رموشج خفيفه وقصيره؟ تعالي اقولج عن ماسكرا رهيبه

سلام بنات

من زمان ادور عن ماسكرا زينه

جربت كثير وكل ماسمعت عن نوع سرت وشريته عقب اكتشف انه تعيس او الدعايه غير الواقع

حتى صار عندي شكثر علب ماسكرا من غير فايده ولا كاني حاطه اصلا ماسكرا او خفيفه

من مده شفت دعاية ماسكرا حق ريميل وسمعت بنات المنتدى يمدحون بماسكرا فرشاتها مثل المشط رحت ابغي اشتريها كانت مخلصه وشريت ماسكرا جديده من ريميل لون عليتها احمر

بنات رهييييييييييييييييييييييييبه من اول ماتحطينها تلاحظين الفرق
تصير رموشج كثيفه وثقيله كانج حاطه رموش ورحت فيها الدوام ولا ساحت

وبعد وانتي حاطتها ماتحسين رموشج ناشفه وقاسيه مثل ماسكرات غيرها وممكن تمسحينها بسهوله باي كريم عادي وبدون ماتطيحين رموشج

وعلى فكره سعرها رخيص تقريبا 32 درهم من كارفور

جربوها وراح تعجبكم :)