سلام
بنت الرياض مااقول الا الله يعينك على زوجك ويصبرك ويسخره لك وحاولي ماعاد تفتحين معه الموضوع الله يحنن قلبه على بناته
ناني بالعافيه اللقيمات اشتهيتها اليوم ماسويتها ولا دخلت من امس انكرفت بالبيت مع بناتي صرت اعزل من بدري قبل العيد لان باذن الله بتفرغ بالعشر الاواخر للصلاة بالمسجد ولاودي شي يشغلني الله يقوينا ويتقبل منا الصيام والقيام ولا يحرمنا الاجر


اللهم اشف جنيني وقر عيني وزوجي برؤيته سليما معافا

ماشاء الله بديتي تقضي جعله ملبوس العافيه وعقبال ماتشوفينه بحضنك بصحه وسلامه يارب



اللهم اشف جنيني وقر عيني وزوجي برؤيته سليما معافا 🌟

استثنائيهـ
مشاءالله عليك بديتي بالتجهيز
الله يجيبهه لك بالسلامه يارب ويلبسهم بالعاافيه

بنااات شايله هم الولاده


انا ماارتاح الا ببيتي وولادتي ان شاء الله راح تكون وقت دراسه

شايله هم مدارس عيالي متعودين يرجعون مشي

لرحت بيت اهلي،بضطر احط سواق غير انهم متعلقين بالبيت غرفتهم اغراضهم كل شي

وبيت اهلي ماافي، استقرار تعرفون بكون ضيفه حتى ماراح ًيكون لي غرفه

وزياده عل كذا عيالي فيهم حقهم اليوم قالت لهم اختي اسكتوا وعيوا واضربتهم كف وعصبت عليها

احس امي زعلت لاني هاوشتها بس معي حق ليه تمد يدها من غير سبب

تصدقون بنات انا في احلك ظروفي ماانام ببيت اهلي انا فيني، طبع اكره مااشوف اني اضايق احد ولا اكلف عل احد حتى لو كانوا اهلي

المشكله انا اعرف اختي تتمشكل مع عيالي ولو تكلمت امي تزعل وتوقف معها

مرره شايله هم مررره

غير كذا احس ماعاد يصير لي سيطره عل عيالي كلن يسوي نفسه يربي عاد صح او غلط

وانا انسانه تعاملي مع عيالي مدروس مااحب احد يخربطه

يوووه شايله هم المشاكل

ولو فكرت اجلس ببيتي المشكله انه مرررره صغييير واكيد يبغى لي احد يخدمني

غير انو لو جاو لي ضيوف مافي مجال استقبلهم خصوصا ان زوجي من النوع البيتوتي وينزعج من كثره الزيارات

ولا اقدر اقول لاهلي لاتجوني
مدري وش اسوي

مررره شايله هم

عهد الوعد
خليك في بيتك اكرم لك وانا اختك دام وضع امك واخت كذا مع عيالك
اللحين الوحده فينا يدوبك تتحمل عيالها محد ينلام
فبيتك ترتاحين نفسياً حتى لو ضيق الزم ماعليك راحتك
والا اجلسي عندهم اسبوع بس وارجعي بيتك
وبعدين الزيارات ترا كلها كم ساعه ما اظن الناس بيجلسون نص يوم مثلاً عندك وزوجك اكيد بيقدر كلها فتره وتعدي
اذا ماتقدرين تجيبين خدامه بالشهر لان بيتك ضيق جيبيها بالساعه يختي تكرف وتنظف لك البيت وتمشي واذا على اكلك ترا فيه حريم تتعاملين معهم طول فترة النفاس يفطرونك كل صباح ويوصلون لك الاكل للبيت بنت خالي تعاملت مع وحده تجيب لها فطورها لباب بيتها كل صباح العشرين الاولى
وان شا الله ربي مايحوجك لاحد ويقويك