**مرفأ** :

الإهداء إلى الحبيب الآتي: -1- أطلتَ الغيابْ .. وتحْسَبُ عَاماً مِنَ البُعْدِ يَكْفِي .. ليُنْسِيَنا اللحظاتِ العِذابْ ! حبِيبِيْ .. إذا كانَ بَعْضُ الفِراقِ دَوَاءً .. ألا إنَّ بَعْضَ الفِرَاقِ عَذَابْ ! لقد مَرَّ عَامٌ .. وما زالَ شَوقِيْ كأوَّلِ يَومٍ .. كآخِر يَوْمٍ .. فليتَك زائِرنا كُلَّ شَهْرٍ .. وليتَك حِينَ تزور القلوبَ .. تقيمُ مدى الدَّهْرِ دُونَ إيابْ . -2- حبِيبِيْ .. أنا مُذْ رَحَلتَ بِخَيْرٍ .. وبِي يا طبيبِيَ بَعْضُ الجِرَاحْ .. يُدَثِّرُ قَلْبِي ثوبٌ غَليظٌ .. ثقيلٌ عتيقٌ .. فما عُدْتُ ألْمَسُ لَحْنَ الصُّدَاحْ .. وما عُدْتُ أسْمَعُ ضَوْءَ الصَّبَاحْ .. حبيبيْ .. لقد جَفَّتِ الرُّوحُ مِنِّي .. وأغْصَانُها اليابِسَاتُ العَرَايا تَكَسَّرْنَ في عَاصَِفاتِ الرِّياحْ ! وكُنتُ أجَاهِدُ كيمَا أفِيقْ .. فأشْعِلُ عُودَ ثِقابٍ صَغيرٍ يُضيءُ لِيَ الظلماتِ الثلاث .. ظلامَ الضَّياعِ .. ظلامَ الهمومِ .. ظلامَ الأمَانِيْ الكِبَارِ التي شِدْتُها لَبْنَةً لبْنَةً فَتَهَاوتْ أمَامِي .. وصارَتْ كما الحَرَمِ المُسْتَبَاحْ ! وكنتُ أجَاهِدُ كيما أفيقْ .. فيجْثُمُ فَوْقِي ويَخْنُقُ خَطْوِيَ ثوبِي الغليظُ الثقيلُ العَتِيقْ .. فَضَمِّدْ جراحي .. فإنَّك للروحِ رَوْحٌ ورَاحْ .. وإنِّيَ والله لستُ بِخَيرٍ .. ولكنّنِي مُثخَنٌ بالجِرَاحْ !!! -3- فداكَ .. تَعِبْتُ مِنَ التِّيهِ .. يقْذِفُني المَوْجُ في بَحْرِهِ كأنِّيْ سَفِينٌ تَحَطَّمَ فِيهِ وما عَادَ غير شَظايا الخَشَبْ !! تعبْتُ .. تعبْتُ .. ولحْنُ ابن ثامر يَسْكُنُ صَمْتَي : ( وما غير فَوْضَى تُرَتَِّبُ رُوحَكَ يابْنَ التَّعَبْ ! ) (1) وأنَّى تُرَتِّبُ فَوضَايَ فَوْضَى ! وكَيْفَ سَتُطفِئُ نارِي الحَطَبْ !! أنا الخائِفُ التَّائِهُ المُسْتَلَبْ !! أنا خَائِفٌ ..! مثلُ طِفلٍ صَغِيرٍ أضَاعَ أبَاهُ .. وفي زَحْمَةِ الناسِ رَاحَ يُنَادِي ويَبْكِي .. فذابَتْ نداءاتُه في الصَّخَبْ .. أنا تائِهٌ ..! كغدٍ في العِرَاقِ .. أنا المُسْتَلَبْ .. !! حبيبي .. سَرَيْتُ لأهْرُبَ مِنِّي .. ولكنَّ كُلَّ الجِهَاتِ مَرَايا .. فأيْنَ الهَرَبْ ! -4- حبيبِيَ .. إنِّيْ خُلِقتُ بنِصْفَينِ .. نصْفٌ لهُ صِلةُ بالسَّمَاءِ .. ونِصْفٌ ترَابْ ! وما زِلتُ أذكُرُ .. حين تَمُرُّ رَحِيماً نقياً .. كمَرِّ السَحَابْ فتَغْسِلُنِي مِنْ غُبَاري ووَحْلِي .. وتهْمِسُ ليْ فِي حَنانٍ : بُنَي َّ.. تَوَضَّأْ .. فقدْ حَانَ وَقْتُ الصَّلاةْ ! وحين الترَاوِيحِ .. يعْلُو بنا "سَعَدُ الغَامِدِيِّ" ويُدْخِلُنا في جِنَانِ الحَيَاة ْ ! فنشْعُرُ أناّ ارْتَفَعْنا عَنِ الأرْضِ حَتَّى كأنّا .. نسيمٌ مِنَ العِطرِ هَبَّ عَليلاً .. مِنَ الخُلدِ نَفْحَتُه وشذاه ْ! وما زلتُ أذكُرُ .. أنِّيَ بَعْدَ ارْتِحَالِكَ عَنِّي .. ترَكْتُ هُنَالِكَ نِصْفِي وعُدْتُ .. ومُذْ ذاك أحْيَا .. بِنِصْفِي التُّرَابْ !! ... .. . وحان اللقاءُ .. أيا قادما ً بَيْنَ كَفَّيْكَ نِصْفِي المُضَاعْ .. سلامٌ عليْكَ فأنْتَ الحَيَاةُ .. وكلُّ الحياةِ سِوَاك .. مَتَاعْ ! وكَمْ يُؤْلِم القلْبَ يا رَمَضَانُ .. بأنَّ لكلِّ لِقاءٍ .. وَدَاعْ !! قصيدة للشاعر أحمد المنعي

