^

^

^

فـ

و

ـو

ــو

ـــو

قـــ

هلا بصرقوعه الغاليه ..شوفي ياقلبي اعجني عجينتك المعتمده لك وشكليها انواع فطاير وبيتزا وخلية نحل وسينبون ودخليها الفرن من تحت بس لدقايق لين تنفش وماتتحمر وبعدين طلعيها وخليها تبرد ثمن احفيظها بتبرويرات محكمة الغلق وفرزنيها واذا احجتيها طلعي الكميه اللي تحتاجينها وخليها برا عشان يفك الثلج وتكونين مشغله الفرن عشان يحمى وصفي المعجنات اللي طلعتيها بصينية الفرن ودخليها الفرن حتى تتحمر قليلا وبعدين طلعيها وغلفيها بالقصدير او بحافظه عشان ماتنشف وبتطلع كنك توك خابزتها وبالهناء والعافيه...

اهلين ياقلبي ..


الحال من بعضه ..


تااااااسعي بيكون ان شاء الله رمضاااااااااان ..

ثقل وتعب وبزااااااارين وزوجي مايحب اكل الخدامه ........







المووووووهيم ....


انتي شوفي زوجك وعيالك وش يحبوووووون ..

ومن هالمنطلق ابدئي .....


بس مو من الحين اصبري كمان الين نصف شعبان باذن الله ...


انا ابقولك ايش اللي احتاج اني افرزنه ياقلبي ..





الشوربه ..


نجيب الذبيحه سعنووونه من بساتين القصيم ومقطعه صغار ..

اقوم انا اجزئها الكبار شوي اخليه للسحور مع الرز ..

والصغار اخليهم للشوربه ..

وماعلي الا اني اطلغع اللحم وابدا فيها لان باقي الشوربه مايحتاج لشي مفرزن .. لاني مااصلحها بطماط وبصل ......





السمبوسه .. طحت في سمبوسة الكبير تجننننننن ورووووعه بصراحه ولذيذه ..

اخذ لحم ودجاج وجبن وخضار ..


السبرنق رول .. برضوا طحت في الكبير ... اخذ دجاج واخذ جبن ....


البف .. فيه محل اسمه ركن الحجاز يجنن .. وهالمره جربت بورك جمار بالدجاج وبالجبنه لذيييييذه ..


الكبه .. جربت من الفطيره الدمشقيه .. تجنن .. وهالمره جربت كبة دجاج ولحم من جمار لذيذه ..


البيتزاء .. جربت قواعد من مخبز في الحساء بس كبار ..

وصرت اسوي عجينة العشر دقايق .. واسويها قواعد بحجم فتحة الكوب وادخلها الفرن بس تمسك

شوي ووتتشقر من تحت اطلعها واخليها تبرد وافرزنها ببلاستك ..

واذا بغيت اسويها طلعتها وحطيت عليها صلصة البيتزاء وباقي اغراضها وادخلها للفرن تتحمر اكثر ..



اسوي اقماع بطول الاصبع او اكبر شوي ..

واسويها بنفس طريقة البيتزاء ..

وكل ماحبيت اسويها اطلعها واحشيها باللي ابيه ....




اسوي عجينة العشر دقايق وافردها وتكون رقيقه شوي واحمرها على الصاجه ..

وافرزنها ..


اذا بغيتها طلعتها ودهنتها بمايونيز او جبن مع مخلل وبطاطس ودجاج الفها تصير شاورما ..



اسوي لقيمات الكيري .. والسمبوسه الصغار ..

وافرزنها بس اطلعها اقليها واحط عليها حليب مركز .. تطلع وااااااااو


واللقيمات طبعا اسويها فرش .. كل يوم بيومه ..

اخذ من الكبير كباب .. بس احمره في الفرن واحط معه جمره بالزيت يطلع كانو مشوي .. والفه في

الخبز مع بصل وبقدونس وسماق ومخلل وطحينه يطلع رووووعه ..

الدجاج اذا جبته اقطعه ارباع واحفظ كل ربع في كيس ..

اسرع لي يكون مقطع ومنظف ومغسل ..

الخضار ماحب افرزنه .. فرش احلى ..

وبس هذا اللي عادة اسويه قبل رمضان باسبوع او اسبوعين ياقلبي ..

وبسم الله علي والله يوصلني مواصيل السلامه يارب ..

مشكوره ياقلبي :) والله يرفع مقدارك ويسعدك دنيا وآخره

الله يسعدك ياقلبي ويوفقك دنيا وآخره ومشكوره :)