رموشي يا رموشي ... مدري وين اوديك.. هع

انا رموشي مو شي و تتساقط و خفت مع المكياج

قلت يا بنت بتصيرين وع :44: و تحتاجين رموش تركيب

المهم وانا اسوي بحث بالنت و حركات
لقيت موضوع بأحد المنتديات حق بنت مسويه خلطه وانا عدلت عليها شوووووووووووووويه لسبب بقوله الحين

بالنسبه للنتايج... ترى هالخلطات مو سحر.. يعني مو بعشر ايام يطلع لك رمش وش طوله .. لا .. اكل العنب حبه حبه و الشعر ينبت بسرعه بس يبيله شوية صبر يا عسل

ملاحظه: أول كم يوم طاحت كم رمشه من عيوني ((هالشي الاحظه حتى بشعري لما احط عليه علاجات قويه يطيح الضعيف و ينمو مكانه شعر قوي))
يعني لا تخافين وتتصربعين


الموهم عشان تسحبين رموشك وراك سوي اللي اقوله لك


أولا جيبي نوى تمر مطحون وحطيه بعلبه (( كميه لا بأس بها يعني لا تصيرين بخيله .. سوي معمول لاهلك و خذي النوى .. انا هددتهم عشان ياكلون كل واحد سبع تمرات لمدة اسبوع و جمعت كاس نوى خخخخخخخخخ :22:))



ثانيا جيبي اثمد اصلي ... لبنات الشرقيه انا لقيته بصيدلية الخنيني اللي جنب مستشفى فخري و سعره 45 ريال (( من الشفاحه شريت 2))



ثالثا انتي بالبيت جيبي علبه زجاج و حجمها كبير شويه (( انا استخدم علبة الصلصه المدوره))
حطي فيها :

10 فصوص ثوم مقطع صغار

قشر ليمونه مقطع او مبشور

ملعقه كبيره عسل

ملعقه كبيره نوى تمر مطحون

مقادير متساويه من زيت الخروع و زيت اللوز الحلو (( حاولي تحطين ربع كاس من كل نوع تقريبا عشان الخلطه حاره شوي من الثوم)) و خليها اسبوع و بعدين صفيها لو حبيتي



رابعا
علبه صغيره فيها زيت خروع وزيت لوز حلو بس



خامسا
فرشاتين ماسكرا نظاف و معقمين



طبعا الوصفه الاساسيه ما فيها اثمد بس انا لأني ما قدرت اطحن نوى التمر نااااااااااااااااعم لدرجة اني اتكحل به استبدلته بالأثمد

وش صرت اسوي؟؟


بالنهار:
اتكحل بالأثمد و اجيب فرشاة ماسكرا احط فيها شوي من زيت الخروع واللوز و احط فوقه نوى التمر كبديل للماسكرا ((رموشك تبان احلى من اي ماسكرا و طويله وسودا و تجنن))

أو سوي طريقتي ((حق الكسلانات)) اغمس فرشاة الماسكرا بالزيت ثم بالنوى و اعمل زي العجينه من الخليط على غطا العلبه ((شفتي قوام الأسمنت حق الجدران؟؟ بفرشاة الماسكرا اسوي هالمزيج و احطه كعجينة ماسكرا على رموشي بدال قصه الطبقتين))

و استحملي شوي لا تحطين كحل مع الخلطه عشان القلم يطيح الرموش خليها لحالها




بالليل أو بالبيت بشكل عام

بعد ما اغسل وجهي و احط كريماتي
اتكحل بأثمد و احط خلطة الزيت الثانيه ام الثوم و الليمون و العسل و اسوي نفس الطريقه مع نوى التمر كماسكرا



طبعا انا سويت زيت الخروع و اللوز الحلو عشان النهار عشان الريحه بالدوام بس والا الأفضل هو الزيت الثاني



ان قدرتي تتكحلين بنوى التمر تقدرين تحذفين الأثمد .. صاحبة الموضوع ما حطت اثمد و تتكحل بنو التمر بس انا ما قدرت اخليه ناعم

رموشي خلال اول اسبوعين حسيتها فرقت صحيا وما تتساقط و الطولت

الكثافه اخذت مني يمكن شهرين عشان احس بالفررررررررررق


و مشكورين على حسن الإنصات


صفقوا لي:icon28: