شوفي حبيبتي انا من تزوجت و نظامي برمضان ما تغير
اول ما ياذن نشرب قهوة و تمر فقط. نصلي المغرب, وبعدها ناكل الافطار و يكون عبارة عن هالاشياء فقط
- نوع واحد شوربة
- نوعين مقليات او معجنات
- نوع واحد حلى
وطبعا عصير جمبهم

الحلى اجهزه من الليل و يكون بالعادة جيلي او كاسترد او مهلبية او كراميل او رز بالحليب

الشوربة اسوي ليومين يعني قدر كبير, شوربة عدس او بر او بحرية او لسان عصفور بلحم مفروم او دجاج بمعكرونة او شوفان بلحم

الطبقين الجانبيين كلهم افرزنهم قبل رمضان باسبوعين وربي كانهم فريش بس اهم شي اطلعهم من الفريزر من الظهر لو معجنات اسخنهم في الفرن على حرارة واطية ثلث او نص ساعة قبل الافطار, ولو مقليات اقليهم قبل نص ساعة وبس.. المفرزنات عندي سمبوسة لحم او دجاج او جبن او بيض, سبرنغ رول دجاج او خضار او جبن بنعناع, كبة, اصابع كيري, طعمية, اجنحة دجاج متبلة, باكورا, دجاج طاووق, كرات لحم,, الخ

وربي اسهل نظام لا حوسة و لا شي, تتفرغين للعبادة.. الناس تشتكي من طبخ رمضان وانا مرتاااااااااحة الحمدلله,, كل شي جاهز بالفريزر, اسوي شوربة و حلا بارد كبير كل يومين, والعصاير ما اسهلها الحمدلله

رفع

ماشاءالله تبارك الله 
في الفطور حطي تمر وقهوة ولقيمات او اصابع العروس وعصير 
وبعد التراويح شاهي وفطاير او سمبوسه 
قبل الفجر شوربة والباقي من الفطاير

الله يبلغنا الشهر الفضيل ويجعلنا من صوامه وقوامه يارب

مشكورين حبايبي على الرد لا حرمني الله منكم والله يرزقكم الذريه الصالحه والله يتقبل منا ومنكم صالح الاعمال

حطي ع الفطور الاول قهوه وتمر وموية وسمبوسة جبن
الفطور الثاني يكون ع الساعه 7 ونص او 8 ويكون شوربه ومكرونه او كبسة وسلطه زي كذا لاتكثرين