
والله بحبك فى الله ولا حبك ما دخلت ولا ضيعت وقتى فى كتابة كلمة ليكى ...
فإن كنتى داخلة تستفيدى وتبادلينى حبى بحب بالله عليكى كملى معايا لآخر كلمة
5 دقايق من عمرك هتقرأى فيها كلامى وتخرجى بس امانة تخيلى اليوم اللى هتجى حروف كلماتى تحاجك حرف حرف وتقولك قراتنى بعينك ماذا عملتى بيا؟؟
مع قرب العيد .. تبدأ الاسستعدادات على قدم وساق..
ترتيب البيت وتجديد ..
كحك العيد ومعمول...
لبس العيد
تهانى وتليفونات..
ومواضيع على النت على الكحك والمعمول ...
ومع ده وده بيضيع أهم ايام عمرك ..ايوة عمرك لاء كمان عمرك كله مش بس ايام منه
عارفة ؟؟!!!
بما اننا بقينا ما ديين ومبعرفش نعيش الا كدا فخلينا نحسبها على السريع
ليلة من ليالى العشر ب83 سنة
هو انتى لسة هتعيشى 83 سنة ..يعنى خلينا نقول عمرك من 20:30 سنة ويمكن اكثر يعنى لو عشتى كمان 83 سنة من دلوقتى هتبقى من المعمريين وتدخلى موسوعه جنيس كمان
وساعتها بقى استحالة هتكونى بقواكى العقلية دلو احفادك اللى هيخدوا جائزة الموسوعه مش انتى ولو فرضنا انك حتى هتكونى تمام هتعرفى تعبدى ليل نهار ؟؟
عايزة تقولى اية؟؟
عايزة اقولك
بالله عليكى لو الشهر كله راح ومش حاسة بقرب ولا حاسة بحلاوة رمضان
وخرجتى واتفسحتى وعزومتىواتعزمتى ونضفتى وغسلتى وكويتى بالله عليكى الا العشر دول
وحتى هان السنة دى مش عشر دى 9 ايام بس مش كثير والله!! مش قصدى كثير على ربنا لاء حشا لله لا انت اللى مش كثير على نفسك الخير ده لا تستخسرى فيها النعيم
وبعدها صدقينى هتعيشى نقلة تانية فى حياتك كلها هتبقى واحدة تانية
رمضان كلة كوم والعشر كوم لوحدهم
بس سامحينى طولت عليكى بس بجد بحبك ولما سمعت كلمتين جريت جرى اقولك عليهم يمكن ينفعونى وينفعوكى
الكلمة عايزة اقولها لك وهتلاقيها آخر كلمة
استعينى بالله لا انا وانتى نقدر نتحرك ولا نحرك يد ولا لسان بذكر الا بقدرة الله
حسى المعنى اوى وقولى بقلبك "لاحول ولا قوة الابالله"
حساها حاسة انك من غيرة ولا تقدرى تفتحى عينك حاسة انك من غيره متقدريش تشوفى ابنك حاسة ان من غيره مكنش ابنك مكنش انتى والله فعلا كنز من الكنوز "لاحول ولا قوة الا بالله"
ردديها بقلك طول اليوم لا حول ولا قوة الا بالله
دى البداية
نقطة بقى خطيرة
الاغلبية العظمى فى الفترة اللى فاتت اللى ختم مره او اتنين او 5 وفية ناس اكثر وفية ناس جابت فى يوم 10000 استغفار وذيهم سبحان الله ...الخ متقوليش لا ليا ولا اختك ولا امك وتقولى بارفع الروح ولا بحاول اعلى همتهم بالله عليكى دورى على حاجة تانية
لية؟؟
الاخلاص الاخلاص الاخلاص
اغلى حروف ممكن تتكتب والله ربنا يرزقنى ويااكى الاخلاص يارب
حققى ركن الاخلاص بأذن الله تحققى ركن القبول للعمل
والعكس بالعكس