اخبــــاركم حبيبآت قلبي الغاليـــآت
لكم وحشـــه وربي ..
شهر رمضــــان المبـــارك عالأبواب بلغني الله واياكن صيامه وقيامه
موضوعي عن صلاه التراويـــــــح
لايخفى علينا جميع ان صلاة المرأه في بيتها افضل ولكن احياناً تتكاسل الوحده
عن صلاتها في بيتها للأســـف وتشوف ان الصلاه مع الجماعه تعينها وتشجعها
انا بالنسبه لي افضل الصلاه بالمسجد
لكـــن رمضان الجاي ماراح اصلي بالمسجد عشان نونتي الدلوعه الله يحفظها قمة الازعاج والعباطه:06:
ولأنـــي مقتنعه ان وجود الاطفال(المزعجين) بالمسجد اكبر غلط
كل سنه الاسطواانه تتكرر وتتكرر وتتكرر
الأمهـــــــــات اللي يجيبون اطفالهم للمساجد وهم عارفين ان اولادهم مزعجين ليش تجيبونهم؟؟؟
المشكله كل يوم يجيبونهم وكل يوم صياح وزعيق ومطارده ومضاربه وكأن مصلى النساء حضاانه للأطفال
يعني اول مره صليتي بالمسجد وشفتي سلوك اولادك وكيف اذيتي خلق الله
ليش وليش وليش تجيبينهم مره ومرتين وثلاث.؟
ماتخافيــــــن احد المصلين يدعي عليكـ
تقولين مالقيت احد يمسكهم لي.. اقولك صلي ببيتك جزاك الله خير صلاتك ببيتك افضل
والله انك تستذنبين بدال ماتؤجرين
حتـــــى الرجال يوصلهم الصوت وياماا الأئمه ينبهووون بعد كل صلاه
لكن لاحياة لمن تنادي
والمشكله اذا جيت انصح وحده لاتجيب اطفالها تكشر عن انيابها شوي وتاكلني :mad:
وتقول بأعلى صوت(والله اذا عندك احد يمسك اولادك انا ماعندي احد)
ياامي اجلسي معاهم ببيتك وصلي هناك بارك الله فيك لاتجيك دعوه من وحده ساجده اذيتيها ومادرت ايش يقول الامام ..
انا مااعمم على كل الاطفال ..فيه اطفال بلسم ماشاءالله تبارك الرحمن مالهم صوووت الله يحفظهم
اتمنى مااحد يزعل من اسلوبي لكن والله احزن على المصلين اللي مادروو ايش يقول الامام
حتى الاطفال احزن عليهم بعضهم خوافين ويسمعون صوت المكبرات تطير عقولهم وينهبلون ياحرام
ريحيهم وخليهم بالبيت شغليلهم اناشيد وافلام كرتون وصلي بغرفتك وانتِ متطمنه عليهم
مو احســــــن كذا ..؟؟!!!!
شـــوفو هذي القتوى للشيخ الجبرين الله يرحمه
*سبحان الله وبحمده _ سبحان الله العظيم*
*اللهم صلي وسلم وبارك على نبينا محمد وعلى آله وصحبه اجمعين*
