رنت الجرس ولا هديه

السلام عليكم
لي صديقه الله يهديها اقل مايقال عنها تحب الشحاذه
دائما سوالفها انا ماعندي انا مامعي رغم ملابس اطفالها من افخم شي اديداس ولاكوست وزارا ومرتبين ومايلبسون الا جديد وهي بعد دايم في أبهى حله
تدري اني موظفه ومعاي وهي لا غير موظفه دائما شكاويها عن انها مفلسه ومامعاها وزوجها مامعه وانا اصبرها مره قالت لي انتي موظفه يختي مشيلي صدقه كل شهر لو ٥٠٠ ريال ربي يبارلك في وظيفتك قلت وظيفتي كلها قروض وانا نفسي واطفالي يالله يكفينا تراني تجيني حالات مايكون بحسابي ولا ريال اسكتت عني جا رمضان قالت لي اذا عندك ذهب ماينلبس زكيلي تراني محتاجه وتدق علي قلت ماعندي ذهب بعدها فجئه جابت لي هديه سلسال قالت هذا شي بسيط وانتي دايم ماتقصرين معاي شكرتها اتفاجئ بالليل ترسلي واتس تقولي انتي اهلك راعين خير وتجار واكيد يزكون خليهم يعطوني من اللي يكتب الله والله لو الفين ثلاث الالف تسد قلت اهلي زكو وخلصو وانا مامعي وربي يفرج لك قالت والله مامعي اشتري عيديات لعيالي قلت وسلسال اللي جبتيه هديه لي بكم قالت ٣٥٠ قلت عطيني حسابك احولك حق السلسال واذا ياعيوني انتي مو قد الهديه ومامعك لاتضغطين على نفسك وتهدين ثم تشكين ترى كل اللي بحسابي ٦٠٠ ريال بغبيهم الاخر الشهر و٣٥٠ بحولهم لك اقسم بالله كنت بهديها هديه وبحط لها فيها مبلغ ٥٠٠ اذا نزل راتبي لكن حامت كبدي من تصرفاتها وبطلت اثاريها مهديتني مصلحه يوم ماشافت مصلحه طقتها بوجهي تقولي انا مامعي فلوس وانتي عندك طقم ذهب شايفته يوم تلبسينه في زواج اختي زكي عنه وعطيني فلوسه انا محتاجه ابي لو ٣٠٠ ريال ورب الكعبه حامت كبدي منها امس مهديتني سلسال واليوم تشحذ مني هذي الانسانه غررريبه المهم حولت لها حق السلسال تقول انه٣٥٠ وحولتلها حق سلسالها وبعمررري ماراح اخذ منها شي الشحاذه هذي رفعت ضغطي احسبها مهديتني حبن فيني طلعت تبي من وراي فايده انا نفسي احتاج زكاة وتحسب اهلي مغرقيني بالفلوس ماتدري انه من اخذت زوجي وتوظفت مستحيل اطلب ريال من اهلي اصلا عيب
هذا غير انها من شافت الطقم اللي لبسته في زواج اختها طقم عااااااااااادي من حقات عرسي مايتجااوز ٣٥٠٠ هو الوحيد الثقيل الباقي سلاسل خفيفه وهي من شافته ناشبه فيني بيعيه وعطيني الف ريال بيعيه واستلنسي بفلوسه وونسينا معاك بيعيه بيعيه وش تبين فيه الدرجة كذبت عليها وقلتلها بعته انسانه غريبه عجيبه ومن تجي حزت الرواتب يبدا شغل التلون والتمسكن والشكاوي تبي لو احولها ٥٠٠ هذا غير في رمضان كللللل سنه تدق هاااه اذا تعرفين احد يزكي ترى انا محتاجه ترى انا ابي انسانه عجزت بقطع العلاقه وهي لازق فيني تقل صمغ موقف اليوم خلاني مررره اتضايق منها ورب البيت كل ما احاول اغير نظرتي فيها تسوي حركة تخليني مسسسستحيب اغير نظرتي لها اجل امس تهدين سلسال واليوم تقولين هو ٣٥٠ وابي انا لو٣٥٠ امشي حالي فيهم وخزيااااه