الإهداء إلى الحبيب الآتي: -1- أطلتَ الغيابْ .. وتحْسَبُ عَاماً مِنَ البُعْدِ يَكْفِي...

مناير العز :

بسم الله الرحمن الرحيم يا عسى كل رمضان يعود عليكم بالخير وبالرحمة والمغفرة من رب العالمين اليومية الأولى .... اقروها بعدين أعلمكم متى كتبتها 7 7 7 7 تحلى أيامك مع رمضان تعريف: رمضان الشهر اللي انولدت به .. عشان كذا الناس يحبونه .. وهو التاسع < لاحظوا العدد فردي .. او بالاصح وتر والله يحب الوتر .. ويجي قبل يخلص العام بثلاث شهور وهي شهور الحج ويتبعه عيد الفطر .. لأن الناس يفطرون فيه الصبح على جريش ( خسارة هالسنة منيب رايحة القصيم .. يعني مافيه جريش خالتي) ويتغدون رز < احلفي رمضان بما توحي لكا هذهي الكلمتو؟ < تراها فصحى !! اول شي: يضيق صدري ان كل رمضان اكتشف اني كبرت سنة عن اول < عقدة الحريم العمر ثاني شي: يضيق الصدر في تدوير ملابس العيد ( على فكرة للحين ماشريت .. اللي يلقى لبس حليو وانيق يدق على رقم السبيس دقة وحدة لين يحوله السنترال .) ثالث شي: يضيّق الصدر الطبخ والنفخ، وبهالمناسبة بحكيكم وش مسويتن فينا امي (الله لا يحرمنا منها يارب)... اقترحت الوالدة الله يحفظها الاسبوع الماضي ان كل وحدة مننا يالبنات ( وحنا ثلاثة ) ، يكون لها يوم تدخل المطبخ لحالها تسوي الفطور والعشاء بمافيه القهوة والسمبوسة طبعا ومايساعدها فيه احد ، حتى التقديم .. هي تفرش السفرة وتقلط وتعزمنا بعد .. تقول انها تبي تطمن علينا اليا اعرسنا هو نقدر نقوم بأعباء المطبخ والا لا ( ماتدري اني مقدّمة على زوج و شغالة وهي الاهم وطباخة وسواق من الحين .. الله لا يعوقهم بشر) < ماقدمتي على عيال؟ لا موب الحين بتهنى بعمري اول وطبعا بما اني كبيرة القوم ناظرتني وقالت وفي عينها ابتسامة كحلية < مشتقة من الكحل : انتي يا ام سليمان (وهاللقب له قصة اقولها لكم بعدين) اليوم عليتس الفطور تفاجأت وش يمديني اسوي .. الحين بيذن العصر ومايمديني اسوي شي اهئ اهئ .. بغيت اعترض واقول خليه بكرا .. بعدين قلت لا سويه اليوم وارتاحي حبة رز وسلطة .. ومشي حالك امي كأنها تقرا افكاري قالت : لا تكبين لنا رز وتمشين حالك .. اطبخي يعني ادهري بالمطبخ عاد انا ماحب اعترض على امي بشي .. عشان المصالح طبعا .. يعني لو طلبتها سوق والا أي شي ماتعيي علي لاني اطيعها واقوم للمطبخ .. بغيت اطبخ دفاتر الطبخ من كثر ما اقلب فيهن .. واخبص لي حلى عشان احطه مع التمر والقهوة على اذان المغرب وفكرت بالمالح .. يعني بزيّن عدة اطباق؟؟ .. وانا افكر .. كانت اختي الصغيرة تلعب بمنشفة صغيرة تلفها وتدور علينا وتقول تبون شارما < كذا تنطقها بدون واو .. قلت : جبتيها يا ام سليمان وابدا اعجن واخبز واشوي الدجاج و و و الين اذن المغرب ماسويت غير الحلى والشاورما طبق حلو وطبق مالح بس ؟ من بيشبّع هذا؟ اطلب لهم .. لا والله ماعندي فلوس .. للحين راكبتـني ديون عقب الاجازة الصيفية .. هالاجازة ذي اسمها نفاضة فلوس .. صرفت ثلاث الاف وتدينت فوقها ثلاث ونص .. كله بالسوق والمطاعم طربق طربق < اخوي يركض والعيال كالمعتاد لا منهم دخلوا البيت كنه ديناصور داخل ..طرع بالباب وطع طع بالارض .. تقول حاقدين على الأرضية شوي والا طرررررررررررررررررع صينية في وسطها ثلاث صحون وعليها منشفة بالارض .. والتفت على الارض واشوفها .. زين ماتكسرت الصحون من جفاسته .. سألته وش ذا؟ قال هذولا الجيران مرسلين فطور .. الظاهر انهم عارفين ان الفطور عليتس اليوم وخافوا نفطس جوع .. انا (اللي هي ام سليمان) : من زينك يالشين .. تراك محروم من الفطور .. يالله تقلع < الاخلاق تقفل مع الجوع قال : ياخوفي انتي اللي تنحرمين من الفطور .. اقول عجلي بالفطور ولا تكثرين حتسي < يعرف ينافخ واطير للصينية واشوف وش فيها سمبوسة ، كنافة ، دونات اللــــــــــــــــــــــــــــه بغيت اناقز من الفرحة واشيلهم احطهم على السفرة وانا اقول الحمد لله الله رزقني على قد نيتي ( انتهى درس على نياتكم ترزقون) القسمة والنظام احيانا شين اليوم اللي على اختي الصغيرة المطبخ، دخلت عليها وهي حايسة .. صياني بيتزا وفطاير .. وقدر على النار .. ماتقدر تحك راسها من الشغل اللي هي فيه .. وارحمها واشمر معها وانا ناسية انه يومها اللي تطبخ فيه لحالها .. وابدا اعجن وادهن .. واروح اطلع دفاتر وكتب الطبخ .. ادور كيك وازين الكيك .. كل هذا وانا ناسية انه يومها يوم خلصت طلعت فوق للغرفة وادخل والقى اختي الوسطى منسدحة على السرير ولا عليها من شي .. بغيت اهد فيها واقول لها خلي عندك دم قومي ساعدينا على الفطور .. بس ماقلت لها .. بهاللحظة تذكرت ان امي مقسمة لنا كل وحدة يوم، وانا حظرتي ام النسيان موب ام سليمان نسيت واقتحمت الاجواء وساعدت اختي من حيثو لا اعلمو امي يوم درت قعدت تضحك وقالت انتي حسنتي نيتك وربي رزقك .. واختك بعد الله رزقها يوم خلاكي تنسين وتدخلين تطبخين معها ( انا ضحكت وقلت ايه موب شرط الرزق يجي من عند الجيران ، احتمال يمه تنسين المرة الثانية وتدخلين تسوين الفطور قبل ماجي من العمل) قالت امي الا هذي منيب ناسيتها القسمة والنظام احيانا شين ليش؟ لانها احيانا تحرم من التعاون والتساعد< لا يفوتكم الهرج السنع يوم قسمتنا امي ماصرنا نساعد بعض .. وقبل كنا نتعاون ونسوي كل شي مع بعض يارب امي تنسى وتخلينا زي اول ============================= عمرة في رمضان تعدل حجة ادعوا يارب تكتب لي عمرة في رمضان

بسم الله الرحمن الرحيم يا عسى كل رمضان يعود عليكم بالخير وبالرحمة والمغفرة من رب...