليد وبعدين نحطها في عجانة المولينكس ونخلطها ماراح تجيك مره متماسه شوي
لاتخرجينها من العجانه خليهاا وخطيهااا وسيبيها تخمر 15 دقيقه
في نفس العجانه حطي نصف كاسه زبده طريه وملعقتين أكل زيت ورشه ملح وكاستين دقيق كمان وتعجن بالعجانه
بعدين خرجيها من العجانه وأعجنيها بيدك واذا احتاجت دقيق ضيفي كم ملعقه بس ان شاء الله ماتحتاج بتجي معك العجينه طريه وخطيها وخليها تخمر على راحتهااا
وسوي فيها أي نوع من أنواع المعجناات
وقبل لا تدخلينها الفرن تدهن بصفار البيض
ملاحظه أنا أضيف ملعقة أكل صغيره زعتر تعطيمذاق حلوووو مررره جربووها :icon28:
واللي تجربها تدعيلي ربي ينول لي اللي في بالي ويوفقني في دراستي
بنات اللي تبي طريقة حشوات تقول لي وأنا أكتب لها طرق حشوات مختلفه
وصحه على قلوبكم